Россияда Ҳизб ут-Таҳрирга қарши курашда ОАВларнинг ҳақиқат ва ёлғонлари
بِسْمِ اللَّـهِ الرَّحْمَـٰنِ الرَّحِيمِ
“Роя” газетаси:
Россияда Ҳизб ут-Таҳрирга қарши курашда ОАВларнинг ҳақиқат ва ёлғонлари
Сулаймон Ибрагимов қаламига мансуб
2017 йил 25 январда Татаристон Ички ишлар вазирлиги ўтган йил якунлари бўйича ҳисобот берди. Хусусан, Татаристон Республикаси Ички ишлар вазири Артём Хохорин ўз ҳисоботида: “Республика ҳудудида қатор терактлар содир этишни мақсад қилган гуруҳ фаолияти тўхтатиб қолинди. Уларнинг асосий объектлари Қозон авиация заводи бўлган”, — дея қайд қилиб ўтди. Аммо бу ишнинг бирорта тафсилотига тўхталмай, вазир сўзида давом этди: ”Федерал Хавфсизлик Хизмати (ФСБ) ходимлари билан ҳамкорликда Россия ҳудудида тақиқланган Ҳизб ут-Таҳрир ташкилотига яна бир неча оғриқли зарбалар бердик, ташкилотнинг 30та аъзоларига 13 та жиноий иш қўзғатилган”.
Шу сабабга кўра ёки қасддан ўз ўқувчиларини адаштиришни истаган айрим оммавий ахборот воситалари (ОАВ) вазир Хохоринга у айтмаган нарсани, яъни авиазаводда теракт тайёрлаш ортида Ҳизб ут-Таҳрир партияси турганини қўшиб қўйдилар. Лекин ўтган йили ОАВнинг Россия Қидирув комитетига таянган ҳолда берган хабарларига кўра, Қозон авиазаводида теракт содир этишга уринишда айбланиб, Жабҳат ан-Нусра тарафдори эканлиги тахмин қилинган шахс қўлга олинган эди, бироқ бу хулоса ҳам унинг ижтимоий тармоқдаги саҳифасида Суриядаги жиҳод ва Жийлоний мурожаатларидан бири ҳақида пост қолдирганига асосланиб чиқарилган бўлиши мумкин.
Шундай қилиб, Ҳизб ут-Таҳрирнинг авиазаводда теракт тайёрлашга алоқадорлиги ҳақидаги барча уйдурмалар ҳеч бир асосга эга эмас, Татаристон Ташқи ишлар вазири ҳам, бошқа бирорта расмий вакиллар ҳам бу ҳақида баёнот бермаганлар. Артём Хохориннинг Ҳизб ут-Таҳрирга оғриқли зарбалар бергани тўғрисидаги сўзларига келсак, бу ҳақиқатда содир бўлди, лекин улар партия аъзолари томонидан содир этилган бирор бир зўравонликка жавобан бўлмади, балки хавфсизлик кучлари ҳамда Россиянинг исломга қарши зўравонлик сиёсати натижаси бўлди.
Ҳизб ут-Таҳрирга алоқадорлик айблови билан Татаристон, Бошқирдистон, Москва, Санкт-Петербург ва Россиянинг бошқа минтақаларида ҳаммаси бўлиб бир юз элликдан ортиқ мусулмонлар озодликдан маҳрум этилганлар. Шунингдек, Россия қонунчилигига янги кескин ўзгартиришлар киритилди, уларга кўра Ҳизб ут-Таҳрир партиясига аъзо бўлиш ўн ва ундан узоқроқ йилларга озодликдан маҳрум қилиш билан жазоланади.
