Қуръон боғларига саёҳат
Қуръон боғларига саёҳат
بسم الله الرحمن الرحيم
ان النَّبِيِّ صَلَّى اللَّهم عَلَيْهِ وَسَلَّمَ قَالَ خَيْرُكُمْ مَنْ تَعَلَّمَ الْقُرْآنَ وَعَلَّمَهُ
Пайғамбар соллаллоҳу алайҳи ва саллам дедилар: “Сизларнинг ичингизда яхшироғингиз, Қуръонни ўрганган ва уни ўргатганингиздир”. Бухорий ривояти.
Муқаддас китоби бўлган Қуръони Каримни бандалари учун дастур қилиб берган Аллоҳга мақтов ва ҳамдлар бўлсин. Ушбу Китоб мўъжизалиги билан Пайғамбарлиги исботланган Муҳаммад соллаллоҳу алайҳи ва салламга саловоту саломлар бўлсин.
Рукнимизнинг бу сонида Бақара сурасининг 139-140-141 оятлар тафсирини кўриб чиқишни бошлаймиз.
قُلْ أَتُحَآجُّونَنَا فِي اللّهِ وَهُوَ رَبُّنَا وَرَبُّكُمْ وَلَنَا أَعْمَالُنَا وَلَكُمْ أَعْمَالُكُمْ وَنَحْنُ لَهُ مُخْلِصُونَ * أَمْ تَقُولُونَ إِنَّ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالأسْبَاطَ كَانُواْ هُوداً أَوْ نَصَارَى قُلْ أَأَنتُمْ أَعْلَمُ أَمِ اللّهُ وَمَنْ أَظْلَمُ مِمَّن كَتَمَ شَهَادَةً عِندَهُ مِنَ اللّهِ وَمَا اللّهُ بِغَافِلٍ عَمَّا تَعْمَلُونَ * تِلْكَ أُمَّةٌ قَدْ خَلَتْ لَهَا مَا كَسَبَتْ وَلَكُم مَّا كَسَبْتُمْ وَلاَ تُسْأَلُونَ عَمَّا كَانُواْ يَعْمَلُونَ
139. “Айтинг (эй Муҳаммад), бизнинг ҳам, сизнинг ҳам Парвардигорингиз бўлган Аллоҳ хусусида биз билан жанжаллашасизми? Ҳолбуки, бизнинг қилган амалимиз ўзимиз учун, сизнинг қилган амалингиз ўзингиз учун-ку? Биз фақат Унгагина ихлос қўювчилармиз. 140. Ёки Иброҳим, Исмоил, Исҳоқ, Яъқуб ва ўша уруғ-авлод яҳудий ё насроний бўлган, дейсизми? Айтинг (эй Муҳаммад), Уларнинг динларини сизлар яхшироқ биласизми ёки Аллоҳми? Ўзи биладиган гувоҳликни Аллоҳдан яширган кимсадан ҳам золимроқ одам борми? Аллоҳ қилаётган ишларингдан ғофил эмас. 141. Улар ўтиб кетган кишилардир. Уларнинг қилган амаллари ўзлари учун, сизларнинг қилган амалингиз ўзингиз учундир ва сизлар улар қилган амаллар учун масъул бўлмайсиз”. (Бақара:139-141)
1-Аллоҳ Таоло ўтган оятларда яҳуд ва насороларнинг Иброҳим ва Яъқуб а.с.лар бизнинг динимизда бўлган, бизнинг динимиз ҳақ дин, унга эргашган одам ҳидоят топади, деган даъволари ноҳақ эканини баён қилган бўлса, бу оятда ҳақиқат Аллоҳга, ўтган пайғамбарларга, уларга нозил қилинган нарсаларга уларни бир-бирларидан ажратмасдан имон келтириш эканини, агар улар ҳидоят топмоқчи бўлсалар, мана шу ҳақиқатга эргашиб, Муҳаммад с.а.в.га бўйсунишлари кераклигини, акс ҳолда улар мусулмонларга нисбатан адоватли бўлишлари ва бу адоватларидан, ёмонлигидан Пайғамбар с.а.в.га Аллоҳнинг Ўзи етарли эканини уқтиряпти.
Мана шулардан кейин ҳам улар мусулмонлар билан ҳужжат талашиб, ўзларини ҳақ билиб, мунозара қилишда давом этавердилар. Шунда Аллоҳ Ўз пайғамбарига уларга мана бундай деб айтинг, деди: Қандай қилиб Аллоҳ фақат бизники, деб биз билан талашасизлар. Ўзларингизни ҳақ, деб, бошқаларни эса, ноҳақ деб биласизлар. Сизларнинг бу мунозаранглар ботил мунозарадир. Зеро, Аллоҳ ҳаммамизнинг Парвардигоримиздир. Унга яқинлашиш орзу-умидлар билан эмас, амаллар билан бўлади. Бу масала бизнинг ҳам, сизларнинг ҳам амалларингизни тарозуга қўйиш билан ҳал бўлади. Биз Аллоҳга ихлос қиламиз, Унга бўлган имонимизда содиқмиз.
(أَتُحَآجُّونَنَا биз билан жанжаллашасизми?). Инкор этувчи ва танқид қилувчи истифҳом. Яъни сизлар учун ҳамма нарса аён бўлганидан кейин ҳам тортишаверасизларми?
وَنَحْنُ لَهُ مُخْلِصُونَ
(Биз фақат Унгагина ихлос қўювчилармиз). Бу ерда яҳуд ва насороларнинг ихлоси йўқлигига таъриз (қочирим) бор. Улар Аллоҳнинг боласи бор, деб мушрик бўлдилар. Аллоҳ бундай нуқсонлардан Покдир. Ихлос дегани ҳар қандай ширкни, ҳар қандай манфаатни четга суриб қўйиб, амални ёлғиз Худо учун, Унинг ризосини истаб, чин кўнгилдан қилиш деганидир.
Пайғамбар с.а.в. айтадилар:
«إِنَّ اللهَ تَعَالَى يَقُولُ: مَنْ أَشْرَكَ مَعِىَ شَرِيكًا فَهُوَ لِشَرِيكِهِ. يَا أَيُّهَا النَّاسُ أَخْلِصُوا أَعْمَالَكُمْ للهِ تَعَالَى فَإِنَّ اللهَ تَعَالَى لاَ يَقْبَلُ إِلاَّ مَا خَلُصَ لَهُ»
«Аллоҳ Таоло айтади: Ким Менга бир шерик келтирса, у ўша келтирган шериги учундир. Эй одамлар, амалларингизни холис Аллоҳ Таоло учун қилинглар. Чунки Аллоҳ Таоло фақат холис Ўзи учун қилинган амалларнигина қабул қилади».
Ҳизб ут-Таҳрирнинг Ўзбекистондаги медиа офиси. Муслим
21.05.2019й
