بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Покистон иқтисодини қутқариш учун Пайғамбарлик минҳожи асосидаги Халифаликни барпо қилинг

Иқтисодимиз вайрон бўлаётган бир пайтда Покистон режими император Нерон йўлидан кетмоқда

Ҳали йиллик бюджет эълон қилинмасдан туриб, Бажу-Навоз режими Покистон иқтисодиётини мақтамоқда. Ҳолбуки, бу иқтисод вайрон бўлиб боряпти. У қониқарсиз ёмон аҳволдагина эмас, ҳатто унинг вайрон бўлиши янада кучаяётганини тасдиқловчи далиллар талайгина! Режимнинг яқиндаги мақтанчоқлик билан қилган баёнотига кўра, импорт миқдори ошаётган эмиш. Аслида эса, иқтисодий аҳволни жон бераётган ҳайвонникига ўхшатиш мумкин. Масалан, одамлар электр энергияси тақчиллигидан азият чекмоқдалар, ортиқча солиқлар елкаларини эзиб ташлаган… 2017 йил 25 май куни Покистон молия вазирлиги қуйидаги эълонни чиқарди: «Импорт миқдори кескин суръат билан ўсмоқда, масалан, 2016 йилдан 2017 йил бугунга қадар ўтган тўққиз ой давомида 18.67 %га етди, ўтган йилда жами импорт ҳажми 32.44 миллиард доллар қийматида бўлган бўлса, бу йилга келиб, 38.5 миллиард доллар қийматга етди».

Дарҳақиқат, бугун Покистон импорти ўтган йилгига нисбатан анча кўп. Аслида эса, бу бизнинг техника ва ускуналарда мустамлакачи давлатларга бутунлай боғланиб қолганимизни, ишлаб чиқаришдан эса ўтириб қолганимизни англатади. Нефт импортига келсак, бу ҳам режимнинг муқобил энергия манбаларини ривожлантиришдаги яна бир омадсизлигини кўрсатади. Ваҳоланки, Покистонда энергия ишлаб чиқариш учун кўплаб арзон манбалар мавжуд. Иқтисодиётимизнинг жон таслим қилаётгани бизни бу соҳада мақтанишдан бутунлай узоқлаштирмоқда. Масалан, ишсизлик кенг тарқалиши, нарх-наво кўтарилиши, Ғарб қурол-аслаҳасига таяниш, истеъдодли ёш ақлларимизнинг Ғарбга кўчиб кетиши ҳар қандай холис ниятли етакчиликни айни хавфни бартараф қилиш учун жиддий ҳаракат қилишга ундамоқда.

Покистоннинг улкан моддий ресурсларга бойлигига, яратувчан ёш авлодларининг тўлиб-тошганлигига ҳамда имкониятлари сабабли унинг дунёдаги иқтисодий ўнлик давлатлари рўйхатига киритилганига қарамасдан, юрт саноати ташкил топгандан бери муваффақиятсиз ҳолатда қолган ва бунга албатта ғайриисломий тузум сабабдир. Асосий ва оддий саноат тармоқларини ўстириш, деган нарса то – техника, мотор, қурол-аслаҳа каби – оғир саноатга асос солинмас экан, амалга ошиши мумкин эмас. Бирин-кетин келаётган ҳукуматлар чет-эл ширкатларига бозорларимиз устидан ҳукмрон бўлиб олишга қулайлик яратиб беришди. Бир вақтнинг ўзида, ҳукумат идораларида кенг тарқалган коррупция орқали маҳаллий ширкатларнинг ўсишига тўсиқлар қўйилди.

