Oчарчилик Яман аҳлини ҳалок қилмоқда
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Курашаётган томонлар ўртасидаги уруш учинчи йилига кирган бир вақтда очарчилик Яман аҳлини деярли ҳалок қилмоқда
Яман аҳли – асосий эҳтиёжларга қадар етиб борган азоб-уқубатлардан қийналмоқда. Чунки Англо-Америка кураши натижасида осойишталик йўқолди, озиқ-овқат тақчил, таълим ва соғлиқни сақлаш тизими издан чиқди, ичимлик суви, электр энергияси йўқ, маошлар берилмайди, хизматлар кўрсатилмайди. Бугина эмас, балки улар очлик, касаллик, қирғин, хавф-хатар, уруш, мазҳабпарастлик ва маҳаллийчилик фитналари ҳамда жиноятчиликнинг кенг тарқалиши каби офатлардан ҳам азият чекмоқда… Мана, Ямандаги уруш ҳам учинчи йилига кирмоқда. Америкапараст доиралар билан англияпараст доираларнинг ўйнаётган «қимор ўйини» зарарини эса, бечора мазлум халқ кўрмоқда. Америка Эрон қўли билан Ҳусийларни ва уларнинг зоҳирда иттифоқчиси бўлиб кўринаётган Али Солиҳни маблағ ва қурол-аслаҳа билан қўллаб-қувватламоқда. Британия эса, Ҳодий ва унинг ҳукуматини қўллаб-қувватламоқда. Бу ҳукумат – 2015 йил 26 мартда Саудия ва Бирлашган Араб Амирлиги етакчилик қилаётган «Қатъийлик бўрони» амалиётига қўшилди. Уларнинг даъвосича, бу амалиёт Ҳодийнинг қонуний ҳукуматини қўллаб-қувватлаш учун бошланди… Буларнинг барчаси мустамлакачи кофир фойдасига хизмат қилиб, унинг нуфуз ва юрт бойликлар устидаги режасини амалга оширади.
Икки йилдан бери тўхтамаётган ички уруш Яманнинг аслида заиф бўлган иқтисодиёти ва инфраструктурасига зарба бериб, ижтимоий моддий таъминотни, кейин эса (август ойидан бери) маошларни тўхтатиб қўйди, хусусий сектор муассасалари, завод-фабрика ва ширкатларнинг аксариятини ёпиб қўйди. Ўз навбатида, бу ишсизликнинг келиб чиқишига, бинобарин, одамларнинг кунлик эҳтиёжларга ҳам эга бўлолмай қолишларига олиб келди…
БМТ келтирган рақамларга кўра, юртда озиқ-овқат тақчиллиги кузатилмоқда. Озиқ-овқат ва ёнилғи нархи ҳам кўтарилиб кетган бўлиб, қишлоқ хўжалик маҳсулотларни ишлаб чиқаришда узилиш мавжуд. Бундан ташқари, яна бошқа омиллар сабабли 19 миллион шахс, яъни Яман аҳолисининг 80 %и озиқ-овқат таъминоти йўқлигидан азият чекмоқда.
БМТнинг болалар жамғармаси (ЮНИСЕФ) чиқарган статистикага кўра, ўтган йили 63 минг яманлик, олдини олиши мумкин бўлган сабаблар туфайли оламдан кўз юмган, уларнинг аксари тўйиб овқатланмасликдан вафот этган.
Жаҳон озиқ-овқат Дастури ҳисоботларига кўра, ҳар бешта яманликдан тўрттаси озиқ-овқат таъминоти йўқлигидан азият чекмоқда. Улар бир кунда бир маҳал амаллаб егулик топадилар-у, аммо эртанги кунги емишларини топишга ишонч йўқ!
Юртнинг турли вилоятларидаги 7.3 миллион шахс шошилинч озиқ-овқат ёрдамига муҳтож. Бир миллиондан зиёд бола ва чақалоқ тўйиб овқатланмаслик, улардан ярим миллиондан кўпроғи озиқ-овқатга ғоят даражада муҳтожлик ҳолатида. Бу эса айни нисбат, 2015 йилга солиштирилганда 65 %га ўсганини, юртда кечаётган уруш таъсири жуда катталигини кўрсатмоқда.
Ҳисоботлар – иқтисодий аҳвол ёмонлашганининг табиий натижаси ўлароқ, ўтган йили уч миллион боланинг мактабга киролмаганини кўрсатди. Бошқа томондан эса, соғлиқни сақлаш тизими бутунлай вайрон бўлган бир пайтда, болаларда терлама, сил ва полиомиелит каби касалликларнинг илгари яманликлар кўрмаган ҳалокатли турлари пайдо бўлган.
Афтидан, энг кўп зиён кўрганлар болалар ва вояга етмаган ўспиринлар бўлган, кўринади. Бомбардимонларда таналари чор атрофга сочилиб кетиш қисматига дучор бўлмаганлари ҳам очлик ва касалликка нишон бўлиб, ҳаётнинг энг оддий эҳтиёжларидан маҳрум бўлган склетларга айланиб қолишган… Ёки бўлмасам, жангари қуролли гуруҳлар, хусусан, Ҳусийларга қарши жангларда фойдаланиш учун мажбурий тарзда, пул эвазига ҳарбий лагерларга жалб қилинган. Ҳусийлар ҳам қабилалар орасида мактабда ўқишга қизиқмай, қўлга қурол олишга ишқибоз болаларни топиб, урушга, жанг майдонига киритишмоқда!!
