Сунъий чегаралар қалблар улфатлигини тўсолмади
Сунъий чегаралар қалблар улфатлигини тўсолмади
بسم الله الرحمن الرحيم
Турли миллат ва элатларни ягона вужудга айлантира олган Ислом Давлати йўқ қилингач, Ғарб Умматни элликдан ортиқ давлатчаларга парчалаб ташлади ва ўрталарига сунъий чегаралар тортиб мустамлака қилган бўлса-да, лекин мусулмонларнинг қалб улфатчилигига тўсиқ бўлолмади. Бу қувайтлик Усома Сувайнининг Ҳизб ут-Таҳрир радиосига берган махсус интервьюсида етарлича ўз ифодасини топди (26 Ражаб 1444 хижрий. 17 феврал 2023 милодий). Интервьюда биродаримиз Туркия ва Суриядаги зилзилаларга Умматнинг муносабатини билдириб шундай дейди: Мусулмонлар бу фалокат қаршисида сабр, тоқат, гўзал хулқ, саховат, ҳамдардлик ва қайғуларини изҳор қилдилар. Бу эса иймоннинг кўплаб жиҳатларининг амалдаги ифодасидир. Аллоҳ уларни муносиб мукофотласин!
Дарҳақиқат, бу келтирилган олийжаноб сифатлар иймон мевалари бўлиб, бундай сифатлар Ғарб ҳазорати ҳукм сураётган бугунги жамиятда ҳаётдан четлатилган. Мустамлакачилар Исломий ўлкаларни ўзаро тақсимлаб, ўзларининг сақофатларини юз йиллар давомида мусулмонларга сингдиришга жидди жаҳд қилсалар-да, ўз мақсадларига эришолмади. Оламда юз бераётган фалокатлар, мусибатларга нисбатан, зўравон босқинчиликдан вайрон бўлаётган Шом, Фаластин, Афғон юртларидаги ҳодисаларга нисбатан, Хитой мушрик золимларининг Шарқий Туркистон мусулмонларини оммавий қамоқларда ғайриинсоний тарзда қийноқларга гирифтор қилишларига нисбатан… барча мусулмонлар ўз муносабатларини билдирмоқдалар. Агар манави сунъий, сохта чегаралар бўлмаганида эди, малай ҳокимлар улоқтирилганида эди, Ер юзининг бирон бурчагида мўминлар кофирларнинг чангалида азобда қолмаган бўларди.
Биродаримиз мисол келтирган биргина тарихий воқеа Уммат бирдамлигининг ёрқин чизгисидир:
Очлик даврида (қум йилида) мўминлар амири Умар ибн Хаттоб розияллоҳу анҳу ўз волийларига: Мисрдаги Амр ибн Осга, Кўфадаги Саъд ибн Ваққосга, Басрадаги Абу Мусо Ашъарийга ва Суриядаги Муовия ибн Абу Суфёнга амр қилиб, кийим-кечак ва озиқ-овқат юборишларини буюрди. Амр қуруқлик орқали озиқ-овқат юкланган 1000 туя ва денгиз орқали 20 та кема юборди. Муовия 3000 туя ва Ироқдан 1000 туя юборди. Абу Убайда ибн Жарроҳ эса, 4000 туя юборганди. Росулуллоҳ ﷺнинг марҳамат қилиб айтган:
اتَّقُوا النَّارَ وَلَوْ بِشِقِّ تَمْرَةٍ
“Яримта хурмо бериб бўлса-да ўзингизни ўтдан қутқаринг” ҳадисларини ўша даврда Уммат қандай тушуниб, амал қилган бўлса, бугун ҳам шундай тушуниб, амалга талпинувчи эканини билдирмоқда. Фақат ўз ёрдамларини порахўр, хоин ва малай ҳукуматлари орқали юборишда асло маъно йўқлигини билгани учун қўлидан келган имконлар билан ёрдамга шошилди.
Аллоҳ Таоло бу Умматнинг бир-бирларига ёрдамга шошилувчи имкониятли бирликни қайта қўлга киритишини хоҳлайди. Оламлар Роббисига илтижо қилиб, шундай дея ёлворамиз:
Эй Роббимиз! Бизларни бир-бирларимиздан ажратиб турган сунъий тўсиқларни супуриб ташлайдиган, мазлумларимиз дардларига интиқом малҳамини қўядиган, зиндонлар эшикларини парчалаб, озод қилувчи ва оламга Исломни ёйиб, юзларимизни ёруғ қилувчи қалқонимизни юбор! Интизор кутилаётган Нусратингга мушарраф қил! Иккинчи Рошид Халифаликни эълон қилинишини яқин қил! Амийн я Роббул аъламин!
ويومئذ يفرح المؤمنون بنصر الله ينصر من يشاء وهو العزيز الرحيم
– “Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир”. (Рум:5)
Ҳизб ут-Таҳрирнинг Ўзбекистондаги матбуот бўлими аъзоси Зайниддин
18.03.2023й
