بِسْمِ اللهِ الرَّحْمٰنِ الرَّحِيمِ

Улуғ олим шайх Ато ибн Халил Абу Роштанинг ҳижрий 1445, милодий 2024 йилнинг рамазон ҳайити кириб келиши муносабати билан ўзининг фейсбук саҳифаси зиёратчиларига йўллаган нутқи

Аллоҳга ҳамду сано бўлсин, Росулуллоҳ ﷺга, оилаларига, саҳобаларига ва ул зот билан дўст бўлганларга салоту саломлар ёғилсин, аммо баъд:

Аллоҳ мукаррам қилган ва у ҳақда

}كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنْ الْمُنكَرِ وَتُؤْمِنُونَ بِاللَّهِ{

«Сизлар одамлар учун чиқарилган умматларнинг энг яхшиси бўлдингиз: маъруфга буюрасиз, мункардан қайтарасиз ва Аллоҳга имон келтирасиз»     [Оли Имрон 110]

деб айтган Исломий Умматни;

Пок тақволи – Аллоҳга ҳеч кимни гуноҳдан пок, деб даъво қилмаймиз – даъват етказувчи, солиҳ амалларни қилувчи ҳамда Аллоҳ Таоло

}وَمَنْ أَحْسَنُ قَوْلاً مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنْ الْمُسْلِمِينَ{

«(Одамларни) Аллоҳга даъват қилган ва солиҳ амал қилиб, албатта мен мусулмонлардандирман, деган кишидан ҳам чиройлироқ сўзлагувчи ким бор?»      [Фуссилат 33]

дея таъкидлаганидек, Аллоҳнинг динига чақирувчи кишиларни;

Ҳақ ва ростгўйлик ила саҳифамизни зиёрат қилаётган, ундаги яхшиликка интилаётган биродарларни;

Барча-барчаларингизни ушбу рамазон ҳайити билан муборакбод этаман. Аллоҳ Таоло тоат-ибодатларингизни қабул қилсин… Аллоҳ солиҳларни дўст тутгай…

Қадрли биродарлар:

Бу йилги ҳайит байрами яҳудий давлати Ғазо ва бутун Фаластинда одамларга нисбатан жиноятларни содир этиб, унинг жиноятидан дов-дарахтлар ҳам омон қолмаётган бир пайтда кириб келди. У бу жиноятларни Американинг кўмагида амалга оширмоқда. Америка уни ракета ва учоқлар билан таъминламоқда. Унинг бу жиноятларни Американинг кўмагида амалга ошириши ажабланарли эмас. Чунки улар Ислом ва мусулмонларнинг душманларидир. Бироқ, ажабланарлиси шуки, мусулмон юртларидаги, хусусан, Фаластинга қўшни бўлган юртлардаги ҳукмдорларнинг ҳеч бири Ғазо ва унинг аҳлига, Ақсо ва унинг атрофидаги ҳудудларга ёрдам кўрсатиш, шунингдек, яҳудий вужудини илдизи билан йўқ қилиб, Фаластинни тўлалигича ўз аҳлига қайтариш учун армиясини ҳаракатга келтирмади. Мусулмон заминни босиб олиб, у ердан унинг аҳлини қувиб чиқарган босқинчилар унга қарши мусулмон армиялар жанг қилиб, худди у мусулмонларни қувиб чиқарганидек, ўзи ҳам қувиб чиқарилишга лойиқ эмасми?!

﴿وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ﴾

«Уларни топган жойингизда ўлдирингиз ва сизларни (қувиб) чиқарган жойдан уларни ҳам қувиб чиқарингиз!»                                                    [Бақара 191]

Ҳукмдорлар буни қандай тушунмайдилар?! Аммо бу ҳукмдорларга номуссизлик ғолиб келган. Улар мустамлакачи кофирлар, хусусан, Американинг сўзини икки қилмайдиган кимсалар бўлиб, ўз тахтларини сақлаб қолиш учун унинг талабини рад этишмайди.

﴿قَاتَلَهُمُ اللهُ أَنَّى يُؤْفَكُون﴾

«Уларни Аллоҳ лаънатлагай! Қандай адашмоқдалар-а!»                 [Тавба 30]

Эй биродарлар:

Бу уруш иккита муҳим нарсани очиб берди:

Биринчиси, яҳудийларнинг заифлиги ва Аллоҳ Ўз китобида зикр қилганидек уларга хор-зорлик битиб қўйилгани.

﴿ضُرِبَتْ عَلَيْهِمُ الذِّلَّةُ أَيْنَ مَا ثُقِفُوا إِلَّا بِحَبْلٍ مِنَ اللهِ وَحَبْلٍ مِنَ النَّاسِ﴾

«Агар Аллоҳнинг ва одамларнинг (яъни мусулмонларнинг) аҳди паноҳида бўлмасалар, албатта уларга қаерда бўлмасинлар, хор-зорлик битиб қўйилди»      [Оли Имрон 111-112]

Улар пайғамбарларидан кейин Аллоҳнинг арқонини узишди ва улар учун Америка ва унга тарафдор бўлган одамларнинг арқонидан бошқа арқон қолмади. Бундай қавм жангда ғалаба қозона олмайди… Мана, уларнинг Ғазо аҳлига қарши тажовузидан олти ойдан кўпроқ вақт ўтган бўлса-да. Улар ўз мақсадларига эриша олишмади. Ҳолбуки, улар сони оз, ҳарбий техникалари кучсиз бўлган гуруҳга қарши жанг қилишмоқда…

Иккинчиси, мусулмон юртлардаги ҳукмдорлар хиёнати. Чунки улар – гўё иш уларга тегишли эмасдек – Ғазо ва унинг аҳлига ёрдам кўрсатиш учун армияларни сафарбар қилишмади. Ёки улар бетараф бўлиб, қолаверса, душманга яқин бўлиб, нима бўлаётганини кузатиб туришди. Уларнинг орасида энг яхши йўл тутганлари шаҳидлар ва ярадорларни санаганлар бўлди.

