Умматнинг уйғониши малай ҳокимларнинг “қибла”сини ошкор этди

بسم الله الرحمن الرحيم

Араб-мусулмон делегацияси Лондон ва Парижни «Исроилга» таъсир ўтказишга чақирди, дейилган хабарни Qalampir.uz ва бошқа бир қатор оммавий ахборотлардан ўқиган ҳар бир иймон аҳлининг ҳайратдан энсалари қотиши турган гап. Хабарда  айтилишича, Британия Ташқи ишлар вазири Дэвид Кэмерон Лондонга келган бир қатор Араб ва Ислом давлатлари Ташқи ишлар вазирлари билан Ғазо секторидаги вазиятни муҳокама қилган. Бу ҳақда Британия Ташқи ишлар вазирлиги хабар берган. Музокараларда Саудия Арабистони, Иордания, Миср, Фаластин, Туркия, Индонезия ва Нигерия Ташқи ишлар вазирлари, шунингдек, Араб Лигаси Бош котиби ва Қатарнинг Лондондаги элчиси иштирок этганлиги айтилади.

Ислом ўлкаларининг хоин раҳбарлари бош уриб борган давлатларнинг яқин тарихига енгил назар ташлаган мўмин киши,  Англия ва Франциянинг Халифалик Давлати парчаланишига қўшган улкан “ҳисса”ларини кўз олдига келтириш баробарида бу хоинларга  нисбатан қалблари нафратга тўлмаслигининг иложи йўқ. Шунингдек, уларнинг – бир гала эчкилардек – “оталари”нинг қотили бўлган Ғарбга юзланишлари Ғазодаги жабрдийдалар қайғуси туфайли амалга ошмоқда, дейишга бир дона ҳам асос тополмайдилар. Бугунги уйғонган Уммат, ит қопганда шикоятни итбоқарга қилинмаслигини биладиган даражада сергакдир. Шу сабабларни жамлаб мулоҳаза қилсак, уларнинг кофир юртлар эшикларини қоқишларининг ягона сабаби – тахтларидаги умрларининг кети кўриниб қолганидир холос. Олам аҳли оқу қорасининг асл юзини очиб ташлаган Ғазодаги “Ақсо Тўфони” бу хоинлар ўта кетган қўрқоқ ва беномус кишилар эканини тўлин ой юзидаги қора доғлар каби кўрсатиб улгурди. Йўқ, улар бирор дақиқа умматга қайғурадиган кишилар эмас. Бунга исбот қидирмоққа асло ҳожат қолмади. Чунки бу хоинларнинг Америка бошчилигида Ислом юртлари – Ироқ, Сурия ва Афғонистонга қарши тузилган коалициянинг фаол иштирокчиларидан бўлган Ғарбдан “ёрдам” излаши бунга очиқ далилдир. Бир қарашда хоин раҳбарлар орасида умматни “алла”лашда устаси фаранг бўлган Эрдўғон ўз халқи орасида “қаҳрамон”дек кўринган бўлса-да, бу унчалик узоққа чўзилмади. Оммавий ахборотларда унинг хиёнати – шер терисига ўранган шайтон эканини ошкор қилиб қўйди. У ўз халқига қилаётган хитобларида сионистларга бўлган “нафрати”ни кўрсатгандек бўлса-да, яҳудий сионистларига Туркиядан 2023 йилнинг январидан  октябригача кимёвий хом-ашё товарларидан жўнатмаси 25 млрд. долларни ташкил этгани, унинг аслида хоин кимсалигини очиб юборди. Буни бошқачароқ айтсак, Эрдўғон сионистларнинг Ғазога қилаётган босқинини қўлловчилардан экани маълум бўлди. Саудия ҳукумати масжидларда Фаластин мавзуси ҳақида ҳар қандай гап очилишига тақиқ қўйгани ва Каъбанинг имоми Судайс “Ақсо Тўфони”ни фитна дегани эса, қиролнинг ким эканини очиб ташлаши баробарида Эрдўғон билан бир қайиқда эканини ошкор этди. Уларнинг ҳар бири хиёнатда бир-биридан ортиқ бўлса борки, асло кам эмас. Бу хоин тўда Буюк Умматнинг қўзғолган тўлқинидан юракларини ҳовучлаб, бош уриб борган жойи – Лондон ва Париж уларнинг “саждагоҳи” ҳамда муқаддас деб билган “қибла”си эканлигини бутун оламга намоён қилди холос. “Туяни шамол учирса эчкини осмонда кўр” деганларидек, бош уриб борган жойларидаги “туя”лар кетма-кет бўлаётган намойиш ва хитоблар шамолидан безовталаниб турганида, бу “эчкилар” ўзларига Ердан тинч макон топилмас кўриниб, осмонга кўз тикмоқдалар. 

Ҳа, уларнинг хиёнатлари яшириб бўлмас аҳволга келди. Уларга таскин беришга қодир бўлмаган шайтанат қироллари Қиёматда: “Мен сизларга бугун ёрдам беролмайман, сизлардан безорман”, – дегувчи иблис сўзларини айтар кунлари яқинлашиб қолди. Аслида, бу ўткинчи дунё чекланганлиги билан ўткинчидир. Барча нарса учун Аллоҳ субҳанаҳу белгилаб қўйган чегара бордир. Жумладан, Аллоҳ  таоло золимларга берган изн ва муддат ҳам чеклидир. Мазлумлар паймонасининг ҳам чегараси бор, албатта. Олам томи Ғазо ноласидан “ёрилди”. Фиғони фалакни тутган оналар ноласи, баданлари қонга беланиб инграётган минглаган гўдаклар арзини Оламлар Роббиси эшитмоқда. Уммат гувоҳлигида куч эгалари ва армияларни Ғазо ҳимояси, Ақсо озодлигига чорлаган мазлум шайхларимизнинг зиндонлардан қилган дуоларини ижобат этгувчи Қодир Аллоҳ, дунё золимлари устидан Ўз илоҳий ҳукмини чиқариши яқинлашмоқда гўё. Инша Аллоҳ, Бадр фаришталари само узра ҲАҚ эгалари нусратига Роббимиз амри ила тушмоққа яна бир бор шайланиб турибди. Инсонлар учун ўз танловларига ўзларини гувоҳ қилган асрнинг энг буюк воқеси – Ғазо “Ақсо Тўфони” оқ билан қорани, хоин билан содиқни, ростгўй билан ёлғончини бир-биридан аниқ ажратиб бўлди. Вой бўлсин, сен хоинларга! Сен расволар, бош уриб борган жойларингдаги ҳожаларинг билан нафақат бугун, балки эртага ҳам аламли онларда ҳамроҳ бўлинглар! Амин. Аллоҳ таоло дейди:

وَكَذَٰلِكَ نُوَلِّي بَعْضَ الظَّالِمِينَ بَعْضًا بِمَا كَانُوا يَكْسِبُونَ

– “Шунингдек, қилиб юрган гуноҳлари сабабли золим кимсаларни  бир-бирларига (жаҳаннамда) яқин-дўст қилиб қўюрмиз”. (Анъом:129)

(Қатодадан…Ибн Касир тафсири)

Ҳизб ут-Таҳрир Ўзбекистон матбуот бўлими аъзоси Зайниддин

27.11.2023й.