بسم الله الرحمن الرحيم

Уйғониш тўғрисида туркумидан: Ислом низоми мавзусига кириш

Инсонларга айнан уйғониш нима эканлигини танитишдан кўзлаган мақсадимиз, улар уйғонишни таниш натижасида уйғониш сари ҳаракат қилсинлар, ин ша Аллоҳ!

Ислом бўйича энг аввало эътибор берилиши керак бўлган муҳим жиҳатини ёритиш учун қуйидаги саволларни тақдим қилиш ўринлидир. Ислом қандай дин? Бу дин шариатига баъзи инсонлар таърифлаётганидек шахсий тарзда амал қилинади холосми? Ислом динидаги муаммоларга ечим бера олиш жиҳати сиёсат, яъни бошқарув ёки бошқа соҳаларга мувофиқ эмасми? Ислом динини ечим бера олиши барча соҳаларни қамраб олмай, балки маълум бир йўналишларга чекланганми? Ислом дини шариатига замон ва макон ўз таъсирини ўтказадими ёки бу шариат бугунги кунга татбиқ этилиш учун мос бўлмаган ҳукмларни ўз ичига олганми? Яъни бу дин шариати бугунги кунда татбиқ қилинишга нолойиқ ҳисобланадими? Бу саволлар моҳиятан бугунги кунда долзарб бўлган аҳамиятли масалаларни ўзида мужассам этади.

Исломнинг моҳиятини тушунмаслик, у тўғрисида куфр фикрлари орқали зарба берилган тасаввур шакллантирилиши мусулмонларни Исломдан узоқлаштириб юборди. Бутун борлиқни яратган Яратувчи Аллоҳ Таъоло ўз бандаларига туширган бу дин то Қиёматга қадар бўладиган барча муаммоларга ечим бера оладиган тарзда берилганлигини ҳеч бир мусулмон инкор этмайди. Лекин афсуски, бу жиҳатни тушуниш, моҳиятини англаш бугунги кунда барча мусулмонларда бир хил эмас. Шунинг учун юқоридаги саволлар мавзуси ўз долзарблигини бугунги кунда янада намоён этди. Бу мавзуларда мусулмонларнинг баҳслари моҳиятига эътибор берилса, бир томон фикрларидан Ислом билан яшаш керак, деган маъно тушунилса, иккинчи томоннинг айлантириб, яъни мавзудан чалғитиб билдирилган фикрларидан Ислом билан яшамаслик керак, деган маънога тақалмоқда. Булардан тушуниш мумкинки, мусулмонлар ўртасидаги зиддият ер ва осмон ёки оқ ва қора ўртасидаги фарқ масофасида кенгайиб кетди. Чунки уларнинг ўртасига куфр фикрлари раҳна солди. Шунинг учун, аввало, Исломнинг асли нима эканлигини англаш ва унга зид бўлган куфр фикрлари қаердан, қайси томондан кириб келган ва келаётганини билиш мусулмонга зарурий иш эканлигини тушунтириш эҳтиёжи янада кучайди.

Ислом татбиқини кўрмаган бугунги авлодни Исломий ҳаётга даъват қилиш мушкулоти куфр қуролининг ўқига айланган уламолар хизмати билан янада оғирлашиб борди. Исломни ҳаётдан ажратиш жуда пухта ўйланган режалар асосида амалга ошириб борилди ва бугунги кунда ҳам Исломни ҳаётга қайтишига қарши кофирларнинг амалиётлари давом этмоқда. Мусулмонларнинг онгида дин сиёсатга аралашмасин, деган фикрнинг шаклланиши юқоридаги фикрларимизга ёрқин далилдир. Ислом татбиқи инсонлар онгида шунчалар булғандики, ҳатто исломий уламо деб эътибор қилинадиган шахслар ботиллиги аниқ бўлган демократияни ҳимоя қиладиган бўлди. Ҳатто ана шу уламоларнинг баъзи вакиллари мусулмонларни давлат иқтисодиётини бошқара олмасликда айблади. Ваҳолангки, Ҳизб ут-Таҳрирнинг “Исломда иқтисод низоми” номли 2 қисмдан иборат китоблари ва алоҳида Халифалик давлатининг мол-мулк кирим-чиқими ва уни тасарруф қилиш йўлларини тушунтириб берадиган “Халифалик давлатида моллар” китоби борлигини ўзлари билган ёки билмаган ҳолда Исломга тош отаётган уламолар билишармикан?! Афсуски, уларни бу нарсалар қизиқтирмайди, куфр жойлаб қўйган “маҳсулотни” кўтариб юришдан бошқа ишга ярамайдилар.

Исломнинг тузум эканлигини, сиёсат, иқтисод, таълим, ижтимо, ҳарбий, саноат ва бошқа соҳаларда мустаҳкам шакллантирувчи дастур бўла олиши, жумладан мукаммал ва гўзал ечимлари билан ҳар қандай муаммоларни ҳақиқий маънода ислоҳ қила олишини идрок қилиш учун Исломга холислик билан ёндошиш талаб этилади, холос.

Келаси мавзуимизда Ислом низоми мавзусининг асосий қисмини ёритишни бошлаймиз.

Ҳизб ут-Таҳрирнинг Ўзбекистондаги медиа офиси. Абдуллоҳ

13.04.2018й.