Қотиллар қаҳрамонга, мазлумлар жиноятчига айланган замон
Қотиллар қаҳрамонга, мазлумлар жиноятчига айланган замон
بسم الله الرحمن الرحيم
Инсоният азалдан ё инсон ўйлаб топган тузум ёки Аллоҳ томонидан нозил қилинган тузум билан яшаб келган. Аллоҳнинг тузуми билан яшалган даврлар саодат даврлари бўлган бўлса, инсоннинг ноқис ақлидан келиб чиққан тузум билан яшалган даврлар жаҳолат даврлари бўлган. Жаҳолат давридаги жамиятлар зулм-зўравонликка, адолатсизликка, бузуқ урф-одатларга тўлиб тошган. Ва бу тубанликлар Аллоҳнинг расуллари келтирган илоҳий тузумлар орқали тубдан ислоҳ қилиб келинган.
Бугун биз ҳам жаҳолат даврини бошимиздан кечирмоқдамиз. Сабаби инсонлар ҳаётига Аллоҳнинг низоми – Ислом мабдаси эмас, балки инсонлар томонидан ўйлаб топилган капиталистик демократия тузуми татбиқ қилиняпти. Шунинг учун бу даврда фиқу фасод, зулм-зўравонликлар кенг ёйилди ва айниқса, демократияни қабул қилмаётган мусулмонларга нисбатан ҳатто аёвсиз қирғинлар авж олди. Қонлари тўкилаётган, фитнали можаролар туфайли ўз юртларини тарк этиб бегона юртларда сарсон бўлаётган, юртларининг бойликлари талон-тарож қилинаётган, ор-номуслари топталаётган, террорчи-экстремистларга чиқарилаётганлар асосан мусулмонлардир. Ислом умматининг бугунги аҳволи ҳақида Пайғамбаримиз ﷺ шундай деган эдилар: “Очофатлар ўз идишига ташланганидек халқлар сизларнинг устингизга ташланадилар”. Шунда бир киши “Ўша вақтда биз озчилик бўламизми?” – деди. Расулуллоҳ ﷺ дедилар: “Йўқ, ўшанда сизлар кўпчилик бўласизлар, лекин дарёда оқиб келаётган хас-чўпга ўхшаб қоласизлар. Аллоҳ душманларингиз қалбидан сизлардан қўрқишни чиқариб ташлайди, дилларингизда ВАҲН пайдо қилади”. Шунда бир киши “ё Расулуллоҳ, ВАҲН недир” деб сўради. Расулуллоҳ ﷺ дедилар: “У – дунёга муҳаббат ва ўлимни ёмон кўришдир”. Абу Довуд ривояти.
Энг аламлиси, мусулмонларни қатл қилганлар ҳеч қандай жавобгарликка тортилмай, балки мукофотга сазовор бўлаётган ҳолатлар ҳам учрамоқда. Шу йилнинг 24 октябр куни qalampir.uz тарқатган хабарда айтилишича, собиқ ички ишлар вазири, 2018 йилдан эътиборан Ички ишлар вазири маслаҳатчиси Зокир Алматов “Ўзбекистон Республикасида хизмат кўрсатган ёшлар мураббийси” фахрий унвони билан тақдирланди. Бу исм айтилганда, беихтиёр 2005 йил 13 май куни Андижонда лаънати Каримов режими томонидан амалга оширилган даҳшатли қатлиом хотирамизга келади. Сабаби, Алматов Каримовнинг содиқ шотирларидан бири бўлиб, унинг буйруғи билан ана шу кунги қатлиомнинг бошида турган эди. Айни шу “хизматлари” туфайли Каримов томонидан “Буюк хизматлари учун” ордени билан тақдирланди ва соғлигини важ қилиб ўша йилда ўз хоҳиши билан истеъфога чиқди. Ўзини халқпарвар қилиб кўрсатаётган бугунги президент Мирзиёев қотил Алматовни жиноий жавобгарликка тортиш ўрнига, унга лавозим берди ва бу ҳам етмаганидек мукофотлади. Бинобарин, Алматов бундан аввал, яъни 2021 йилда ҳам I даражали “Шон-шараф” ордени билан тақдирланган эди. Бу Мирзиёев учун бегуноҳ қирғин қилинган юзлаб мусулмонлар қонларининг заррача ҳам қадри йўқлигининг белгиси эмасми?! Ҳолбуки, Аллоҳ таоло шундай дейди:
مَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا
– “Ким бир мўминни қасддан ўлдирса, унинг жазоси жаҳаннамдир. Унда абадий қолур. Унга Аллоҳнинг ғазаби ва лаънати ёғилур. Ва Аллоҳ унга улкан азобни тайёрлагандир”. (Нисо:93)
Пайғамбаримиз ﷺ ҳадисларидан бирида: “Бир мусулмоннинг ўлдирилиши Аллоҳнинг ҳузурида дунёнинг заволидан ҳам оғирроқдир”, – деганлар.
Бундан ташқари, Мирзиёев 2005 йили бош вазир лавозимида эди. Демак, бундай юқори лавозимда туриб қатлиом сирларидан бехабар қолиши қийин масала. Нима бўлганда ҳам, юзлаган мусулмонларнинг қирғин қилинишида бевосита иштирок этган Алматовнинг Мирзиёев даврида “ялло” қилиб юриши, Мирзиёевни унинг жиноятига шерик қилмасдан қўймайди.
Яна ҳам аламлиси, Андижон қатлиомидан омон қолганларнинг аксари ё қамалди ёки ҳижрат қилиб чиқиб кетишга мажбур бўлди. Яъни Каримов режими томонидан уларга “жиноятчи” тамғаси босилди. Ва бу тамға Мирзиёев даврида ҳам олиб ташланмади.
Ҳа, бугун қотиллар қаҳрамонга, мазлумлар эса жиноятчига айланган аламли даврни бошимиздан ўтказмоқдамиз.
Агар бошимизда халифамиз бўлса эди, бу каби қотиллик ва кўргуликларга ҳаргиз йўл қўймасди. Шу боис, бугунги барча мусибатларимиз ечимини ҳабибимиз Муҳаммад ﷺнинг
وَإِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ
“Имом (яъни халифа) қалқондир, унинг ортида туриб жанг қилинади ва у билан ҳимояланилади”, деган сўзларидан топамиз. Шунинг учун Пайғамбарлик минҳожи асосидаги Иккинчи Рошид Халифаликни барпо этишга ҳаракат қилишнинг нақадар зарурлигини англаб етишимиз ва шу эзгу мақсад йўлида ҳаракат қилаётган Ҳизб ут-Таҳрир йигитларини ҳар томонлама қўллаб-қувватлашимиз зарур! Аллоҳ таоло деди:
وَتَعَاوَنُوا عَلَى الْبِرِّ وَالتَّقْوَىٰ
– “Яхшилик ва тақво йўлида ҳамкорлик қилингиз”. (Моида:2)
Ҳизб ут-Таҳрир Ўзбекистон матбуот бўлими аъзоси Салоҳиддин
01.11.2024й
