Трампнинг ёлғон ваъдалари: Олам ҳақиқий альтернатив ечимга муҳтож
بِسْمِ اللهِ الرَّحْمٰنِ الرَّحِيم
Трампнинг ёлғон ваъдалари: Олам ҳақиқий альтернатив ечимга муҳтож
Американинг президентлик сайловида Трампнинг ғалаба қозониши – у сиз ҳам беқарор бўлиб турган оламда – қўшимча саросима ва хавотирни пайдо қилди. Аслини олганда бу сайловлар капиталистик мабда ўз халқи муаммоларини ечиб бера олмаётганини кўрсатди. Чунки альтернатив ечим йўқ бўлиб турган бир пайтда мураккаб муаммолар ечимини топа олмаётган одамларни ҳиссиётли лекциялар чулғаб олди. Шунинг учун бугун олам ҳар қачонгидан ҳам кўпроқ Исломни капитализмга альтернатив ечим ва низом сифатида кўришга муҳтож бўлиб қолди.
Алдамчи низом
АҚШда ва Британиядаги Brexit (Британиянинг Евро Иттифоқдан чиқиши) кампанияси даврида биз – сиёсий ютуқларни қўлга киритиш учунгина мигрантлар ва мусулмонлардан нафратланишга чақирилганига ҳамда улардан хавотирланишни уйғотишга ҳаракат қилинганига гувоҳ бўлдикки. Айни пайтда ҳақиқий муаммолардан кўз юмилди.
Масалан Трамп мусулмонларни хунук кўрсатиш ва ирқий кескинликлар пайдо қилиш, ҳамда Оқ уйга келсам муаммоларни ҳал қиламан деб ёлғон ваъдаларни бериш орқали ғалабага эришди. У ўзини бугунги идорага ёт қилиб кўрсатганига қарамай, шу идорага яқин алоқада бўлган сиёсатчилар, банкирлар, нуфузли кишилар ва босим қила олувчи жамоаларни ўз идорасига олмоқда. Чунки, аслида у ҳам Клинтонга ўхшаб ҳукмрон элитадандир. Сайлов олди кампаниясида берилган ваъдаларни у ҳам худди Клинтонга ўхшаб бажарилиши лозим бўлган аҳднома эмас ҳокимиятга келиш йўли деб билади.
Британияда эса Европа Иттифоқидан чиқишга чақираётганлар ҳукумат иттифоқдан чиқиш билан ҳафтасига 350 миллион фунт стерлинг тежайди деб даъво қилишди. Шунда одамлар Европа Иттифоқидан чиқиш тез кунларда аниқ бўлар экан деб ишонишди. Лекин беш ойга яқин вақт ўтишига қарамай, Британия ҳукуматининг Европа Иттифоқидан чиқиш стратегиясида саросима ҳукмрон. Чунки ҳукуматдаги кўпсонли вазирларнинг баёнотлари бир-бирига зид келмоқда. Айни пайтда турли сиёсий партиялар муаммоларга нисбатан позицияларини изҳор этишмоқда. Хайрия ишлари билан шуғулланувчи ташкилотга кўра, мамлакатдаги ёш болаларнинг тўртдан бири қашшоқ аҳволда яшайди. Беш отадан биттаси ўз фарзандларини озиқ-овқат билан таъминлашга қодир эмас. Ҳукуматдаги шахслар ўзгаргани билан муаммолар ўзгаришсиз қолмоқда.
Европа Иттифоқидан чиқишга овоз бериш жараёнида ва Америка сайловларида халқ ғазабини қўзғаш ва сайлов қутиси олдида нотинчликларни пайдо қилиш учун ёлғон шиорлар ишга солинди. Мана шу сайловлар илмоний либерал низомнинг ботиллигини кўрсатди. Чунки бу низом инсон билими чекланган ва ҳиссиётга берилувчан бўлишига қарамай, уни қонун чиқариш манбаи қилиб қўяди. Бу илмоний либераллар қўлида етарли куч ва нуфуз бўлиб, улар ахборот воситаларини одамларни алдаш учун ишлатишяпти. Шунингдек низом уларнинг хос манфаатлари тарафида бўлиши учун қонун чиқариш амалиётидан фойдаланишмоқда.
