“Қийшиқ ойна”дан қараманг, гўзаллик ҳам хунук кўринади

بسم الله الرحمن الرحيم

Ислом юртларига ғарб сақофати кириб келгач, яхшиликнинг ҳар қандай тури ёмонлик, деб танитилди. Масалан, Аллоҳ Таоло яширишга буюрган аёллар авратларини очилишини “озодлик”, ёпилишини эса “аёллар ҳуқуқини поймол этиш” саналгани каби. Шунингдек, барча ҳалолларни жиноят, деб, бузуқликлар эса, фазилат, дея танитилди. Кофир ғарб тарафидан бузуқ таълим ва кўнгилхушлик масканлари учун сармоя киритувчини “инвестор” десалар, ночор бир мусулмонга келган арзимас маблағни  “терроризмни молиялаш”  дея жар солдилар. Бу ҳақда “Озодлик” радиоси қуйидаги хабарни тарқатди:

“Ўзбекистонда 2016 йилдан 2021 йилнинг биринчи ярмигача бўлган вақт мобайнида террорчиликни молиялаштирганлик айби билан 62 нафар ўзбекистонлик судланган. Бу ҳақда Газета.уз нашри Олий суд матбуот хизматидан олинган маълумотга таянган ҳолда хабар қилди”.

Бу каби хабарлар халққа ваҳимали қилиб талқин қилинмоқда. Ва бундай хабарларнинг кети узилмай қолди. Қолаверса, 22 йилдан бери қамоқхоналарда сақланиб келаётган мусулмонлар аҳволи ва уларнинг оилалари қандай кун кечираётгани кўз ўнгингиздадир. “Сенларга четдан маблағ келиб туради” деб чорак аср туҳматлар қилган зоналардаги ходимларнинг ўзи ҳам бу сўзларнинг туҳматлигига узоқ йиллик тажрибаларидан кейин амин бўлгандилар. Чунки зиндон машаққатларига бардош бермоқ учун миллионлаб доллар маблағ ваъда қилинган тақдирда ҳам ҳеч бир инсон боласи рози бўлмаслигига золимларнинг ўзи аллақачон ишонч ҳосил қилишган эди.

Ўзбекистон ҳукумати юртнинг тақволи ўғлонларини, ор-номусли, иффатли муслималарини оммага ёмонотлиқ қилиб танитишга зўр бериб уриниб келади. Чунки қамоқдаги мазлумлар сиз азиз халқнинг орасида фақат яхшилиги билан танилган оилаларнинг фарзандлари эканликларига гувоҳсизлар. Уларнинг даъватлари ёлғиз Аллоҳга бўлганди, холос. Афсуски, бир золим кетса, унинг ўрнига келувчи ҳам ўша азиз ўғлонларни турли номлар билан аташда давом этмоқда. Ва яхшиларингизни “хоинлар” деб танитиб, ўз бузуқликларини адолат демоқдан асло уялишмаяпти. Аслида, ҳар қандай бузуқ жамият покликни ёқтирмаслиги сийратдан маълум.

Росулуллоҳ ﷺни ростгўй, омонатдор, ишончли киши бўлганига Макка халқининг ёшу қариси, бойлари-ю фақирлари гувоҳлик бериб у кишининг исмига ал-Амин деган сифатни қўшиб айтар эдилар. Қачонки Пайғамбар эканликларини эълон қилиб, ёлғиз Аллоҳгагина ибодат қилишга даъватни бошлаган кундан бошлаб у зотни  ёлғончига, бузғунчига чиқариб қўйишгани ҳам сир эмас. Бугун ҳам чор-атроф фасодга тўлди. Оилаларда парокандалик авжида. Ёшлар ўша жоҳилият давридаги бузуқликларга муккасидан кетди. Ҳукумат уларнинг фаҳш ишларига кенг йўл очиб қўйди. Ва уларни бу жирканчликдан покликка қочишга чорловчиларни ўша аввалдаги жоҳиллар каби “бузғунчилар”, “ёлғончилар” деб атабгина қолмай, балки уларга “террорчи”, “экстремист” деган тамғаларни ёпиштиришдан ҳеч тийилмадилар.

Эй Ўзбекистондаги мусулмонлар! Юртимиздаги малай ҳокимлар ва уларнинг бузуқликларига шаръий тус берувчи хоин муллалар, телевидение ва матбуотда динни ниқоб қилиб давра суҳбатлари юргизаётганлар сиз азиз халқни ҳақдан чалғитаётганини англаб етишингиз зиммангиздаги бурчингиздир. Ахир қачонгача ёлғончи раҳбарларнинг “қийшиқ ойнаси”дан оламга боқасиз?! Озгина тафаккур қилишдан ҳам нега бунчалар узоқлашасиз?!  Атрофингизга бир боқинг! Қиморхоналар, чилимхоналар, деярли яланғоч ҳолда чўмилиш масканларини, ёзги-ю қишкиларини четдан молиялаштириб, юртимизни миллиардлаб қарзга ботирганларни сизга “ҳомийларимиз” деб танитиб, атайлаб иқтисодий тангликка дучор қилинаётган мусулмонларга арзимас маблағ жўнатганни эса “терроризмни молиялаштирувчи” деб атаса сукут қилиб тураверасизми?! Ахир сизни талаб-тунаб, кошоналар қураётганлар мана шу ҳукумат раҳбарлари-ку, ўшалар-ку ахир чет эллардан қасрларни сотиб олаётганлар! Сизлар буларнинг барчасини кўра била туриб, кўзингиз олдига тутилган уларнинг “қийшиқ ойнасидан” қараб, ғафлатда қолманг! Эртага тўғри кўрсатувчи “ойна” қаршисида юзингиз шувут бўлмасидан ҳаққа юз буринг! Зеро, ҳар қандай бузуқлик қаршисига чиқувчи поклик бор. Барча золимларни тиз чўктирувчи адолат ва одиллар бор. Ин ша Аллоҳ бугуннинг фиръавнларига қарши бир Мусо бор! Ва у яқиндир. Тарихда барча бузуқлик интиҳосида бундай фиръавнлар адолат қиличининг тиғига бўйин эгиб, шарманда бўлганлар. Бугунги золимлар ҳам ўзлари интилган шармандалик чўққисига тарихдаги ўша боболари каби етиб келишди. Чўққидан кейин эса асло қоя йўқ, фақат қуламоқ бор! Бу золимларнинг қулашига яқин қолганини Аллоҳ Таоло Ўз  Каломида бундай деб хабар берди:

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

– “Золим кимсалар эса яқинда қандай оқибатга қараб кетаётганларини билиб қолурлар”.                              (Шуаро:227)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

06.12.2021й