بِسْمِ اللهِ الرَّحْمٰنِ الرَّحِيم

Матбуот баёноти

Россия Ўрта Осиё учун курашни кучайтирадими?  

2021 йил 28 апрел куни Сергей Шойгу Бухоро шаҳрида Ўзбекистон мудофаа вазири Баҳодир Қурбонов билан учрашув ўтказди. Таъкидланишича, Россия ва Ўзбекистон биринчи марта ҳарбий соҳада шерикчилик дастурини ишлаб чиқади. Дастур икки мамлакатнинг 2021-2025 йилларда ҳарбий соҳадаги ўзаро алоқаларини тизимли ҳолга келтиришга мўлжалланган.

Бундан олдин, яъни 26-27 апрел кунлари Сергей Шойгу ишчи ташриф билан Душанбеда бўлди ва Тожикистон мудофаа вазири Шерали Мирзо билан музокаралар ўтказди. Шойгунинг Тожикистонга қилган ташрифи қирғиз-тожик чегарасида чиққан жиддийроқ тўқнашувга тўғри келди. Шунинг учун чегарадаги тўқнашув айнан Россия томонидан уюштирилганлиги ҳақиқатга яқинроқдир. Чунки бу Тожикистонга муаммо туғдириш орқали босим ўтказиб, уни ЕвроОсиё иқтисодий иттифоқига киришини пайсалга солмасдан тезлаштириши кераклиги борасидаги огоҳлантирувдир. Шунингдек, Путин қирғиз тарафига ҳам ғарбга мойил бўлишдан тийилишга очиқдан-очиқ ишора қилиб, бунинг оқибати яхши бўлмаслигига шаъма қилди.

Шойгунинг Ўзбекистонга қилган ташрифига келсак, бунга АҚШ президенти Байденнинг Афғонистондан ўз қўшинларини олиб чиқиш тўғрисидаги қарори сабаб бўлди, десак тўғрироқ бўлади. Чунки ушбу қарор кўпроқ Америка учун Ўрта Осиёга ўрнашиб олишга бир баҳонага ўхшаяпти, ҳали бу ишнинг – яъни кучларни олиб чиқиб кетишнинг – амалга ошиши ҳам ноаниқ. Америка контингенти чиқиб кетгач, Россия Афғонистон Ўрта Осиё учун жиддий хавф туғдиради, дея ушбу юртларга ўрнашиб олишга ҳаракат қилиши мумкин.

Россия ҳам айни шундай “таҳдидлардан” Ўрта Осиё давлатларини ҳимоя қилишни рўкач қилиб, уларни Толибон ва ИШИД билан қўрқитиб ўз позицияларини мустаҳкамлаб олишга интилади. Россия учун унинг ҳаёт-мамот масаласи бўлган Ўрта Осиёда Америка нуфузининг кучайиши қабул қилиб бўлмайдиган ҳолатдир. Ўзи бусиз ҳам сиёсий-иқтисодий жиҳатдан заифлашиб, халқаро мавқеи тушиб бораётган, Украина муаммолари қийнаб келаётган Россия учун Ўрта Осиёда ҳам мағлубиятга учраш жуда оғир зарба бўлади. Шунинг учун Шойгунинг Тожикистон ва Ўзбекистонга ташрифи ҳам рус манфаатларини ҳимоя қилиш ва Америка нуфузининг кучайишини олдини олишга қаратилган. Бир сўз билан айтганда, Ўрта Осиё асосан Америка ва Россия ўртасидаги манфаат талашиш майдонига айланиб қолмоқда. Бундан фақат ушбу минтақада яшаётган мусулмонлар зарар кўрадилар. Уларнинг устидаги ҳукмдорлар эса, ўз тахтини сақлаб қолиш учун юрт бошқарувини кофир давлатлар қўлига топшириб қўйишди ва хўжайинлари нима деса, ортиғи билан бажарадиган қулга айланиб қолишди.

Биз Ўрта Осиё мусулмонлари орамиздаги мана бу сохта чегараларга алданмаслигимиз лозим. Зеро, ҳаммамиз бир-биримизга ака-ука биродарлармиз. Ҳақиқий душманларимиз эса, анави кофир мустамлакачилардир. Биз уларнинг ҳийла-найрангларидан воқиф бўлиб, уларга қарши туриш билан нажот топамиз. Аллоҳ Таоло эса, уларнинг ҳар бир қилаётган макрларидан хабардор Зотдир:

﴿أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ * أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ﴾

– “Энг ёмон макру ҳийлаларни қилган кимсалар ўзларини ер ютишидан ёки (уларга) сезмаган-кутмаган тарафларидан (Аллоҳнинг) азоби келиб қолишидан хотиржам бўлдиларми?!”   (Наҳл:45)

Ҳизб ут‑Таҳрирнинг Ўзбекистондаги матбуот бўлими