بسم الله الرحمن الرحيم

Хабар ва изоҳ

Туркий давлатлар ташкилоти Америка қўлидаги бир қуролдир!

Хабар: Жорий йилнинг 11 ноябр куни Самарқандда Туркий давлатлар ташкилотининг илк саммити бўлиб ўтади. Бу ҳақда “озодлик” радиоси ва бошқа оммавий ахборот сайтлари хабар тарқатди.

Саммитга давлат раҳбарлари кела бошлади. Масалан 9 ноябрь куни Венгрия бош вазири Виктор Орбан бу саммитда иштирок этиш учун Самарқандга келди. Уни Самарқанд халқаро аэропортида Ўзбекистон бош вазири Абдулла Арипов ва бошқа расмийлар кутиб олди.

Изоҳ: Бу ташкилот 2009 йил октябр ойида Туркий тилли давлатлар ҳамкорлик кенгаши (Туркий кенгаш) сифатида ташкил этилган. Ўша вақтда унга Озарбайжон, Қозоғистон, Қирғизистон ва Туркия аъзо бўлган. 2021 йилнинг 12 ноябрида ўтказилган Истанбул саммитида Туркий кенгаш номи Туркий давлатлар ташкилоти деб ўзгартирилди. Ҳозирда бу ташкилотга Озарбайжон, Қозоғистон, Қирғизистон, Туркия ва Ўзбекистон аъзо. Венгрия ва Туркманистон эса кузатувчи мақомига эга.

Маълумки, Марказий Осиё Москванинг анъанавий нуфуз минтақаси ҳисобланади. Манфаатли геостратегик жойлашув ва бой хом ашё ресурслари ҳозирда бу минтақани АҚШ, Хитой ва Европа иттифоқининг экспансияси объектига ҳам айлантирди. Вашингтон 2020 йил 8 февралда АҚШнинг Марказий Осиёга оид 2019-2025 йилларга мўлжалланган янги стратегиясини эълон қилди. Туркия президенти Эрдўғоннинг Туркий давлатлар ташкилотини тузиш хатти-ҳаракатларига АҚШнинг ана шу янги стратегияси доирасидаги иш деб қараш лозим. Зеро, Эрдўғон Сурия, Африка, Кавказ ва бошқа минтақаларда Америка манфаатларига қандай хизмат қилган бўлса, Америка нуфузининг Марказий Осиё минтақасига Туркий давлатлар ташкилоти орқали кириб келишида ҳам шундай хизмат қилмоқда. АҚШ ўзининг геосиёсий манфаатлари доирасида энг аввало Ўзбекистонни ушлаб туришга интилмоқда. Масалан биргина 2018 йилнинг ўзида АҚШ Ўзбекистон билан 4,8 млрд. доллар миқдорида 20 та йирик конрактларни имзолади.

Туркий давлатлар ташкилотидан АҚШ энг аввало бу минтақада кучайиб келаётган Исломий уйғонишни жиловлашда, айниқса Ҳизб ут-Таҳрир кўтариб чиқаётган Рошид Халифалик Давлати лойиҳасига қарши курашишда фойдаланмоқчи эканлигида ҳам ҳеч шубҳа йўқ. АҚШнинг ана шу янги стратегиясида “терроризм ва экстремизм” га (яъни Исломга) қарши курашишда бу минтақа давлатлари билан ҳамкорликни давом эттириш бежиз кўрсатилмаган! Бундан шу минтақада ҳам шу ўзининг “бир камар, бир йўл” лойиҳасини амалга ошираётган Хитой ҳам албатта манфаатдор. Америка Ислом фикрларидан чалғитиш учун шу ташкилот орқали пантуркизм ғояларини ҳам олиб кирмоқчи. Энг хатарлиси Америка бу ташкилотга аъзо давлатларга ўзининг қадриятларини олиб киришга уринишидир. АҚШнинг ана шу стратегиясида “Марказий Осиё мамлакатлари билан яқин ҳамкорлик америка қадриятларини олға силжитишга ёрдам бериши” очиқдан-очиқ таъкидланган!

Европа иттифоқи ҳам бу ташкилотда кузатувчи мақомига эга Венгрия орқали ташкилот ишларини кузатиб боради.

Бу ташкилотга аъзо Марказий Осиё давлатларини МДҲ, ЕвроОсиё иқтисодий ҳамкорлиги ва КХШТ орқали ҳамон ўз чангалида ушлаб келаётган Россияни АҚШнинг бу хатти-ҳаракатлари албатта ташвишга солмоқда. 9 ноябрда Россия ташқи ишлар вазирлиги расмий вакили Мария Захарова АҚШ вакилларининг Марказий Осиё давлатларига тез-тез келаётганини Россия диққат билан кузатиб бораётгани ҳақида гапирар экан: “биз АҚШнинг Марказий Осиёда ўрнашиб олишга уринишларини қайд этмоқдамиз” деди.

Россиянинг Украинадаги урушида заифлашиши ҳам Америка малайи Эрдўғоннинг Марказий Осиё давлатларини Америка қармоғига илинтиришида қўл келмоқда. Қатор экспертларнинг фикрича, Россиянинг Украинадаги уруши Туркиянинг Марказий Осиёда ўз позицияларини кучайтиришига яхши имконият яратди.

Туркий давлатлар ташкилоти ҳеч қачон мусулмонлар ҳақида қайғурмайди ва уларни ҳимоя қилмайди. Масалан, бу ташкилотнинг бош котиби Бағдод Амриев  KunUZ мухбирининг уйғурлар масаласида бу ташкилотнинг позицияси ҳақидаги саволига: “бу Хитойнинг ички иши, биз бошқа давлатларнинг ички ишларига аралашмаймиз” деб жавоб берди!!

Хулоса қилиб айтганда, Туркий давлатлар ташкилоти Америка қўлидаги бир қурол бўлиб, Америка ўзининг малайи Эрдўғон орқали бу давлатларга ўз нуфузини ўтказишга ҳаракат қилмоқда.

Биз мусулмонларнинг бугунги аччиқ воқелигимиз Росулуллоҳ ﷺ нинг: “Имом бамисоли ортида туриб жанг қилинадиган ва ҳимояланадиган бир қалқондир” деган сўзларининг нақадар ҳақлигини тасдиқлаб турибди.  Биз бу қалқонга бугун ҳар қачонгидан ҳам кўпроқ муҳтожмиз. Аллоҳ изни ила яқинда тикланажак Рошид Халифалик Давлати мустамлакачи кофирлар ва уларнинг малайлари кирдикорларига албатта чек қўяди. Эртанги кун эса уни кутаётган учун яқиндир.

  ﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ﴾

“Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хохлаган кишини ғолиб қилур. У қудрат ва раҳм-шафқат эгасидир.”  (Рум: 4-5).

Ҳизб ут-Таҳрир марказий медиа офиси радиоси учун Ислом Абу Халил – Ўзбекистон