بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Путин орқали Сурияда тинчлик амалга ошади дейиш алжирашдан ўзга нарса эмас!

Яқинда Истанбулда йигирма учинчи халқаро энергетика конференцияси бўлиб ўтди. Россия президенти ҳам иштирок этган айни конференциянинг очилиш нутқида президент Эрдўған бундай деди: «Жаноб президентлар ва дунёнинг барча ерларидан ташриф буюрган қадрли меҳмонлар! Мен сизни Сурия, Ироқ ва Ўрта Шарқда тинчлик ўрнатиш учун кучларимизни бирлаштирмоққа даъват этаман». Конференциядан сўнг Эрдўған билан Путин ўртасида учрашув ўтказилиб, унда Сурия, Ҳалабда тинчлик ўрнатиш ва Фурот Қалқони амалиёти масалаларини муҳокама қилишди. Учрашувдан сўнг иккала раҳбар матбуот конференцияси беришди. Иккаласи ҳам Сурия ва Ироқ масалаларига оид, хусусан энергетика масаласига оид ўзаро ҳамкорлик алоқаларини ривожлантиришга келишиб олганларини билдиришди.

Ахборот воситаларида Эрдўған билан Путин ўртасида илиқ туйғулар зоҳир бўлиб турган кўплаб суратлар чоп этилди.

Путиннинг учоқ кризисидан кейин биринчи марта қилаётган айни Туркия сафари чоғида Россия учоқлари Сурияда қатли ом амалиётларини давом эттирмоқда, унинг қўллаб-қувватлови остида Сурия режими Ҳалабни ер билан теп-текис қилмоқда… Бундай Туркия сафари нафақат юрт аҳлининг, балки бутун Умматнинг туйғулари ва қадриятлари билан ўйнашиш, масхаралашдир. Эрдўған эса бундай кимсани Туркияга таклиф этиши ва у билан энергетикага оид масалаларни ҳал этиши билан ўзига чизиб берилган ролни адо этмоқда ва буни Туркия аҳли билан бутун Умматда Путинга нисбатан ғазаб олови тобора алангаланаётган бир пайтда адо этмоқда. Аммо у мана шундай ташаббусларим билан айни ғазаб пасаяди, деб ўйлаяпти, чамаси! Шу боис биз унга бир неча саволлар билан мурожаат қилмоқчимиз: Путин Ислом ва мусулмонлар душмани эмасми!? Россия Чеченистонга ва Афғонистонга ҳужумлар қилган, Қрим Ярим Оролини мустамлака қилган, бугун Сурияда қирғин содир этаётган давлат эмасми?! Бу юрт босиб олган минтақаларда қандай ваҳший амаллар содир этаётганидан сенинг хабаринг йўқми?! Чамаси, Путин сен учун муҳим раҳбар кўринади?! Бироқ мусулмонлар доим бу кимсани Ислом душмани ва мусулмонлар қотили, деб ҳисоблаб келганлар. Аёллар ва болалар қотили Путиндан Сурия ва Ироққа тинчлик олиб келишини тахмин этиш, алжирашдан ўзга нарса эмас. Чунки Путиннинг Обамага шерик эканини ҳеч бўлмаганда Сурия аҳли яхши биладилар ва сен ҳам буни яхши биласан.

Эрдўған бундай сўзларни айтди: «Биз Фурот Қалқони амалиёти ҳақида суҳбатлашдик ва ҳамкорлик қилишимиз мумкин бўлган йўлларни мустаҳкамладик». Россия президенти бундай деди: «Биз турк президенти билан де Мистуранинг қурол-аслаҳаларини ташлашни истамаётган ҳарбий қисмларнинг ўзини ортга олишига оид ташаббусини қўллаб-қувватлаш учун бор кучимизни сарфлашга келишиб олдик…». Иккала раҳбар айтган бу баёнотлардан Фурот Қалқони амалиёти халқаро кучлар ҳамкорлигида олиб борилаётгани очиқ кўриниб турибди, чунки иккала раҳбар уни қўллаб-қувватлашларини айтишди. Демак, Фурот Қалқони амалиёти ғалаба деб ҳисобланмайди, билъакс, у Ҳалабга қарши тил бириктирувдир. Наҳотки, бу изоҳлар Ҳалабга қарши тил бириктирувга далил бўлмаса, наҳотки, бу изоҳлардан АҚШнинг Суриядаги сиёсий ечими режасини амалга ошириш йўлида унинг ўрнига Россия билан ҳамкорликда уруш қилинаётгани тушунилмаса?!

Эй мусулмонлар!

Туркия раҳбарлари қотил Путиннинг Ҳалабдаги қирғинларидан кўз юмиб, у билан учрашишни ўзлари учун буюк шараф ҳисоблашмоқда, Сурия ва Қрим Ярим оролини хонавайрон қилган Россия билан ҳамкорлик қилишни ташқи сиёсатларидаги ютуқ деб билишмоқда! Улар исломий юртлар устида Ислом душманлари билан келишувлар имзолашни стратегия, дея тасаввур қилишмоқда. АҚШ ўрнига Жараблусда уруш олиб бориш буюк ғалаба, деб ҳисоблашмоқда. Бироқ бу тил бириктирувлари бизнинг ҳам юракларимизни, Ҳалаб, Диръа, Идлиб ва бутун Шом аҳли юракларини ўртаб юборди. Уларнинг бундай тил бириктирувларини фош этмоғимиз ва бундай нопок режаларининг муваффақиятли амалга оширишларига йўл қўймаслигимиз лозим. Сиз мусулмонлар Шом юртини Ислом диёрига, яъни Аллоҳнинг изни ила, Пайғамбарлик минҳожи асосидаги рошид Халифалик марказига айлантириш учун фикрий ва сиёсий кураш олиб бораётган биродарларга ёрдам бермоғингиз зарур.

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: bilgi@hizb-turkiye.org