بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Россия билан ярашиш учун мазлум мусулмонларнинг аёлларию болалари борасида савдо қилишяпти, суф бундай зиёнли савдога!

Гуманитар Ёрдам Фонди ва оммавий ахборот воситалари хабарига кўра, Истанбулда 29 июл куни ўтказилган рейдда Ўзбекистон, Қозоғистон, Тожикистон, Шарқий Туркистон ва Кавказдан бўлган 450 нафар шахс (аксари ўзбеклар) ҳибсга олинди. Уларнинг орасида бир бутун оила аъзолари ҳам бор бўлиб барчаси экстрадиция марказида сақланди. Бу амалиёт 12 июлдан, яъни инқилобга уринишдан олдин тайёрланган рўйхат асосида амалга оширилди. Амалиётнинг биринчи дафъасидаёқ 29 нафар ўзбек ҳибсга олинди. Уларнинг барчаси сўроқ қилингач, 7 нафар шахс Кумкапидаги экстрадиция марказида олиб қолинди, улар орасида 2 нафар аёл ҳам бор. Ҳибсга олинганлардан етти оила бир ой ичида Туркияни тарк қилиш шарти билан озод этилди. Ҳибсга олинган оилалар орасида 15 нафар бола, беш нафар аёл ва икки нафар эркакни ташкил қилувчи катта оила ҳам бўлган. Бир аёлнинг эса олти ойлик ҳомиласи бўлган. Айни етти ёшдан саксон ёшгача шахсларни ҳибсга олиш амалиёти ҳануз давом этмоқда. Мавжуд рўйхатга кўра, минг нафар шахс ҳибсга олиниши лозим. Бу ҳибсга олиш амалиёти Туркия-Россия ўртасидаги ярашув амалиётининг бир қисми эканида асло шубҳа йўқ. Шунингдек, Ўрта Осиёдан муҳожир сифатида келган ака-ука ва опа-сингилларимизга қарши бу турдаги амалиётлар биринчи бор бўлаётгани йўқ. Илгари ҳам Ислом душмани бўлган Россияни рози қилиш йўлида худди шундай амалиёт ўтказилган.

Эй мусулмонлар!

Сиз Туркияда Адолат ва Тараққиёт партияси ҳокимиятга келгандан бери кўп ишлар Ислом номи билан анча яхшиланди, деб ўйлаяпсиз. Бироқ Республика Халқ партиясининг илмоний мафкураси ҳамон ҳукмрон эканини кўра билмаяпсиз, кўпчилик унинг қайта тикланишидан хавотирда. Республикачилик бошқарувига чиққан айни мафкурадаги кимсалар, шу бошқарувга асос солган давлатлар принципларига мувофиқ ҳукм юритишмоқда. Улар илмоний демократияни улуғлаб, уни ҳам, низомини ҳам, умуман, Аллоҳни ғазаблантирувчи барча кимсаларни ҳам муҳофаза қилиш йўлида бор кучларини сарфлашмоқда. Бу илмоний тушунча ва принциплар Туркияга мазлум сифатида келган мусулмонларнинг аёллару болалари билан қўшиб хорлашдан ва уларни репрессия қилган давлатлар қўлига топширишдан иборат бўлиб, миллатчилик манфаатлари асосида содир этилади. Хўш, бу Республика Халқ партияси мафкураси эмасми?! 2012 йил Сурия аҳлининг Туркияга киришига йўл қўйгани учун дашном эшитган президент Эрдоган Бўралтан кўприги ҳодисасини тилга олар экан, Республика Халқ партияси ишларини қоралаб бундай дейди:

«1944 йилда 146 нафар озарбайжонлик ака-ука ва опа-сингилларимиз руслар зулмидан юртимизга қочиб келадилар, ўшанда бетарафлик, деган дастак билан 146та ака-ука ва опа-сингилларимиз Сталин аскарлари қўлига топшириладилар… Айтиб қўяй, ўшанда айни ҳодиса шу Республика Халқ партияси даврида бўлган… уларнинг тарихи хатолар билан тўла… Мана шу Бўралтан кўпригида озар биродарларга қарата ўқ отилган, буни ўзларининг аскарлари кўз-ўнгида содир этилган. Бас, шундай экан, сиз Республика Халқ партиясидагилар бир четга чиқинглар! Қаёққа кетяпсизлар? Ахир, ака-ука ва опа-сингилларимизни сенлар Сталин югурдакларига сотдингиз…».

Қаранг, бугун ўша Бўралтан кўприги ҳодисаси айнан такрорланмоқда!!! Қани айтингчи, уни ким такрорлаяпти?!

Эй Туркия ҳукмдорлари!

Айни позициянгиздан кейин, энди қаёққа кетасиз?! Бугун Россияни рози қилиш учун мазлум мусулмонларга қарши тутган позициянгиз ҳам, ўтган йиллардаги бошқа позицияларингиз ҳам Республика Халқ партияси позициясидан ёки июн ҳодисасидан қандай фарқ қилади?! Бундан ташқари, Суриядаги Исломий Давлат ташкилотига қарши кураш амалиёти, деган нарса учун учоқларингизни юборганингиз тўғрисида баёнот беряпсизу, аммо бир вақтнинг ўзида, учоқларингизни Умматнинг қонхўр Башар Асадга қарши урушига сафарбар қилмаяпсиз. Суф бундай зиёнли савдо-сотиғингизга! Сизга бош уриб келган мазлум мусулмонларни сотдингиз… Уларни Россияга ялтоқлик қилиш ва Америкага итоат этиш учун сотдингиз-а?! Юртингиздан омонлик излаб келган мусулмонларни Ислом душманларига сотиш, Уммати Исломияга қарши улкан хиёнат, Аллоҳ Таолога қарши оғир гуноҳдир. Росулуллоҳ САВ бундай деганлар:

«الْمُسْلِمُ أَخُو الْمُسْلِمِ، لاَ يَظْلِمُهُ، وَلاَ يُسْلِمُهُ»

«Мусулмон мусулмоннинг биродаридир, унга зулм қилмайди ва уни душманга топшириб қўймайди».

Яна бундай деганлар:

«مَنْ أَعَانَ عَلَى قَتْلِ مُؤْمِنٍ بِشَطْرِ كَلِمَةٍ لَقِيَ اللهَ عَزَّ وَجَلَّ مَكْتُوبٌ بَيْنَ عَيْنَيْهِ آيِسٌ مِنْ رَحْمَةِ اللَّهِ»

«Ким битта мўминнинг ўлдирилишига яримта сўз билан  ҳам ёрдам берган бўлса, Аллоҳ Азза ва Жаллага пешонасида «Аллоҳнинг раҳматидан ноумид», дея ёзилган аҳволда йўлиқади». Бу қилмишингиз Усмоний Исломий Халифалик тарихига жуда катта хиёнатдир. Зотан, ушбу Халифаликнинг ўн минглаб мазлум мусулмон ва ғайримусулмонга бошпана бергани барча давлатларга яхши маълум. Чунки Пайғамбарлик минҳожи асосидаги Халифаликкина ҳақиқий исломий етакчилик бўлади ва дину мусулмонлар учун реал хизмат қилади. Бинобарин, Умматни қўллаб-қувватлашга ва унинг қайта оёққа туришига кечиктирмай ёрдам беришга ҳам ёлғиз ушбу Халифаликкина лойиқдир.

Ҳизб ут-Таҳрирнинг марказий

матбуот бўлими аёллар қисми

Телефон-факс: 00961 1 30 75 94

Уяли телефон: 00961 71 72 40 43

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">ws-cmo@hizb-ut-tahrir.info