Сурия Халқ кенгаши таркибининг президентлик тайинловлари билан тўлиқ шакллантирилиши — шаръий қоидабузарликлар ва сиёсий хавф-хатарлардир

Сурияда 2026 йил 1 июль куни Халқ кенгаши таркибининг президентлик тайинловлари билан тўлиқ шакллантирилиши ниҳоясига етди. Бу тайинловлар икки юз ўн нафар аъзодан етмиш нафарини тайинлашни ўз ичига олди. Бунда аъзоларнинг учдан икки қисми тўғридан-тўғри сайловлар орқали эмас, балки ўтиш даври ҳукумати томонидан тайинланган маҳаллий сайлов ҳайъатлари орқали сайланди. Бу иш ўтиш даврида қонун чиқарувчи ҳокимиятни тартибга солган 2025 йилги конституциявий баёнотга суянган ҳолда амалга оширилди. Бу сайлов механизми, шунингдек, баъзи аъзоларнинг тайинланиши, айниқса халқ орасида қаттиқ норозилик ва ғазаб тўлқинини уйғотди.

Лекин тўхтаб ўтилиши лозим бўлган энг хавфли масала шундаки — ушбу Халқ кенгаши ва унга ўхшашлар фақатгина демократик тизимнинг меваларидан бир мевадир. Чунки у қонун чиқариш ҳуқуқини халққа беради, Халқ кенгаши аъзолари эса ўзларига тақдим этилган конституция ва қонунларни тасдиқлайдилар. Бу ишда инсон томонидан ўйлаб топилган қонунларни танлаш ёки кенгашга тақдим этилган қонунларни тасдиқлаш билан Аллоҳнинг ҳукми ва Шариатига қарши чиқиш бордир.

Ушбуни оқлаш учун рўкач қилинадиган манфаат ва икки зарарнинг енгили каби барча даъволарнинг Шариат мезонида ҳеч қандай қиймати йўқдир. Хўш, ушбу улуғ қурбонликлар берилгани ва пок қонлар тўкилгани Аллоҳнинг ғазабини вожиб қиладиган инсон томонидан ўйлаб топилган инсоний ҳукмни мустаҳкамлаш учунмиди, ёки буларнинг барчаси Аллоҳ йўлида ҳамда У Зотнинг ер юзидаги ҳукмронлигини барпо этиш йўлидамиди?!

Бундан ташқари, мусулмон юртларидаги ушбу кенгашлар ўз ҳақиқатида сохта демократиянинг рамзий кенгашларидир. Уларнинг вазифаси — ўзларини мустамлакачи давлатлар манфаатларини рўёбга чиқариш хизматига бахшида этган ҳукмдорларнинг сиёсатларини ўтказиб беришдир. Бас, улар ҳукмдорларнинг юзини чиройли кўрсатиш ва улар ўз қонунийлигини халқ розилигидан олаётганини намойиш қилиш учун хизмат қиладиган рамзий кенгашлардир, холос.

Одамлар орасида «исломий бўёқ» билан танилган гуруҳлар ёки шахсларнинг мавжудлиги ушбу кенгашларнинг ҳақиқатини асло ўзгартира олмайди, ҳатто улар тасдиқлаш учун тақдим этилган қонунларга, битимларга ва келишувларга қарши чиқсалар ҳам. Чунки қонунлар, битимлар ва келишувлар фақатгина кўпчилик овоз билан қабул қилинади. Бундан ҳам хавфлироғи — ушбу аъзолар ўзларини Аллоҳнинг аҳкомлари устидан назоратчи қилиб қўйишга ва улардан нима яроқли-ю нима яроқсиз эканини белгилашга рози бўлганликларидир!

Албатта, энг хавфли сиёсатлардан бири — ташқи ёрдамни қўлга киритишга ва йирик давлатларнинг розилигига интилиш ҳамда инқирозлар ва оғир дамларда ўз фаоллигини исботлаган инқилобий асосга орқа ўгиришдир. Ушбу сиёсатнинг дастлабки аччиқ меваси — ўтиб кетган жиноятчи режим йиқилишидан аввал ўртага ташланган шиорларга қарши чиқиш ва мақсадлар ҳамда ўзгармас асослардан тониш бўлди. Бунинг оғриқли натижаси эса, тузумни тубдан ўзгартириш ва ҳеч қандай бошқа эътиборга қарамасдан, фақатгина Исломий ақидадан сизиб чиқадиган ўз конституцияси ва қонунлари билан Аллоҳни рози қиладиган тузумни татбиқ этиш вожиб бўлган бир вақтда, ўша ўтган жирканч тузумнинг рамзий шаклини асраб қолиш бўлди.