Исломнинг ҳаётда йўқ бўлиши
Сиёсий беқарорлик ва кескинлик ҳаётнинг барча жабҳаларига ўз таъсирини ўтказди, бу инкор қилиб бўлмас ҳақиқатдир. Аксарият инсонлар бугунги низомга альтернатив бўла оладиган ва барқарорлик, фаровонлик, яхши яшашни кафолатлайдиган ечимни изламоқдалар. Исломий оламда уруш, қон тўкиш ва бошбошдоқликни кўраётган бўлсак, Европада қочқинлар инқирози ва келгиндиларга қарши нафрат туйғулари ортиб бораётганига гувоҳ бўляпмиз. Айни пайтда Узоқ Шарқда Хитой ва унинг Америка томонидан қўллаб-қувватланаётган қўшнилари ўртасида ҳарбий кескинлик кучаймоқда.
Бугун Америка етакчилик қилаётган оламдаги сиёсий низом оламнинг турли минтақаларида ўзи пайдо қилган муаммоларни муолажа қилишдан ожиз эканини исботлади. Ғарбдаги одамлар ўтган йиллар мобайнида ўз ҳукуматлари дунёнинг бошқа минтақалари устидан ҳукмрон эканига хотиржам эдилар (улар ўз ҳукуматларининг мустабид ҳокимларни қўллаб-қувватлаётгани ва уруш оловини ёқаётганини кўрсаларда ўзларини билмасликка олдилар). Лекин ўтган ўн йиллик мобайнида бўлган иқтисодий депрессиялар туфайли одамлар низомга бўлган ишончини йўқотишди. Одамлар сиёсатчиларнинг очкўзлигида кўринаётган шармандачиликдан, улкан ширкатларнинг муомаласидан ва ахборот воситаларининг ишончсизлигидан ғазабланадиган бўлиб қолди.
Ҳақиқий альтернатив ечим
Ғарбдаги катта сиёсий ўнгчи ва сўлчи партияларнинг бирортаси ҳам ички ва ташқи муваффақиятсизлик илмоний, либерал, капиталистик мабдадан пайдо бўлганини, ҳамда бу битта сиёсий шахс туфайли бўлмаётганини тан олгиси келмайди. Шунинг учун бугун олам инсоний муаммоларни муолажа қилиш учун исломий шариат аҳкомларини татбиқ қиладиган низомга, яъни Исломга муҳтож.
Охирги пайтларда олам гувоҳи бўлаётган иқтисодий беқарорликларнинг асосий сабаби капитализмнинг молиявий низомидир. Банк ташкилотларининг таъсирида гоҳо ўсиш даври бўлса, гоҳо касод даври бўляпти. Бунда улкан инвестициялар қисқа вақт ичида катта даромад топиш учун турли ишлаб чиқариш корхоналарига ётқизиляпти. Рибо асосига қурилган банк муомалалари қарздорларга далда бермоқда. Лекин бу бозорга бўлган ишонч йўқолганидан кейин иқтисоднинг емирилиши ва вайрон бўлишига олиб боради.
Исломий низомда бунинг акси ўлароқ молиявий фойдалар шаръий манбалардан олиниши керак. Яъни ишчилар ва мол эгалари зарарни бир хил кўтаришлари керак. Бу нарса барқарорликни ўсишига ва бойликни кўпайишига ёрдам беради ҳамда уни озчилик қўлида тўпланиб қолишидан сақлайди.
Капиталистик низом, яъни демократияда ҳукумат ва парламент рухсат ёки ман қилишга алоқадор қонунларни огоҳлантирмасдан ўзгартираверади. Натижада жамиятдаги бой гуруҳ ва катта ширкатлар сиёсат ишларига таъсир кўрсатиш ва тижорий манфаатларини ҳимоя қилиш учун катта маблағларни сарфлашади. Шунинг учун оддий одамларнинг фикрлари одатда эътиборга олинмайди.
