بِسْمِ اللَّـهِ الرَّحْمَـٰنِ الرَّحِيمِ 

Роя газетаси:

Исломий юртларимиздаги асл муаммо капиталистик тузумда бўлишига қарамай ғарбпараст ҳукмдорлар одамларни сохта ўзгаришлар билан алдашмоқда

Тунисда миллий бирлик ҳукуматини тузиш учун маслаҳатлар давом этмоқда

Ҳозирги ҳукуматда иштирок этаётган партиялар билан мухолафат партиялари ўртасида амалдаги бош вазир Ҳабиб Сайдни ишдан бўшатишга оид келишмовчиликлар бўлаётган бир пайтда, Тунисда миллий бирлик ҳукумати тузиш учун маслаҳатлар кетмоқда.

Лекин бош вазир ишдан бўшашни истамай, бўшлиқ юзага келишига йўл қўймаслик ва давлат ташкилотларининг заифлашишига олиб борадиган барча сабабларни олдини олиш учун вазифамни давом эттираман, деди. У демократик ҳаракатни кафолатловчи миллий бирлик ҳукуматини тузиш йўлида музокара натижаларига қўшилишини таъкидлади.

Ўз навбатида, Тунис республикаси раёсати ҳам юртдаги иқтисодий ва сиёсий аҳволнинг шу ҳолда сақланиб қолиши хавфларидан огоҳлантириб, Рамазон ойи тугашидан олдин миллий бирлик ҳукумати тузишга интенсив (тиғиз) маслаҳатлашувлар орқали ҳаракат қилишини билдирди. Бу ҳақда республика президенти Божи Қоид Сабсий ҳам ўз истагини билдириб, ҳамма бир овоздан ҳозирги аҳволнинг сақланиб қолишига йўл қўймасликка келишиб олишлари лозимлигини таъкидлади. Ал-Жазира мухбирининг айтишича, мухолафат партияларининг музокараларга киришиши унинг равон ва суръатли эканини англатмайди. Чунки бу дастурга олдиндан шарт қўйиш ишни бузиши мумкин. Масалан, Халқ фронти (сўл қанот партиялар коалицияси) расмий нотиғи Ҳама Ҳамосий Тунисни кризисдан чиқаришга ва Тунис халқи умидини оқлашга кафил бўладиган дастурни муҳокама қилиш муҳимлигини таъкидлади.

Бироқ халқ кенгаши депутатлирининг тинглаш йиғинида Марказий банк раиси тақдим қилган кўрсаткичлар вақт жуда қисқалигига далолат қилмоқда. Чунки молиявий ва иқтисодий вазиятни яхшилаш хавфсизлик ва сиёсий барқарорликни талаб қилади. Бу барқарорлик эса Тунисдаги парламент ва сиёсат йўлакларида тарғиб этиладиган метин-мустаҳкам сиёсий келишувсиз рўёбга чиқмайди. (Ал-Жазира).

Роя газетасининг 2016 йил 22 июн чоршанба кунги 83-сонидан