بِسْـــمِ اللهِ الرَّحْمٰـــنِ الرَّحِيـــم

Матбуот баёноти

﴿مثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا﴾

«Таврот юкланган-берилган, сўнгра уни кўтара олмаган (яъни унинг кўрсатмаларига амал қилмаган) кимсалар (яҳудийлар)нинг мисоли худди китобларни кўтариб кетаётган эшакка ўхшайди»

Оддий савол:

Суриядан тортиб, Яман, Ливия, Миср ва Ироқ каби юртларимиздаги армиялар, жангарилар ва ташкилотлар нима учун, ким учун, кимга қарши жанг қиляпти?!

Америка, унинг иттифоқчилари ва Россия каби кофир давлатларнинг инсонийлик ва ахлоқни эътиборга олмаган ҳолда ҳеч иккиланмай мусулмонларни ўлдириши, юртларни вайрон қилиши аниқ. Бу нарса тушунарли. Бироқ, Яман, Ироқ, Миср, Сурия ва Туркиядаги мусулмон армияларнинг – мустамлакачи кофир Ғарб кўрсатмаларини бажараётган ҳукмдорларнинг буйруғини ижро этиш учун – жиноятлар содир этиши тушуниб бўлмайдиган ва оқлаб бўлмайдиган ишдир.

Курд жангарилари Сурия ва Ироқда бир картон давлатча қуриш учун жанг қилишяпти, бу билан Британ давлати Халифалик давлати харобалари узра чизиб қўйган минтақа харитасида мустақил миллатчи бир юртни зўрлик билан ўрнатмоқчи бўлишяпти. Шу ниятлари йўлида шайтон билан иттифоқчи бўлишдан тап тортишмаяпти. Бу шайтоннинг Британия, АҚШ ёки яҳудийлар давлати бўлишининг уларга фарқи йўқ!! Ваҳоланки, салибчилар ҳужумларини қайтариб йўқ қилишда етук қаҳрамонликлар кўрсатиб, тарих саҳифаларида нурли сиёҳлар билан ном қолдирганлар мана шу курдлар аждодлари бўлади.

Бунинг муқобили ўлароқ, Эрдоган турк миллий хавфсизлиги мудофааси йўлида жанг олиб бораётганини даъво қиляпти. Натижада, турк армиясига Сурия шимоли ва Ироқдаги курд минтақаларида мусулмонлар қонига қўлларини ботиришларига тўғри келяпти. Ваҳоланки, Аллоҳнинг калимасини олий қилиш йўлида асрлар мобайнида жиҳод байроғини кўтарган, ҳатто Венани икки марта қамал қилган буюк қаҳрамонлар, мана шу армия аждодлари бўлади.

Яман жангариларига келсак, улар ҳокимият ва бошқарувни ўз назоратларига олиш йўлида бир-бири билан қирпичоқ бўлишяпти, мусулмонлар қонининг ҳаромлиги уларни мутлақо ташвишлантираётгани йўқ. Уларни Эрондаги жинояткор фожир ҳукмдорлар билан Саудия Арабистони етакчилиги остидаги «араб давлатлари коалицияси» қўллаб-қувватлаб турибди. Бу ҳукмдору коалициянинг ҳар бири, мусулмонлар орасидаги шу низо оловига мой сепиб, Яманни вайронагарчилик ўчоғига айлантирган қирғинбарот урушни тинимсиз авж олдиряпти. Ваҳоланки бу юрт аҳли Росулуллоҳ ﷺнинг имон ва ҳикмат аҳли, дея берган баҳоларига мушарраф бўлганди.

Мисрда бўлса, унинг жинояткор ҳокими ўн минглаб мусулмон фарзандларни қамоққа тиқди, ўч олиш мақсадида уларни қийноққа солди. Бу қилмишлар билан ҳам кифояланмай, бугун Миср армиясини яҳудийлар хавфсизлигини мудофаа қилиш ва Вашингтон таълимотларини бажариш учун Синайдаги қирғинбарот урушда иштирок этишга мажбурлаяпти. Бунинг ўрнига, Айн Жолут маъракасида сон-саноқсиз ваҳший мўғул-татарларни яксон этган қўшиннинг авлоди бўлмиш мисрлик армияни Исро ва Меърож заминини нажас яҳудийлардан озод этиш ҳамда мусулмонлар юртларини фасод тарқатаётган салибчи кучлардан тозалаш сари сафарбар қилиши керак эди.

Энди Сурияга келсак, бир томонда Эроннинг йиртқич жангарилари, иккинчи томонда босқинчи рус кучлари, мусулмонлар қонини ичиш бўйича мусобақалашяпти.

Эй мусулмонлар!

