Саида Мирзиёева Жо Байденнинг ёрдамчиси билан қандай масалани муҳокама қилди?
Саида Мирзиёева Жо Байденнинг ёрдамчиси билан қандай масалани муҳокама қилди?
بسم الله الرحمن الرحيم
Президент администрацияси Ижро этувчи аппаратининг Коммуникациялар ва ахборот сиёсати бўйича шуъба мудири Саида Мирзиёева Оқ уйда Жо Байденнинг ёрдамчиси ва АҚШ президенти администрациясининг гендер сиёсати бўйича Кенгаши директори Женнифер Кляйн билан учрашди. Суҳбатнинг асосий мавзуларидан бири хотин-қизларни гендер зўравонликдан ҳимоя қилиш ва Ўзбекистонда унга йўл қўймаслик учун амалга оширилаётган ишлар бўлди. Қайд этилишича, Женнифер Клайн бу борада амалий ёрдам беришни таклиф қилган.
“Шуни инобатга олган ҳолда, келгусида алоқаларимизни янада мустаҳкамлаш ва кенгайтириш имкониятига эга бўламиз, деб ўйлайман”, деб ёзади Саида Мирзиёева.
Демак, Америка Ўзбекистонда гендер тенглик сиёсатини янада кенгроқ татбиқ қилишга ҳаракат қилар экан, бу режаларни амалга оширишда Саида Мирзиёева жонбозлик кўрсатишда давом этади. Сўнгги йилларда Ғарб дунёқараши ва маданиятини Ўзбекистонда ёйиш учун юртимизга америкалик мулозимларнинг серқатнов бўлиб қолгани кузатилмоқда. Бу бир жиҳатдан Марказий Осиёнинг юраги бўлган Ўзбекистонда Америка нуфузи ошаётганини кўрсатса, бошқа жиҳатдан Мирзиёев ҳукумати Ғарбдан олаётган фоизли қарзлар ва молиявий кўмаклар юклаган мажбуриятларни бажараётганини англатади. Зеро, Ғарб қарзни иқтисоднинг ўзаги бўлган оғир саноатни ривожлантириш ёки иқтисодни кўтариб ўзини-ўзи таъминлай оладиган мустақил давлатга айланиши учун бермайди. Аксинча, жамиятимиздан Ислом ва унинг фикр-туйғулари, қонунларини йироқлатишни ва демократияни ривожлантириш мажбуриятини зиммасига олишни шарт қилиб беради.
Саида Мирзиёевани халқаро йиғинларда ва Америка билан илиқ алоқалар ўрнатишда Ўзбекистондан вакил қилинаётгани бежизга эмас. Мирзиёев бу билан ўз оиласининг сиёсий вазнини оғир қилишни кўзлаган. Шу мақсадда ўз қизини ёнига олди, яъни президент администрациясидаги муҳим лавозимлардан бирига тайинлади. Шунингдек, фикрлаши ғарбча фикрлашга яқинроқ бўлган президент қизи Ғарб лойиҳалари, айниқса гендер тенглик сиёсатини юртимизда кенг ёйишда ташаббус кўрсатаётган лидерга айланаётганини кўряпмиз. Мисол учун, Ўзбекистоннинг мактаб ва олий ўқув юртларида домлалар ва факультет раҳбарлари ўқувчи қизларга тегажоқлик қилгани ҳолатлари ортаётгани айтилади. Бундай даҳшатли ҳолатга ечим кўрсатиш учун Саида Мирзиёева жабрланувчилар ичидан жамоатчиликка фаҳш видеолари тарқаган талаба қизни танлаб олди ва уни халқ кўзида маъсум қизга айлантириш учун уни қаттиқ ҳимоя қилиб “гендер тенглик таъминланмас экан, бундай муаммолар ортишда давом этаверади” деди. Мирзиёева хотин-қизлар муаммолари билан шуғулланган давр мобайнида куч органларининг заифа муслималарга куч қўллаб, уларнинг шахсий буюмларини тортиб олаётганига ва тергов давомида уларга ноинсоний муносабатда бўлаётганига бирор марта бўлсин эътибор қаратмади. Биргина мисол, жорий йилнинг феврал ойида ўзбекистонлик муслима қизнинг “Аёллар эҳтиёт бўлинг!” номли видеолавҳаси тарқалган эди. Ярим дақиқа ҳам давом этмайдиган бу видеоролик Исломий мазмундалиги сабабли Ўзбекистон республикаси ички ишлар вазирлиги бу муслима қизни топиш ва жазолаш учун тезкор қидирув ишларини бошлади. 9 март куни расмий манба – ИИВ сайти таҳдидли сарлавҳа остида мазкур видео муаллифи топилгани ва жазоланганини маълум қилди. Бу қизнинг Саида Мирзиёева чақираётган эркинликларга тўғри келадиган кийиниш ва фикр билдириш ҳуқуқи таҳқирланганига президент қизи эътибор қаратмади! Шуниси аниқки, тергов давомида муслима синглимизга, у бу ишни яна такрорласа оғир жазо берилиши билан таҳдид қилинган. Бу билан заифа ҳолда Исломнинг қатъий ҳукмларини ҳимоя қилиб, аёл-қизларни Аллоҳнинг ғазаби ва азобидан огоҳлантирган муслима қизнинг овози ўчирилди.