Исломий низомда шўро мажлиси қонун чиқаришда рол ўйнамайди. Чунки қонун чиқариш манбаи исломий шариат ҳисобланади. Шўро мажлисининг роли эса ҳокимларни қилган ишларига қараб муҳосаба қилишдан иборат. Бу уларга берилган имтиёз эмас, балки вожиб масъулиятдир. Пайғамбар САВ айтадилар:
«أَفْضَلُ الْجِهَادِ كَلِمَةُ حَقٍّ عِنْدَ سُلْطَانٍ جَائِرٍ»
«Энг афзал жиҳод золим султон ҳузурида айтилган ҳақ сўздир». (Термизий Абу Ҳурайра РАдан ривоят қилган).
Исломий шариат умумий мулк билан хусусий мулк ўртасини ажратган. Умумий мулк Уммат манфаати учун давлат тарафидан идора қилиниши вожиб бўлган нефт, газ ва сув кабилардир. Хусусий мулк эса шахслар ва ширкатлар эгалик қилиши мумкин бўлган мулклардир.
Шариат ишчи ва иш берувчилар учун барқарор иқтисодий шароитни пайдо қиладиган ёрқин асосларни белгилаб қўйди. Бунда тарафлар адолатли шартлар билан бир-бирига ёрдам бериш ва мусобақалашиш ишларида ўз ҳуқуқ ва вазифаларига риоя қиладилар.
Шариат инсонни турли диний ва ирқий жамоатларнинг ҳуқуқ ва масъулиятлари борасида шахсий ҳукм чиқаришдан қайтаради. Британиядаги каби капиталистик жамиятларда соғлиқни сақлаш, чакана савдо ва қурилиш каби асосий соҳаларда ишчи кучини тўлдириш учун мигрантларни олқишлаб кутиб олишди. Лекин иқтисод молиявий бозорлардаги иккиланиш туфайли беқарорликка юз тутгач, ахборот воситалари ва ҳукумат идоралари мигрантларни омма бойликларига хатар сифатида ташвиқот қила бошлади.
Рошид Халифалик Исломни татбиқ қилиш орқали ғайримусулмонларни таъқиб қилишдан қайтаради. Шунингдек у қонунни ижро қилишда ҳар қандай ирқ ёки шахснинг роли бўлишига рухсат бермайди. Росулуллоҳ САВ айтадилар:
«أَلَا مَنْ ظَلَمَ مُعَاهِدًا، أَوِ انْتَقَصَهُ، أَوْ كَلَّفَهُ فَوْقَ طَاقَتِهِ، أَوْ أَخَذَ مِنْهُ شَيْئًا بِغَيْرِ طِيبِ نَفْسٍ، فَأَنَا حَجِيجُهُ يَوْمَ الْقِيَامَةِ»
«Огоҳ бўлинг кимки аҳд тузган кимсага зулм қилса, ёки камситса, ёки тоқатидан ортиғини юкласа, ёки уни рози қилмай бир нарсасини олса, мен қиёмат куни унинг ҳимоячиси бўламан». (Абу Довуднинг Сунан китоби, Абу Саид Худрий ривояти).
Шариат инсоннинг барча ишларини икир-чикиригача жамиятнинг талаб ва эҳтиёжларига риоя қиладиган низом билан муолажа қилган. Шунингдек инсонни ғаризалари турткиси асосида тартибсиз иш юритишдан қайтарган. Капиталистик низом дунё етакчилигини қўлга киритгач инсоният жарга қараб қулаб бормоқда. Бугун Британия ва Ғарбдаги мусулмонлар ҳар қачонгидан ҳам кўпроқ Исломни барчага альтернатив ҳазорат сифатида берилишга муҳтож. Айни пайтда рошид Халифаликни тиклаш учун фаолият қилишлари ҳам шарт. Аллоҳ Таоло айтади:
وَمَا أَرْسَلْنَاكَ إِلَّا رَحْمَةً لِّلْعَالَمِينَ
«(Эй Муҳаммад), дарҳақиқат Биз сизни барча оламларга фақат раҳмат (яъни Аллоҳнинг раҳмати-жаннатига етаклагувчи) қилиб юбордик» [Анбиё 107]
Ҳизб ут-Таҳрир 17 сафар 1438ҳ
Британия 17 ноябр 2016м