Америкага бўйин эгиш сиёсатининг оқибатлари

Ислом ва мусулмонларга нисбатан адоватли бўлган Америкага бўйин эгиш сиёсатининг улкан сиёсий балолари ҳали олдиндадир. Бу офатлар Дамашқдаги ҳозирги ўтиш даври маъмуриятининг 2025 йил 10 ноябрь куни «терроризм»га қарши курашиш бўйича халқаро коалицияга қўшилишга рози бўлганида яққол намоён бўла бошлади. Худди шунингдек, чегарадаги ҳарбий тўқнашувларнинг олдини олиш ва кескинликни пасайтириш мақсадида Америка ҳомийлиги остида яҳудий вужуди билан хавфсизлик музокаралари олиб боришга, у билан алоқа каналини ўрнатишга розилик берганида, унинг Сурия ерларига қилган тажовузлари ва сизиб киришларига кўз юмиб, уларнинг барчасига мағлубиятли урушга тортилиб кетмаслик баҳонаси билан жавоб қайтармаганида бу хиёнат янада ойдинлашди!

Келгусида Халқ кенгашини тасдиқлаш лозим бўлган ўта хавфли масалалар кутмоқда. Бунда Халқ кенгаши аъзоларининг роли одамлар қаршисида сохта гувоҳлар бўлишдан нарига ўтмайди, улар орқали одамлар ва афкори омма «содир бўлган бу ишлар Америка босими остидаги давлат ва ҳукмдорларнинг талаби эмас, балки халқнинг иродасидир» деб алданади.

Халқ кенгаши тасдиқлаши исталаётган ушбу хавфли сиёсий масалалардан бири — конституциявий декларацияни қабул қилиш, инсоний конституцияни ва давлатнинг республика шаклини мустаҳкамлашдир. Бу Шом аҳли ўз инқилобларида талаб қилган соф Исломий бошқарув барпо этиш талабига бутунлай зиддир.

Яҳудий вужуди билан келишувлар ва бойликларнинг талон-торож қилиниши

Бунинг устига, яна бир ўта хавфли масала борки, у ҳам бўлса — яҳудий вужуди билан келишувлар имзолаш, уни ва унинг еримиз ҳамда муқаддасотларимизни босиб олганини тан олиш масаласидир. Бу эса биз барча содиқларни унга қарши туришга ва уни узил-кесил рад этишга, у содир бўлишидан аввал унинг олдини олишга шай туришга даъват қиладиган ишдир. Зеро яҳудийлар юртимизни босиб олганлар ва улар билан тўқнашув — муқаррар тўқнашувдир, биз унга бизга сотилаётган алдовчи ваъдаларга алданмасдан туриб, мукаммал суратда шайланишимиз вожибдир.

Тўғри, ўтиш даври маъмурияти яҳудий вужуди билан келишувларни имзолашга рози бўлиш сари юзланишини бироз юмшатди, лекин бу вақтинчалик ишдир. Чунки қарамлик ва Американи рози қилиш сиёсатини танлаш юрт манфаатлари асосида мустақил қарорлар қабул қилишни бўғиб қўяди.

Шунингдек, 2026 йил 26 июнь куни Ливан ва яҳудий вужуди ўртасида имзоланган, ўз мақсади Ливан ва яҳудий вужуди ўртасидаги тўқнашувни тугатиш ва уни тан олиш ҳамда кенгроқ келишув учун йўл очиш бўлган сиёсий ва хавфсизлик келишуви — Американинг босими ва минтақавий тил бириктириш соясида Сурияда  ҳам худди шундай нусхада амалга ошириладиган сиёсий намуна ҳисобланади.

Юрт бойликлари Америка ва унинг компаниялари назорат ўрнатиши учун бир ўлжа ва мақсад деб ҳисобланади, бу эса имтиёзларни қўлга киритиш ва юртни эркин бозор ҳамда хусусийлаштириш сиёсати сари ундаш орқали бўлади. Бу эса Халқ кенгашидан, қонун чиқарувчи ҳокимият сифатида, бунга йўл очадиган қонунларни ишлаб чиқишни ҳамда ушбу жиҳатга алоқадор келишувларни тасдиқлашни талаб қилади. Бу эса бойликларимизни ва салоҳиятларимизни душманларимиз қўлига топшириб қўяди. Бундан ташқари Америка гегемонлигини барча соҳаларда мажбуран юклаш учун бир дарвозадир, бу мутлақ қарамликни мустаҳкамлашга йўл ҳозирлайди ва ундан халос бўлишни янада қийинлаштиради.

Албатта, биз рўбарў бўлаётган ва бизни кутаётган хавф-хатарлар ва қийинчиликлар улкандир. Уларнинг муолажаси қарамликни ва инсоний бошқарув шаклларини мустаҳкамлаш билан эмас, балки Аллоҳ биз учун рози бўлган бошқарувни — Ислом бошқарувини барпо этиш билангина бўлади. Фақат у билангина бизнинг барча муаммоларимиз ҳал бўлади ҳамда биз ўз азизлигимизга, нусратимизга ва дунё-ю Охиратдаги бахтимизга эришамиз.

Устоз Али Мустафо Ал-Бакрий — Ҳизб ут-Таҳрир Сурия вилояти матбуот бўлими раиси

Роя газетасининг 2026 йил 15 июл, чоршанба кунги 608-сонидан