بِسْمِ اللهِ الرَّحْمٰنِ الرَّحِيمِ

Покистон ва Туркия режимлари мустамлакачи хўжайинлари талабини қондириш учун Ҳизб ут-Таҳрирга қарши кимўзарга курашишяпти

Ҳизб ут-Таҳрир – Покистон вилояти матбуот бўлими нашр қилган баёнотда бундай дейилади:

«Ҳизб ут-Таҳрирнинг Покистондаги расмий нотиғи Навид Батт 7 йил аввал ўғирлаб кетилгандан буён ҳануз дараксиз қолмоқда. «Йўқолган шахслар масаласи бўйича комиссия» Навид Баттнинг ҳибсга олинганини тасдиқлаши учун Покистон разведка бюросига талабнома юборган, айни масала бўйича ҳукумат органларидан унинг маҳкамага тортилишини расман талаб қилган. Бироқ шуларга қарамай, ҳалигача Навид Баттни бирорта ҳам маҳкама суд қилгани йўқ».

Баёнотда қуйидагиларга диққат жалб этилади: Навид Батт воқеаси шуни яна бир бор тасдиқладики, бу режим мусулмонларга адолат кўрсатиш керак бўлган пайтда кўр ва соқов бўлиб олади, мустамлакачиларга хизмат қилиш керак бўлганда қаттиқ ғайрат кўрсатади! Ахир, покистонлик ҳукмдорлар мушрик ҳинд жангчисини ҳурмат-иззат билан оиласига топширишга шошилишдику, нега Навид Баттни етти йилдан бери оиласи билан ҳеч бўлмаса телефон орқали суҳбатлашишига ҳам қўйишмайди?!»

Баёнот сўнггида бундай дейилган:

«Покистон ҳукмдорлари мустамлакачи хўжайинларидан Исломга қарши курашиш ва уни ҳокимият орқали татбиқ этишга ҳаракат қилаётганларни йўқ қилиш вазифасини олишган. Навид Баттнинг ўғирланиши ҳам Халифаликнинг қайта барпо этилиши мафкурасидан ҳаловати бузилган хўжайинларини рози қилиш доирасига киради. Хўш, холис мусулмонлар Навид Баттнинг озод этилишини бор овозда талаб қилиш билан бу ҳукмдорлар гуноҳларидан ўзларини четга олармикинлар?!

Роя газетасининг 2019 йил 3 июл чоршанба кунги 241-сонидан