Роя газетаси:

Сурия мухолафати Америка «чекинишини» танқид қилмоқда

Сурия мухолафат коалициясининг Париждаги элчиси Мунзир Мохус Американинг Сурия бўҳронига нисбатан позициясида «даҳшатли чекиниш» борлигини айтди. У мабодо музокаралар моҳияти борасидаги келишув – худди Сурия мухолафатидаги гуруҳлар Россиянинг музокаралардаги аралашувига қарши эканликларини билдирганидек – муваффақиятсизликка юз тутса бундай «омадсиз» музокарага киришмаган маъқуллигини, билдирди.

Мохус Ал-Жазира билан бўлган суҳбатида Америка ташқи ишлар вазири Жон Керрининг Суриядаги ечим миллий бирлик ҳукуматига келишилмагунча асло амалга ошмаслиги, Қўшма Штатлар бу борада Россия ва Эрон билан келишиб олганлиги, тўғрисидаги гапини келтириб ўтди. Керри ўтган жума Давосда ўтказилган анжуманда мазкур баёнотни берган эди. Мохус Керрининг бу баёнотини «Америка позициясидага даҳшатли чекиниш», дея изоҳлади.

У яна Керрининг ўтган шанба куни Риёзда ўтказилган анжуманда музокаралар олий ҳайъати раиси Риёз Ҳижоб билан учрашганини билдирди. Керри ўша ерда «Улар ўзларига қўйилган шартлар доирасида (режим билан музокара ўтказиш учун) Женевага боришлари керак. Акс ҳолда, ўз иттифоқчилари қўллаб-қувватловидан маҳрум бўладилар», деган эди. (Ал-Жазира нет).

Роя гезетаси шарҳи:

Мунзир Мохус бу гапни билмай айтяптими ёки Сурия аҳлини адаштириш мақсадидами, фарқсиз, бу битта нарсага далолат қилади. У ҳам бўлса, Американи Сурия аҳлига яхшилик олиб келаётган, бироқ Россия ва Эрон карвонига эргашиб, бундан чекинган қилиб кўрсатишдир!! Суриядаги ишларни кузатиб бораётган ҳар қандай кўзи очиқ киши, Эрон Америка сиёсатини ижро этиш учун Сурияда бор кучи билан ҳаракат қилаётганини, Россия Америка билан келишиб олган ҳолда ўзининг айрим манфаатлари ва Ислому мусулмонларга қарши кураши муқобилида Сурияга аралашганини англаб етади. Мохус нақл қилганидек, Америка ташқи ишлар вазирининг Сурия мухолафатидан уларга қўйилган шартлар доирасида музокарага боришни талаб қилаётганига келсак, бу Америка истакларига тиз чўкишлари учун қўзғолончиларга қилинган таҳдиддир.

Роя газетасининг 2016 йил 27 январ чоршанба кунги 62-сонидан