Қримни аннексия қилиш билан Россиянинг Исломга қарши сиёсати унинг ҳудудида ҳам жорий қилинди, энди у ерда ҳам мусулмонлар Ҳизб ут-Таҳрирга алоқадорлик айблови билан таъқиб қилинмоқдалар. 25 январда ОАВ хабар тарқатди: “Боғчасаройда Ҳизб ут-Таҳрир экстремистларига қарши махсус амалиёт олиб борилмоқда”. Ушбу “махсус амалиёт” натижасида икки мусулмон Фейсбук саҳифасидаги пости учун ҳибсга олинди. Бундан ташқари, ҳибсга олинган мусулмонлардан бири “Ҳизб ут-Таҳрир иши” бўйича айбланувчиларни ҳимоя қилувчи адвокат бўлиб ҳисобланади. Адвокатни 2013 йил Қримда Ҳизб ут-Таҳрир ўтказган митинг видеосини Фейсбукдаги саҳифасига қўйгани учун айбладилар, асос эса унинг бу публикациясида исломий байроқларнинг мавжудлиги бўлган ва у “экстремистик рамзларни оммавий намойиш этгани“ учун 10 суткага ҳибсга олинган эди.
Хавфсизлик кучлари Қримда худди Татаристон ёки Бошқирдистондагидек мусулмон аҳолини руҳий уйғонишдан тўсишга уринмоқдалар, уларни рус маданияти билан қоришиб кетишларини истамоқдалар, бундан ташқари, Ғарб ҳамон яриморолни Россия ҳудуди сифатида тан олмагани учун вазиятни назорат қилишни йўқотишдан қўрқмоқдалар. Шунинг учун, ҳибсга олишлар қўрқитувчи характер касб қилмоқда, шунингдек булар ОАВ томонидан ҳам шундай ҳолатда ёритилмоқда, Ҳизб ут-Таҳрир билан бир қаторда Қримдаги вазиятни беқарорлаштириши мумкин, деб фараз қилинган мусулмонлар гуруҳларига ҳам қарши курашилмоқда.
Исломий омилларга қарши кураш доирасида хавфсизлик кучлари муфтиёт вакилларини ўз томонларига оғдириб мусулмонларни бўлишга уринмоқдалар, ОАВ бу вакилларнинг баёнотларини тарқатиб, репрессияларни оқлаш учун жамоатчилик фикрини керакли равишда шакллантиришда ёрдам бермоқда. 3 февраль куни Қримда давра суҳбати бўлиб ўтди, уни Қрим муфтийси Эмирали Аблаев олиб борди. Бу давра суҳбатида “мўътадил мусулмонлар” га Ҳизб ут-Таҳрир, “Иҳвонул муслимин”, “салафийлар”, шунингдек “хабашийлар” қарши қўйилди, яъни хавфсизлик кучларининг фикрига кўра, бу гуруҳлар Қрим яриморолидаги вазиятни издан чиқариш учун ташқаридан фойдаланиш мумкин бўлган гуруҳлардир.
ОАВлар бу тадбирни қуйидаги сарлавҳалар билан ёритдилар: “Қрим муфтийси яриморолда исломчиларни фаоллашгани тўғрисида баёнот берди”, “Қримда исломий секталар фаоллашди”, “Қрим муфтийси “Ҳизб ут-Таҳрир” фаолияти кучайишидан ташвишда”. Давра суҳбатида Қрим Мусулмонлари Бошқармаси позициясига таянган ҳолда қуйидагича хабар берилди: “Ҳизб ут-Таҳрир ўз сафига ёшларни жалб қилишга уринишда давом этмоқда”, “уларни хориж сиёсатчилари учун тайёр ўлжага айлантирмоқда”, “уларни қонун бўйича таъқиб қилинишларига ва ҳибсга олинишларига сабаб бўлаётган жиноятлар содир этишларига ундамоқда”.
Шундай қилиб, Ҳизб ут-Таҳрир аъзоларига нисбатан репрессияларга нафақат ҳукумат назоратидаги ОАВ, балки Қрим муфтийси Аблаев каби бадбахт мусулмонлар ҳам ўз ҳиссаларини қўшмоқдалар.
Роя газетаси
05.02.2017й
