بسم الله الرحمن الرحيم

Матбуот баёноти

Россия Ўрта Осиёда ўз нуфузини сақлаб қолишга уринмоқда

KUN.UZ сайти 31/07/2021 да қуйидаги хабарни тарқатди:

Россия ҳарбийлари машғулотлар ўтказиш учун Сурхондарёга келди

Россия ва Ўзбекистон қуролли кучлари 30 июлдан 10 августгача Сурхондарё вилоятида ҳарбий машғулотлар ўтказади.

Сурхондарё вилояти ҳудудидаги «Термиз» полигонида Ўзбекистон – Россия қуролли кучлари ҳамкорлигида ўтказиладиган қўшма ўқувларда иштирок этувчи Россия қуролли кучлари Марказий ҳарбий округи ҳарбий хизматчилари Ўзбекистонга етиб келди. Бу ҳақда Ўзбекистон Мудофаа вазирлиги маълум қилди… Машқлар «Термиз» полигонида 30 июлдан 10 августгача бўлиб ўтиши режалаштирилган. Уларда Россия ва Ўзбекистон қуролли кучларининг 1,5 мингга яқин ҳарбийси иштирок этади.

Ушбу машғулотлар Афғонистондаги вазият ҳукумат қўшинлари ва «Толибон» жангарилари ўртасидаги қарама-қаршилик кучайгани ортида ёмонлашгани билан боғлиқ ҳолда ўтказилмоқда.

Маълумот учун, Россия ҳарбийлари айни пайтда тожик-афғон чегараси яқинидаги машғулотларда ҳам қатнашмоқда.

Ўзини собиқ совет иттифоқининг меросхўри ҳисоблайдиган Россия Ўрта Осиё давлатларига ўзининг томорқаси сифатида қарайди. Шунинг учун бу “томорқа”га бошқа мустамлакачи кучлар нуфузининг, айниқса АҚШ нуфузининг кириб келишига қаршилик қилади. Россия Афғонистондан америка кучлари олиб чиқиб кетилганидан кейин Ўрта Осиёда, айниқса Ўзбекистон ва Тожикистонда америка ҳарбий базалари жойлаштирилишига қаршилик қилмоқда. Буни россия ташқи разведка хизмати директори Сергей Нарышкинниг “Россия Афғонистонга қўшни давлатларнинг бу минтақада америка базалари жойлаштирилини рад этиши борасида умид билдиради” деган сўзларидан билиш мумкин. Россия Американинг Афғонистонда “олд эшик”дан чиқиб кетиб, ўзининг Туркия ва Покистондаги малайлари ёрдамида “орқа эшик”дан яна кириб келиши мақсадида эканини яхши тушунади. Масалан Туркиянинг Ўзбекистон билан худди шу Термиз полигонида 2021 йил 23 мартдан 27 мартгача ўтказган қўшма ҳарбий машқлари ана шу мақсад йўлида ташланган бир қадамдир. Шунинг учун Москва америка ва НАТО кучлари Афғонистондан чиқиб кетганидан кейин Туркия кучларининг Афғонистонда қолишини рад қилмоқда.

Америка учун ҳам Ўрта Осиё минтақаси муҳимдир. Шунинг учун Америка бу минтақани Россиянинг бир ўзига ташлаб қўймоқчи эмас. Буни масалан Америка собиқ президент Клинтон давридаёқ билдирган эди. Ўша даврда америка ташқи ишлар вазирлиги расмийларидан бири Строуб Толботт: “Бу минтақада 200 млрд баррелга етадиган нефт заҳираси мавжуд. У америка манфаатлари нуқтаи назаридан қаралганида ўта ҳаётий муҳим минтақа ҳисобланади. Шунинг учун 21 асрда бу улкан энергия заҳирасини Россия ҳукмронлиги остида қолдириш мумкин эмас” деб таъкидлаган эди. Албатта Россия Америкага сиёсий ва иқтисодий жиҳатдан бас келолмайди. Чунки у ўз мафкурасига ҳамда улкан иқтисодий ва ҳарбий потенциалга эга бўлган Совет Иттифоқи каби эмас. Лекин шунга қарамай, Россия “ўлжадан” бутунлай қуруқ қолмасликка уринмоқда.

Россияни америка нуфузининг кириб келишидан ҳам кўра кўпроқ қўрқувга солаётган янада кучлироқ бошқа бир омил ҳам бор. У ҳам бўлса бу минтақада Исломий уйғонишнинг кучайиб бораётганидир. Россия Афғонистонда ҳам Ҳизб ут–Таҳрир фаолият олиб бораётганини, бу эса Толибон ҳаракатини тўғри йўлга буриб, Афғонистонда Халифалик давлати эълон қилиниши мумкинлигини ҳам яхши тушунади. Россиянинг Ўрта Осиёдаги ҳарбий ҳаракатларига мана шу нуқтаи назардан ҳам боқмоқ лозим.

Шунинг учун Ўрта Осиёдаги мусулмонлар фақат Ислом билангина азиз бўлишларини тушуниб етишлари лозим. Улар мустамлакачи кофирларнинг  ва уларнинг малайларининг бу минтақадаги режаларини фош қилиб ташлаётган Ҳизб ут–Таҳрирдаги фарзандларини ва биродарларини қўллаб–қувватлашлари лозим. Зеро, шунда улар Умматнинг бу зулматлардан Ислом Нурига чиқишига ўз ҳиссаларини қўшган бўладилар.

يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ

“Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар”.                        (Анфол: 24).

Ҳизб ут-Таҳрирнинг Ўзбекистондаги матбуот бўлими

01.08.2021й