Ҳақ Субҳанаҳу сизга калимангизни бир қилишга буюрган, низолашишни ҳаром қилган:

﴿وَأَطِيعُوا اللهَ وَرَسُولَهُ وَلا تَنَازَعُوا فَتَفْشَلُوا وَتَذْهَبَ رِيحُكُمْ﴾

«Аллоҳга ва Росулига итоат қилингиз ва (ўзаро) низолашмангизки, у ҳолда сустлашиб, куч-қувватингиз кетур»                                                                                                 [Анфол 46]

Қуйидаги саҳиҳ ҳадисда келганидек, бир-бирингизнинг қонингизни ноҳақ тўкишдан қайтарган:

«لا تَرْجِعُوا بَعْدي كُفَّارًا يَضْرِبُ بَعْضُكُمْ رِقابَ بَعْضٍ»

«Мендан сўнг бир-бирингизни ўлдириб, қайта кофир бўлиб кетмангиз». Шунингдек, мусулмонларга кофирлар билан дўстлашиш ва улардан ёрдам сўрашни ҳаром қилган, мусулмонларни ўлдиришда уларга ёрдам беришнику қўяверинг. Дарҳақиқат, ушбу саҳиҳ ҳадисда Росулуллоҳ A Каъбатуллоҳга қараб,

«وَالَّذِي نَفْسُ مُحَمَّدٍ بِيَدِهِ، لَحُرْمَةُ الْمُؤْمِنِ أَعْظَمُ عِنْدَ اللهِ حُرْمَةً مِنْكِ»

«Муҳаммаднинг жони қўлида бўлган Зотга қасамки, мўминнинг дахлсизлиги Аллоҳ наздида сенинг дахлсизлигингдан ҳам буюкдир», дедилар. Бас, сиз мусулмонларга нима бўлди, анави ҳукмдорларга сукут қилиб турибсиз?! Ахир, улар кечаю кундуз хоинлик қилиб, кофирлар билан дўстлашишяпти, қонхўрлик ва вайронагарчиликда ҳаддан ошишяпти ҳамда Аллоҳнинг шариатини бекор қилишяпти. Ушбу шариат эса, сизга уларни қўлидан ушлаб, бундай жиноятлардан тўхтатишни буюрган!!

Аллоҳнинг ушбу буйруғи, орангиздаги куч-қудрат аҳли зиммасига ҳаммангиздан ҳам кўпроқ тушади. Зеро, улар ботил ҳукмдорларни ўзгартириш билан, тийиб қўйишга қодир. Анбиёлар меросхўрлари бўлган уламоларга, мўмин борасида аҳдга ҳам, бурчга ҳам боқмаётган бу золимларга тикка чиқиб, ҳақ сўзни айтиш буюрилган.

Бизни Аллоҳ Субҳанаҳу илгарги Бану Исроил тушган нарсаларга тушиб қолишдан огоҳлантириб, уларни қуйидагича ташбиҳ этди:

﴿مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا﴾

«Таврот юкланган-берилган, сўнгра унга амал қилмаган кимсаларнинг мисоли худди устига китоблар юкланган эшакка ўхшайди»                                                                         [Жумъа 5]

Чунки улар Аллоҳнинг шариатини етказиш ва ундан ҳукм олиш ва ҳидоятини улашишдан бош тортиб, Тавротни яширишди, унга амал қилишмади… Ана шунда Аллоҳ уларни устига китоб юкланган, аммо бу китоблардан фойдаланмаган эшакка ўхшатди. Чунки эшак китоблардаги сўзларга ақли етмайди, бинобарин, ундаги ҳидоятдан фойдаланолмайди. Ушбу оятда Аллоҳ ақлимизни ишлатишимиз ва бизга нозил қилган нарсаларига амал қилишимиз учун ўтмишдаги кимсаларни зарби масал қилмоқда, бу билан Ҳақ Субҳанаҳу бизга марҳамат кўрсатмоқда… Бас, мана шундай ҳақоратли аҳволга тушиб қолишдан эҳтиёт бўлайлик, синмас азм-қарор билан вазифани бажаришга шошилайлик. Акс ҳолда, Азизу Ҳаким Аллоҳнинг оятларини ёлғон, деган кимсалардан бўлиб қоламиз. Шунинг учун У оятни қуйидаги каломи билан тугатди:

﴿بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللهِ وَاللهُ لاَ يَهْدِي الْقَوْمَ الظَّالِمِينَ﴾

«Аллоҳнинг оятларини ёлғон деган қавмнинг мисоли нақадар ёмондир. Аллоҳ бундай золим қавмни ҳидоят қилмас!»                                                                                                        [Жума 5]

Бас, эй мусулмонлар, Аллоҳ сизга абадий ҳаёт берадиган нарсага чақирар экан, уни қабул қилинг, Аллоҳнинг, динимизнинг ва миллатимизнинг душманлари этагини тутган бу ҳукмдорлар билан алоқани узиб, Пайғамбарлик минҳожи асосидаги Халифаликни барпо этиш орқали исломий ҳаётни қайта бошлашга ҳаракат қилаётганлар билан бирга ҳаракат қилинг:

﴿يَا أَيُّهَا الَّذِينَ آمَنُوا اسْتَجِيبُوا للهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилар экан, уни қабул қилинглар»                                                                                                     [Анфол 24]

Усмон Баххош

Ҳизб ут-Таҳрирнинг

марказий матбуот бўлими раиси

телефон-факс: 00961 1 30 75 94

уяли телефон: 00961 71 72 40 43

электрон почта: ws-cmo@hizb-ut-tahrir.info