Саудиянинг Америкага бўлган малайлиги ва қуллиги валиаҳд назарида:
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Саудия валиаҳди «терроризм»га қарши курашда кўрсатган мислсиз разведка хизматлари учун АҚШ Марказий Разведка Бошқармаси (МРБ) томонидан «Жорж Тенет» медали билан тақдирланди
Саудиянинг Америкага бўлган малайлиги ва қуллиги валиаҳд назарида: Америка билан муносабатларимиз тарихий ва стратегикдир
Саудия валиаҳди Муҳаммад ибн Найф ибн Абдулазиз Саудия-Америка муносабатларини тарихий ва стратегик, дея баҳолади. Бу сўзларни у МРБ-(ЦРУ) директори Майк Помпеонинг Риёз ташрифи муносабати билан айтди.
Саудия расмий ахборот агентликлари тарқатган хабарларда Найф ибн Абдулазиз «Саудия билан Америка ўртасига пона қоқишга уринган кимса асло бунинг уддасидан чиқолмайди», деди.
МРБ директорининг Саудия сафари, Дональд Трамп маъмуриятидаги олий даражали масъулнинг биринчи сафари саналади.
Саудия расмий ахборот агентликлари хабарига кўра, томонлар учрашув чоғида «икки дўст давлат ўртасидаги муштарак аҳамиятга молик бир неча масалалар, хусусан, терроризмга қарши кураш соҳасидаги ҳамкорликни мустаҳкамлаш» борасида музокара олиб бордилар. (Ҳурра 2017 йил 11 феврал).
Роя газетаси шарҳи:
Саудия ташкил топгандан бери мустамлакачи кофир Ғарбга малайлик қилиш ботқоғига қулоғигача ботиб келмоқда. Ўшандан бери – ҳукмдорларининг қанчалик даражада малайлигига қараб – гоҳ Британияга, гоҳ Америкага малай ва тобе бўлиб келмоқда. Икки давлат ўртасидаги дўстлик, деган гапга келсак, бу ғирт ёлғон ва адаштиришдир. Саудия қаёқдан Америкага дўст бўлсин, ахир, у Американинг ғирт ювиндихўр малайику?! Саудия Американинг ҳамма сиёсатларини, айниқса, Сурия ва Ямандаги сиёсатини итоат билан адо этиб келмоқда. Ана, Муҳаммад Найф, «терроризм»га – яъни Исломга – қарши курашда кўрсатган мислсиз разведка хизматлари учун МРБ томонидан «Жорж Тенет» медали билан тақдирланди. Шунинг ўзи бунинг яққол далилидир.
Роя газетасининг 2016 йил 15 феврал чоршанба кунги 117-сонидан
