Одамларни ўзини ёқишга мажбурлайдиган тузум айбни шахсларга тўнкаб, уларни қурбон қилиб юборади
Одамларни ўзини ёқишга мажбурлайдиган тузум айбни шахсларга тўнкаб, уларни қурбон қилиб юборади
بِسْمِ اللهِ الرَّحْمٰنِ الرَّحِيم
Хабар: Мажбурий ижро бюросининг Наманган шаҳар бўлими ходими Жобир Собитхонов суд ҳукми билан 2 йилга озодликдан маҳрум этилди.
МИБ ходими Ўзбекистон Жиноят кодексининг 208-моддасида (Ҳокимият ҳаракатсизлиги) назарда тутилган қилмишни содир этганликда айбли, деб топилди.
Суд Жобир Собитхоновни Наманган шаҳар, Истиқбол МФЙда истиқомат қилган 35 яшар ёлғиз аёл Гуландом Дедабаеванинг 29 сентябрь куни ўзига ўт қўйиб ҳалок бўлишида айбдор деб топди.
Гуландом икки ярим йил аввал сотиб олган уйидан мажбуран чиқармоқчи бўлган МИБ ходимларига шу тариқа ўз норозилигини изҳор қилган эди.
Изоҳ: Ҳеч шубҳа йўқки, ҳозирги тузумлар одамларни жонидан тўйдириб, ҳатто ўзини ёқишгача ҳам бориб етишига сабабчи бўляпти. Ўт-олов ичида азобланишни бир тасаввур қилиб кўринг, ўзи буни тасаввур қилиш жуда қийин. Аммо одамлар бундай азобли ҳаётдан кўра ўтда қовурилишни енгилроқ, деб санамоқдалар. Юқоридаги ҳолат бир марта бўлгани йўқ, кўп маротаба такрорланяпти. Ва бунга қўшимча ўз жонига бошқача услублар билан қасд қилиш ҳам кўпайиб боряпти. Ахир инсон ўз ширин жонидан шунчалик даражада тўйишига нима сабабчи бўлиши мумкин? Шахсларми ёки қонунларми?
Албатта ҳар бир алоҳида ҳолатда шахсларнинг ҳам маълум даражада хатолари бўлиши мумкиндир. Биз бу ўринда ўзини ёқиб юборганни ҳам, МИБ ходимини ҳам оқламоқчи эмасмиз. Балки бу МИБ ходими ҳам эътиборсизлик ёки қандайдир хатолик қилгандир. Лекин асосий муаммо шахсда эмас, балки бунинг бош айбдори тузумдир. Чунки айнан тузум одамларни бахтсиз қиляпти, бошларига битган бало бўляпти.
Тузум, яъни қонунлар инсон табиати-фитратига мос келмас экан, ундан тирик жонга бирор яхшилик етмайди. Ҳозир эса, инсон табиатига мос келмайдиган тузумлар татбиқ этилгани ҳолида бирор муаммо юзага келса, қандайдир фалокат юз берса шахсларга жазо берилиб, худдики адолат қарор топгандай қилиб кўрсатиляпти. Аслида, бу адолатни қарор топтириш эмас, балки бир одамни қурбон қилиш орқали тузумни абгорлигини яшириш холос. Юқоридаги ҳолатда ҳам МИБ ходими тузумнинг навбатдаги қурбонларидан бирига айланган. Бу тузум шундай, унга садоқат билан хизмат қилганлар ҳам дўппи тор келиб қолганда осонгина қурбон қилиб юборилади. Бу ҳозирда ҳамма давлатларда стандартга айланган. Бирор муаммо чиқса бир шахс ёки гуруҳлар қурбон қилиб юборилади, шу билан халқнинг оғзи ёпилади. Одамлар эътибори қасддан тузумдан шахсларга бурилади. Чунки ҳозирги тузумларнинг амалда татбиқ бўлишидан манфаатдор одамлар бор.
Кўпчилик мана шундай кўзбўямачиликни адолат, деб тушуниб оляпти. Адолат шундай бўлиши керакки, аввало тузум одамларга адолатли муомала қилсин, жумладан уларнинг барча асосий эҳтиёжларини қондирсин. Камолий эҳтиёжларини қондириши учун шароитлар яратиб берсин. Ва албатта Ислом тузумидан бошқа тузумларда бу нарса эътиборга олинмаган. Бу билан Ислом инсон табиатига тўғри келадиган қонунларни белгилаб берганлиги ойдинлашади. Ва яна шуни қўшимча қилиш мумкинки, Ислом тузуми татбиқ қилинган даврларда одамлар ўзларини ёқмаганлар, жонларига қасд қилмаганлар. Исломни ҳаётимизга татбиқ қилиш кечикаверар экан, одамларни ҳаётдан тўйиб, ўз жонига қасд қилишлари давом этаверади.
Ҳизб ут-Таҳрирнинг Ўзбекистондаги матбуот бўлими. Абдуллоҳ
04.04.2021й
