بِسْمِ اللهِ الرَّحْمنِ الرَّحِيمِ

Қўлига жинсий алоқа қилганнинг ҳукми тўрғисидаги ҳадиснинг саҳиҳлигига оид саволга жавоб

Ижтимоий тармоқлардан бирида Билол исмли мухлисимиздан келган саволга жавоб.

Савол:

Менга шу савол берилганида анча изландим сўрадим, лекин жавоб чиқмади.

Мен сизга икки ҳадисни келтираман, шу ҳадисдан ҳаром деган далил келиб чиқадими?

جاء النبي صلى الله عليه و سلم أنه قال : [ سبعة يلعنهم الله تعالى و لا ينظر إليهم يوم القيامة و يقول ادخلوا النار مع الداخلين : الفاعل و المفعول به ـ يعني اللواط و ناكح البهيمة و ناكح الأم و ابنتها و ناكح يده إلا أن يتوبوا ]

ва

و روي أن قوما يحشرون يوم القيامة و أيديهم حبالى من الزنا

Бу икки ҳадисни Мисрдаги шайҳ Мустофо ал Адавий заъиф деди, тўғрироғи унинг шогирти.

Жавоб:

Биринчи ҳадис:

جاء النبي صلى الله عليه و سلم أنه قال : سبعة يلعنهم الله تعالى و لا ينظر إليهم يوم القيامة و يقول ادخلوا النار مع الداخلين : الفاعل و المفعول به ـ يعني اللواط و ناكح البهيمة و ناكح الأم و ابنتها و ناكح يده إلا أن يتوبوا

 Пайғамбар соллаллоҳу алайҳи ва саллам келдилар ва дедилар: “Етти тоифа одамларни Аллоҳ Таъоло лаънатлайди, қиёмат куни уларга боқмайди ва уларга “жаҳаннамга киринглар” дейди. Улар: Ливотагарлик қилган ва қилдирган(хозирги замон тушунчаси гейлик), ҳайвонларга яқинлик қилган, онасига яқинлик қилган, қизига яқинлик қилган ва ўзининг қўлига яқинлик қилганлар. Илло агар улар тавба қилса, Аллоҳнинг ўзига ҳавола”. Ибн Ирфа ўта заиф санад билан ривоят қилган. Бирон муҳаддис заифдан оз бўлсада юқорироқ санад билан ривоят қилмаган.

Иккинчи ҳадис:

عن أنس بن مالك قال : يجيء الناكح يده يوم القيامة ويده حبلى

 Анас розияллоҳу анҳу дедилар: “Қўлига алоқа қилган одам қиёмат куни қўли хомиладор бўлиб қолган ҳолатда олиб келинади”. Байҳақий ривояти. Заиф.

Лекин ушбулардан келиб чиқиб, қўлига жинсий алоқа қилиш (фан истилоҳида – онанизм) мубоҳ бўлади дейилмайди, чунки бу амалнинг ҳаром эканига бошқа далиллар келган.

وَالَّذِينَ هُمْ لِفُرُوجِهِمْ حَافِظُونَ * إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ

 “(Нажот топган мўъминлар) Улар авратларини (ҳаромдан-зинодан) сақлагувчи кишилардир. Магар ўз жуфту-ҳалолларидан ва қўлларидаги чўриларидан сақланмайдилар. Бас улар маломат қилинмаслар. Энди ким шундан ўзгани (зино ва шу каби шариати Исломийяда ҳаром қилинган нарсаларни) истаса, бас ана ўшалар ҳаддан ошгувчилардир”.                                                                (Мўъминун. 5-7)

Яъни мусулмон одам жинсий ғаризаси эҳтиёжларини қондириши учун ҳалол ҳолат фақатгина ўзининг хотини ёки қўл остидаги қули билан бўлиши мумкин холос. Бундан бошқа ҳар қандай ҳолатларда жинсий ғариза талабини қондириши мумкин бўлмайди.

Бундан ташқари, Ибн Умар розияллоҳу анҳудан саҳиҳ, Ибн Аббос розияллоҳу анҳудан ҳасан санад билан бу ишни ҳаромлигини билдирувчи ривоятлар келган.

Демак хулоса қиладиган бўлсак, ўзининг қўли билан жинсий шаҳватини қондириш, яъни фан тилида онанизм билан шуғулланиш Ислом шариатида ҳаром, тақиқланган амал ҳисобланади, мусулмон одам бундай ишдан ўзини сақлаши лозим. Валлоҳу аълам.

Ҳизб ут-Таҳрирнинг Ўзбекистондаги медиа офиси Муслим

28.01.2016й.