Халқимиз Ислом қонун-қоидаларидан узоқлаштирилгани сабаб хотин-қизлар ва вояга етмаганларга нисбатан зўравонликлар ортиб боряпти. Ҳукумат номидан Саида Мирзиёева тарғиб қилаётган гендер сиёсати эса, бу муаммонинг илдизи жинслар ўртасидаги тенгсизликдан келиб чиқяпти, деб кўрсатади. Бироқ бундай тенглик Исломга зид бўлиб, аёллар зиммасига ҳам эркаклар билан бир хил оғир ишларни юклаш, аёлларга ҳар соҳада чекланмаган даражада эркинлик бериш, эр-хотин орасида чиқадиган муаммоларга демократик асосдан туриб ечим бериш каби ишлар киради. Воқелик шуни кўрсатяптики, гендер тенгликни асос қилган давлатларда жинслар ўртасида ички нафрат кучайиб, аёллар ўлими кескин ортишда давом этяпти. Мисол учун, Исломий юртлардан бири бўлган Туркияда 2017 йилда 409 та, 2018 йилда 440 та, 2019 йилда 474 та аёл эркаклар тарафидан ваҳшийларча ўлдирилган. Ғарб давлатларида эса, аҳвол бундан-да даҳшатлироқ. Масалан, USA Today нашрининг ёзишича, Голливудда ишлаган аёлларнинг 94 фоизи жинсий зўравонликка учраган. АҚШда ҳар дақиқада 20 аёл оилавий зўравонликка дучор бўлади. Бу мамлакатда ҳар куни 1900 нафар қиз зўрланади. Бундан ташқари, ҳар йили бир миллионга яқин қиз аборт қилдиради.
Ғарб ва унга бўйин эгаётган Мирзиёев ҳукумати 100 минглаб аёл-қизларнинг хорижга кетаётгани, оғир шароитларда ишлаб хорланаётгани ва ёмон ном чиқараётганини муаммо сифатида кўрмайди. Улар дунё ва охират ҳаётига боғлайдиган муқаддас никоҳ риштасини узадиган ва оилаларга Аллоҳ нозил қилган мезонни бузадиган гендер тенгликни татбиқ қилишни исташади. Бу куфрий тенглик нафақат аёлларга, балки эркакларга ҳам салбий таъсир ўтказиб улардаги эркаклик ружулатини йўқотиб, ҳамиятсиз наслни пайдо қилади. Сўзимиз сўнггида шуни таъкидлаб айтамизки, Исломгина аёл шаънини улуғлади ва уни асраб, ғамхўрлик кўрсатишни эркакларга вожиб қилди. Зеро, барча муаммоларнинг замирига қаралса, улар Исломга амал қилмасликдан келиб чиққани ойдинлашади. Шу сабаб мусулмонлар Ғарбдан киритилаётган ҳар қандай дастурга қарши туришлари ва Исломга қаттиқ амал қилишлари вожибдир.
يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ
– “Эй Одам болалари, шайтон Оталарингизнинг авратларини ўзларига кўрсатиш (яъни уятли аҳволга солиб қўйиш) учун либосларини ечиб, жаннатдан чиқаргани каби сизларни ҳам алдаб қўймасин! Чунки у ва унинг малайлари сизларни ўзингиз билмайдиган тарафдан кўриб турадилар (яъни қандай алдашганини сезмай қолишингиз мумкин). Албатта Биз шайтонни иймонсиз кимсаларга дўст қилиб қўйганмиз”. (Аъроф:27)
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
04.04.2023й
