بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Судан дастури ва қонунларидан шаръий аҳкомларни олиб ташлаш

Роббул оламин аҳкомларига уруш эълон қилиш билан баробар!

Судан адлия вазираси Тиҳоний Турдубба сешанба куни АҚШ ташқи ишлар вазирлигининг эркинликлар ва динлар бўйича масъули Аян Тернерга халқаро дастур ва уставларга мувофиқ келиши учун Судан жиноий қонуни моддаларига, жумладан, жиноий қонундаги ҳаёсиз кийимга оид моддага ҳамда диний ва ибодат ҳуқуқларига оид 8 моддага ўзгартиш киритилгани тўғрисида маълум қилди. (Суҳуф арбао, 2017 йил 24 май).

Судан ҳукумати мустамлакачи кофирларни рози қиламан деб, бунчалик шармандалик ва хорлик билан ён беришда, юрт қонунларидаги баъзи шаръий аҳкомларни ўчиришда қачонгача давом этаркин?! Шаръий аҳкомларни ўзгартириш ҳукуматга нима учун керак бўлиб қолди! Наҳотки у айни аҳкомларни инсонлар муаммоларини ҳал этишга яроқсиз, деб ҳисоблаётган бўлса?! Ёки Ғарб қонунлари ва халқаро уставларни қудрати улуғ доно Роббимиз аҳкомларидан афзал, деб билмоқдами?! Судандаги мусулмонлар Роббилари аҳкомларини рад ёки улардан шикоят қилишяптимики, ҳукумат уларни рози қилиш учун бу аҳкомларни ўзгартириши керак бўлиб қолган бўлса?! Ёки айни ўзгартиш ҳукуматнинг Америка розилигига етишиш йўлида бераётган қурбонлигими?!

Судан ҳукуматининг Роббул оламин шариатини кофир қонунига алмаштириш билан ташлаган бундай журъатли хор қадамидан, одамларга унинг қандай режа бажараётгани кўринмоқда. Зотан, у Ислом ва унинг аҳкомларидан қолган-қутганидан ҳам воз кечиш билан илмоний режани бажараётгани аён бўлиб қолди.

Шубҳасиз, бу қилмиш, Исломга қарши курашда АҚШ лойиҳаси билан мослашишдир. Буни БМТ махсус эксперти айтган сўзлар ҳам тасдиқлаб турибди. У «Судан ҳукумати қонун ва қонунчиликлар билан боғлиқ умумий 244 тавсиядан 180тасини қабул қилди», деди. Кейин «парламент менга халқаро қонунларга мавофиқ келиши учун яна кўплаб қонун ва қонунчиликларга ўзгартиш киритишга ваъда берди», дея қўшимча қилди. Шубҳасизки, халқаро қонунлар мустамлакачи кофирлар қонунларини англатади. Мана шулар зинокорни дарралаш, турмуш кўрган зинокорни тошбўрон қилиш, муртад жазо-ҳади каби шаръий жазо-ҳадларнинг татбиқ этилаётганига қарши чиққан халқаро қонунлардир. «Хьюман Райтс Вотч» ташкилотининг 2012 йил 31 май кунги саҳифасида «Суданда тошбўрон қилиб ўлдириш жазоси бекор қилиниши керак» номли мақолада, айни ташкилотнинг Африкада ташвиқот-тарғибот ишлари бўйича бош директори Даниэль Бекеле бундай деган: «Ҳеч кимни ўлгунича тошбўрон қилмаслик керак. Судан бундай ажратувчи қонунларни дарҳол ислоҳ этиши, ўлим жазосини ҳамда халқаро уставлар талабига оид ўзи ҳурмат қилишига ваъда берган бурч-вазифаларига зид келувчи жазоларнинг барчасини бекор қилиши шарт».

Бу каби воқеа-ҳодисалар Ҳизб ут-Таҳрир-Судан вилоятининг Судан ҳукуматининг очиқдан-очиқ илмонийлик йўналиши бўйича кетаётгани билан боғлиқ тақдим қилиб келган барча далиллар ва гувоҳликларига қўшимча бўлди. Бас, шундай экан, юрт аҳли то Пайғамбарлик минҳожи асосидаги рошид Халифалик барпо бўлмагунча, ҳаргиз Ислом аҳкомлари татбиқ этилмаслигига ишонч ҳосил қилсинлар. Қудрат ва ёрдам аҳли Ҳизб ут-Таҳрирга нусрат-ёрдам берсин, ана шунда ушбу буюк Уммат орасидан бир инсонга байъат қилинади, Уммат дини қоим бўлиб, Парвардигор рози бўлади, Муҳаммад мустафо САВ суннатларига эргашилади. Аллоҳ Таоло бундай деди:

فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا

«Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича зинҳор мўмин бўлолмайдилар»   [Нисо 65]

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com