بِسْمِ اللَّـهِ الرَّحْمَـٰنِ الرَّحِيمِ

Туркия қуролли кучлари Идлибга кирди

Хабар:

2017 йил 8 октябрда Туркия қуролли кучлари Суриянинг Идлиб шаҳрида амалиёт бошлади. Ярашув сулҳини назорат қилиш учун кузатув постларини ташкил қилиш, шунингдек кейинчалик турк қўшинларини олиб кириш учун разведка ишлари олиб борилмоқда. Хабар қилинишича, турк қўшинлари Атма аҳоли пункти чегарасини кесиб ўтган ва Дорул Иззо томон йўл олган.

Турк делегациясининг уч автомашинаси “Таҳрир уш-Шом ҳайъати” қўзғолончилари кузатуви остида курдлар назоратидаги Африн билан бўлган чегара бўйлаб Ҳалаб ғарбидаги Дорул Иззо томон кетаётгани акс этган видеотасвир мавжуд. Кузатувчилар бу қадамни Ҳалаб вилоятининг ғарбида қўшинларни жойлаштиришда қулай жойларни аниқлаш бўйича разведка ишлари, дея тавсифладилар.

Изоҳ: Аввалроқ, 2006 йилда Ливанда “Ҳизбуллоҳ” ўзининг “Исроил” устидан қозонган “илоҳий ғалабаси” билан дунё раҳбарларининг бош оғриғига сабаб бўлганди. Шунингдек, 2008-2009 йилларда “ХАМАС” ҳам “Исроил” репрессиясига қарши “муқаддас ғалаба” шиорини кўтариб чиққан эди. Шу билан бирга, 2006 йилда “Ҳизбуллоҳ” яхуд вужуди чегараларини сақлаб турувчи БМТ Хавфсизлик кенгашининг №1701 қарорини қўллаб-қувватлаганди. “Ҳизбуллоҳ” партиясининг оқибати шуки, у Шом тоғутини ўз халқига қарши урушида унга ёрдам бермоқда. Шунингдек, “ХАМАС” ҳам Ғазо кўчалари ва майдонларида Сисий (Робия ал-Адавия масжиди ёнидаги қирғин “қаҳрамони”) портретини кўтариб чиқди ва бугун у Миср Умумий разведка хизмати директорини тантанали кутиб олмоқда. Ваҳоланки, аввалроқ Исмоил Хония “ХАМАС” 1967 йилдаги чегаралари асосида, пойтахти Қуддус бўлган Фаластин давлатини ташкил қилиш устида иш олиб бораётганини айтган эди.

“Таҳрир уш-Шом ҳайъати” гуруҳига келсак, алалоқибат у Путин ва Эрдоған шартномаси дастурларини бажараётган Туркия билан келишувга келди. Ажабланарлиси шуки, бу келишув гуруҳнинг Идлиб атрофларида Асад режими кучларига қарши жанглари вақтига тўғри келганидир. “ХТШ” нинг Абу Дали қишлоғини озод қилишидан қандай наф бор эди, ваҳоланки бу иш Турк қўшинлари кириб келган вақтга тўғри келди, уларнинг вазифаси эса Остонада келишилган битимни амалга оширишдан иборатдир, ахир аввалроқ Путин Сурияда Исломий Давлат пайдо бўлишига йўл қўймаслик учун барча чора-тадбирларни қўллаётганини айтганди-ку?!

Юқоридагилардан, бу ҳарбий амалиётлар Ислом душманлари фойдасига бўлаётган бемаънилик эканини кўриб турибмиз. Биз Эроннинг “Ҳизбуллоҳ” партияси Исломий шиорлар билан бошланиб, Ғарб белгилаб берган стандартларни сақлаган ҳолда Сурияда Ғарб мустамлакачилигига қарши бош кўтарганларнинг қонини тўкиш билан якунлаганини кўрмоқдамиз. “ХАМАС” эса, Ослодаги келишувга кўра пайдо бўлган ҳукуматга бўйин эгиш учун аввал берилган қурбонликларни унутди.

“Таҳрир уш-Шом” турк ҳарбийларини Идлибга киришига рози бўлиш билан сиёсий найранг қилмоқда ва ўз қилмишини Абу Дали қишлоғини озод қилиш орқали беҳаёларча пардалашни истамоқда. Гўёки биз Ҳалабни айнан Туркиянинг буйруғига кўра бой берилганини унутиб қўйгандек. “Анадолу” турк ахборот агентлиги 2017 йил 8 октябрда хабар қилади: “Ташқи ишлар вазири Мавлуд Човушўғлининг айтишича, Суриянинг Идлиб вилоятидаги деэскалация зонасига турк қуролли кучлари бўлинмаларини киритилишидан мақсад, тўқнашувларни батамом тўхтатиш ва Суриядаги сиёсий жараёнларни енгиллатишдир”. Човушўғли баёнот берди, лекин Остонада тайёрланган сиёсий ечимни амалга оширишга олиб борувчи йўлни кўрсатмади, бундан эса Женевада Америка таклиф қиладиган ечимга замин ҳозирланаётганини англаш мумкин. Шундан сўнг “Таҳрир уш-Шом ҳайъати” Абу Далини озод қилганини баралла эълон қилди.

Ҳарб илмидаги вазифа шуки, жангда эмас, балки урушда ғолиб чиқишдир. Шунинг учун Абу Далини озод этилиши фойдасиздир, чунки бу Идлибни турк кучлари назорат қилишига олиб боради, Туркия эса Остона, Женева ва Москвада эришилган келишувларни амалга ошириб бермоқда. Шунингдек, “ХАМАС” нинг яҳудларга қарши мустаҳкам туриши ҳам фойдасиздир, чунки бунинг натижаси касаллик манбаи бўлмиш БМТ қарорини қабул қилгани бўлди. Мустамлакачи Ғарб мусулмонлар устига ўз ҳокимларини ўрнатиб қўйди ва айнан у Фаластинни яҳудлар томонидан таҳқирланишига йўл қўймоқда.

Шундай қилиб, Ғарб мустамлакачилиги ва унинг малайларидан озод бўлишнинг ягона йўли –  Ғарб ва унинг малайларига қарши курашда Умматни Шариат қонунлари остида бирлаштирадиган оламшумул лойиҳани амалга оширишдир. Мана шу урушнинг асл  моҳиятидир, бундан бошқаси бефойда ёки ҳатто ҳалокатлидир. 

Ҳизб ут-Таҳрирнинг Марказий медиа офиси учун махсус

Усмон Баҳҳош

Ҳизб ут-Таҳрирнинг Марказий матбуот бўлими раиси

11.10.2017й