Аммо дард устига чипқон бўлган нарса шуки, курашаётган томонлар Яманга айрим давлатлар ва халқаро ташкилотлар томонидан юборилаётган инсонпарварлик ёрдамлари ва озиқ-овқатларни эгаллаб олишмоқда. Натижада бу нарсалар Яман аҳли орасидаги муҳтожларга етиб бормаяпти, борса ҳам, фақат озгинаси етиб боряпти, холос. Бу инсонпарварлик ёрдамлари ва озиқ-овқатларни курашаётган томонлар эгаллаб олиб, аксар қисмини ўз урушларини молиялаш мақсадида қора бозорда пуллашяпти, қолган қисмини ўзларининг тарафдорларига тарқатишяпти. Шуни таъкидлаш лозимки, бу озиқ-овқатлардан катта қисмининг муддати ўтиб қолгани Яман аҳли азоб-уқубатларига яна азоб-уқубатлар қўшмоқда. Масалан, бундан икки кун аввал Ҳодий ҳукумати «Қизил хоч» томонидан ёрдам сифатида берилган 117 тонна буғдойни истеъмолга яроқсиз ҳолга келтирди!!
Шуни таъкидлаш лозимки, жангариларнинг бир-бирлари билан портларни талашиб курашишлари юртдаги вазиятни баттар мураккаблаштирди. Айни курашларнинг навбатдагиси ҳарбий ва иқтисодий урушлар манзарасида содир бўлган Ҳадид порти устидаги курашлардир. Ушбу жанг шундоқ ҳам беҳуда кураш ва урушлардан тинкаси қуриган бечора халқ ҳисобига «ғалаба» қозониш учун содир бўлди.
Яман устидаги халқаро Англо-Америка кураши ҳақиқати юрт аҳлига ҳам сир бўлмай қолди. Чунки курашаётган томонларнинг ўзлари буни очиқ айтишдан уялишмаяпти!! Зеро, Ямандаги уруш курашаётган томонлар ўз жиноятларини қонунийлаштириш учун ҳар хил тўн кийдиришларидан қатъий назар, қонуний ички ва ташқи уруш эмас. Шунингдек, мазҳабпарастлик ёки диний уруш ҳам эмас. Балки у халқаро сиёсий мустамлакачилик кураши бўлиб, унда иштирок этиш ҳаромдир.
Биз Ямандаги курашаётган томонларга бундай деймиз: Наҳотки, сизга икки йил етарли бўлмаса. Ахир, бу ўйинда мустамлакачи хўжайинларингиз фойда кўрмоқда, зарарини эса Яман аҳли қони, ҳурмати, хавфсизлик ва сиҳат-саломатлиги ҳисобига тўламоқда?!!
Наҳотки, сиз учун мансаб ва мустамлакачиларнинг манфаати имон ва ҳикмат аҳлидан ҳам азиз бўлса, ахир, Росулуллоҳ A
«هُمْ مِنِّي وَأَنَا مِنْهُمْ»
«Улар мендан, мен уларданман», дея шу имон ва ҳикмат аҳли ҳақида айтдиларку?!
Эй Яман аҳли!
Сизнинг имонингиз ва ҳикматингиз – агар шу иккисига ҳақ-рост мурожаат қилсангиз – муаммоларингизни ҳал этиш учун лойиқдир. Ғарб ва унинг БМТсидан ечим кутманг, чунки улар ўзлари ҳам адашган бўлиб, сизни ҳам адаштиради, сизни фитна ва уруш эшикларига чақириб, ҳатто жаҳаннам эшикларига чорлайди. Бас, уларнинг ечимларидан эҳтиёт бўлинг. Чунки булар, остига мина кўмилган, заҳри қотил ечимлардир! Сиз уларнинг бундай бўҳронли курашларини улоқтириб, Аллоҳ шариатини ҳакам қилиш, калимасини олий қилиш ва Пайғамбарлик минҳожи асосидаги рошид Халифалик давлатини барпо этиш учун ҳаракат қилинг. Чунки, агар билсангиз, шу давлат Яманни қайтадан бахт-саодатли, осуда, ўнгу сўлида боғ-роғлари бор юртга айлантиради. Бу юртингиз неъмат ва бойликларга бой юрт бўлиб, стратегик мавқега эга. Сизнинг қалбларингиз мусаффо, кўнглингиз тозадир. Сиз фиқҳ аҳлисиз, имон ва ҳикмат аҳлисиз. Бас, ғафлатдан кўзни очмоқ они келмадими, бир-бирлари билан курашаётган анави золимларни тийиб, буни амалга ошириш учун Ҳизб ут-Таҳрир билан бирга ҳаракат қилиш вақти келмадими?!!
Аллоҳим, буни яқин қилгин.
Ҳизб ут-Таҳрирнинг Яман вилоятидаги матбуот бўлими
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти: www.hizb-ut-tahrir.info