﴿صُمٌّ بُكْمٌ عُمْيٌ فَهُمْ لَا يَرْجِعُونَ﴾

«(Улар) кар, соқов, кўрдурлар, демак (йўлларидан) қайтмайдилар»  [Бақара 18]

Бу икки иш мусулмон армиялардаги садоқатли куч эгаларини Фаластинни босиб олган яҳудийларга қарши жанг қилиш борасида Аллоҳнинг фарзини адо этиш учун умумий сафарбарлик эълон қилишга ундаши керак.

﴿وَلَا تَهِنُوا فِي ابْتِغَاءِ الْقَوْمِ إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللهِ مَا لَا يَرْجُونَ﴾

«Бу кофир қавмни қувишда сусткашлик қилмангиз! Агар қийналаётган бўлсангизлар, улар ҳам сизлар қийналганингиздек қийналмоқдалар. (Шу билан бирга) сизлар Аллоҳ томонидан улар умид қилмаган нарсани (яъни савобни, шаҳидлик неъматига муяссар бўлишни, қолаверса, ғалаба қозонишни) умид қилмоқдасизлар-ку?!»                                                                   [Нисо 104]

Шундай қилиб, сизлар уларни йўқ қиласизлар. Чунки жангда уларни мағлубиятга учратиш Аллоҳ учун енгилдир… Кейин, Аллоҳнинг ваъдаси рўёбга чиқади.

﴿فَإِذَا جَاءَ ‌وَعْدُ ‌الْآخِرَةِ لِيَسُوءُوا وُجُوهَكُمْ وَلِيَدْخُلُوا الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُوا مَا عَلَوْا تَتْبِيراً﴾

«Бас, қачон кейинги (бузғунчиликнинг) вақти-соати келганида, (улар яна) юзларингизни қаро қилишлари, аввалги сафар кирганлари каби Масжидул (Ақсо)га киришлари учун ҳамда ўзлари эгаллаб олган (барча) ерларни вайрон этишлари учун (яна душманларингизни сизларнинг устингизга юборурмиз)»                                                                                                        [Исро 7]

Эй мусулмон армиялар: Ғазодаги биродарларингизга ёрдам беришга шошилинг. Агар мусулмон юртларидаги мавжуд зўравон режимлар йўлингизга тўсқинлик қилса, уларга жиддий қаршилик кўрсатинг… Росулуллоҳ ﷺнинг Халифалик бўлиши ҳақида қилган башоратларини рўёбга чиқариш учун уларнинг ўрнига Аллоҳнинг ҳукмини, пайғамбарлик минҳожи асосидаги Халифаликни барпо қилинглар. Росулуллоҳ ﷺ айтадилар:

«ثُمَّ تَكُونُ مُلْكًا جَبْرِيَّةً، فَتَكُونُ مَا شَاءَ اللهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا. ثُمَّ تَكُونُ خِلاَفَةً عَلَى مِنْهَاجِ النُّبُوَّةِ. ثُمَّ سَكَتَ».

«Сўнг золим–зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосидаги Халифалик бўлади. Кейин Пайғамбар A сукутга чўмдилар». (Имом Аҳмад муснади). Ўша пайтда халифа ва унинг муовинлари, шунингдек, энг юқори мартабали аскардан тортиб, энг қуйи мартабали аскаргача бўлган Ислом аскарлари кетма-кет ғалабага эришадилар. Улар такбир айтадилар ва улар билан бирга Уммат ҳам такбир айтади. Улар Парвардигорлари билан кучли ва динлари билан азиздирлар. Шунинг учун бирон бир душман Ислом заминида ўз вужудини ўрнатишга журъат эта олмайди.

﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾

«Ўша кунда мўминлар Аллоҳ нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир» [Рум 4-5]

Эй биродарлар, сўзимга хулоса қилиб, сизларни Рамазон ҳайити билан табриклайман. Ушбу муборак ой рўзаси ва қиёмларини (тунги намозларини) Аллоҳ ва Унинг Росули ﷺ рози бўладиган тарзда адо этган бўлишимизни Аллоҳ Таолодан сўраб қоламан. Аллоҳдан сўрайманки, бу ҳайит яхшилик ва баракот очқичи, Ислом ва мусулмонлар учун азизлик бўлсин.

﴿وَاللهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُون﴾

«Аллоҳ Ўз ишида ғолибдир. Лекин одамларнинг кўплари (буни) билмайдилар»                                                                                  [Юсуф 21]

Сизларга Аллоҳнинг саломи, раҳмати ва баркоти бўлсин.

Биродарингиз Ато ибн Халил Абу Рошта

1 шаввол 1445ҳ

10 апрел 2024м