Демократия Покистоннинг кучли иқтисод яратишига ҳеч қачон йўл қўймайди. Чунки Ғарб мустамлакачилик сиёсатларини ижро этишда тайёр восита сифатида шу демократиядан фойдаланилади. Дунё бойликларини эксплуатация қилиш учун мустамлакачи кучлар Покистоннинг муваффақиятсиз давлат бўлиб туришидан манфаатдор. Мустамлакачи кучлар, Покистонни ўз эҳтиёжларини қондириш учун ўзидаги мавжуд ресурсларни реализация қилишга лаёқатсиз, саноати заиф, мотор ва реактив моторлар саноатидан холи, хорижий ресурсларга таянган давлат бўлиб туришини истайди. Шунингдек, улар ҳатто оддий қишлоқ хўжалик техникаси ҳам, маҳаллий ширкатлар хориждан олиб келаётган оддий электр вентиляторлари, жарроҳлик асбоб-ускуналари, ҳунармандчилик, спорт товарлари кабиларни ҳам ишлаб чиқаролмайдиган давлат бўлиб туришини хоҳлайди. Покистон аҳолисининг Ғарб саноати учун тайёр бозор бўлиб туриши ҳам шулар жумласидан. Бундай мустамлакачилик сиёсати «Британия Шарқий Ҳиндистон компанияси» давридан бери татбиқ қилиниб келади. У бугун Жаҳон Банки, Халқаро Валюта Фонди каби мустамлакачилик сиёсатлари дохил демократия орқали татбиқ қилинмоқда.

Пайғамбарлик минҳожи асосидаги рошид Халифалик давлати илк барпо бўлган кундан бошлаб, бундан олдин бир неча асрлаб давр сургани каби, дунёда мисли кўрилмаган етакчи давлатга айланишга қаттиқ ҳаракат қилади. Чунки Халифалик давлати асосий диққат эътиборни ҳарбий саноатга қаратади, бу эса уни оғир саноат базасини яратиш учун тез ривожланишига олиб келади. Яъни ушбу давлатни иқтисодий касалликка чалинишига йўл қўйилмайди, аксинча, унинг айнан ҳарбий саноати ривожлантирилади. Дарҳақиқат, Ҳизб ут-Таҳрир томонидан нашр қилинган «Дастур муқаддимаси» китобининг 74-моддасида бундай дейилган: «Саноат бошқармаси саноатга тааллуқли барча ишларни бошқарадиган идорадир. Мотор ва асбоб-ускуналар ишлаб чиқариш, машинасозлик, хомашё ва электроника саноати каби оғир саноат ёки енгил саноат бўладими, омма мулки турига кирадиган саноат корхоналари бўладими ёки хусусий мулкка кирадиган ва ҳарбий саноатга алоқаси бор саноат корхоналари бўладими, ҳеч фарқсиз, буларни саноат бошқармаси бошқаради. Саноат корхоналари барча турлари билан ҳарбий сиёсат асосига қурилиши лозим». Тизгини ўз қўлида бўлиши ва бошқа давлатлар таъсиридан узоқ бўлиши учун, давлат албатта қурол-яроқ саноатига эга бўлиб, шу соҳани ровижлантирган бўлиши, янги-янги ва кучли қуроллар ишлаб чиқариши шарт. Ана шундагина давлат ўзига мустақил бўлади, ҳар қандай эҳтимолли душманга таҳдид солиши учун керакли барча қуроллари ўз тасарруфи остида туради.

وَابْتَغِ فِيمَا آتَاكَ اللَّـهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا ۖ وَأَحْسِن كَمَا أَحْسَنَ اللَّـهُ إِلَيْكَ ۖ وَلَا تَبْغِ الْفَسَادَ فِي الْأَرْضِ ۖ إِنَّ اللَّـهَ لَا يُحِبُّ الْمُفْسِدِينَ

«Аллоҳ сенга ато этган мол-давлат билан (аввало) охират (ободлигини) истагин ва дунёдан бўлган насибангни ҳам унутмагин. Аллоҳ сенга эҳсон қилгани каби сен ҳам (Аллоҳнинг бандаларига) инфоқ-эҳсон қил. Ерда бузғунчилик килишга уринма. Чунки Аллоҳ бузғунчи кимсаларни суймас»      [Қасос 77]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com