بِسْمِ اللهِ الرَّحْمٰنِ الرَّحِيمِ

Ҳусийлар нефть маҳсулотлари нархини пастлатиш ўрнига истаганларича кўтариб ўйнашяпти, уларни бундан қайтарувчи ҳеч ким йўқ

Яманда ҳам Суриянинг Идлибида юз бераётган ҳодисаларга жуда ўхшаш ҳодисалар рўй бераётган экан, Ҳизб ут-Таҳрир – Яман вилояти матбуот бўлими ўз баёнотида қуйидагиларни таъкидлади:

«Нефт ташувчи кеманинг ушлаб турилиш муддати олдинги ҳолатларга солиштирганда 20 кундан ошмаган бўлсада, одамлар 10 феврал, пайшанба куни Ҳусийларга қарашли нефт ширкати томонидан 20 литрли идишдаги бензин нархи 8500 риёлдан 9900 риёлга кўтарилганига гувоҳ бўлдилар. Олдинги ҳолатларда кеманинг ушлаб турилиш муддати бир неча ойга чўзилиб, нефт нархига қўшиладиган жарималар тўланса ҳам нефт нархи бу даражада кўтарилмаган эди. Ваҳоланки, шундоқ ҳам улар анави тентак коалициячилар бомбардимонларидан тинмай тинчлик-ҳаловатлари бузилмоқда, ҳукмдорлар уларнинг асосий эҳтиёжларидан шафқатсизларча фойдаланиб, тинка-мадорларини қуритишмоқда, одамлар юрт ичкариси ва ташқарисидан душманларнинг шафқатсиз ғазабига маҳкум бўлмоқдалар».

Матбуот баёнотида бундай қўшимча қилинди:

«Ҳусийлар одамларнинг қора бозордан 11.200 риёлга бензин сотиб олишларини ташкиллаштиришган эди. Улар одамларнинг шу нархда ҳам ёқилғига ўзларини уришаётганини кўриб, очкўзликлари ошди, сўлаклари оқди ва ёқилғи маҳсулотларига ҳеч кимнинг назорат ва аралашувисиз янги нарх белгилашди. Бу нарх одамларга зулм бўлди, чунки уларнинг ўзлари бу ёқилғига эҳтиёжлари катта эди, Ҳусийлар эса шу эҳтиёжларидан юзсизлик билан фойдаланишди. Унутганимиз йўқ, бу қўзғолонни ниқоб қилганлардан олдингилар 20 литрли идишдаги бензин нархини 3500дан 4000га кўтаришган бўлса, улар бугун 8500дан 9900га кўтаришди… Аммо улар ҳам, булар ҳам Жаҳон банки кўрсатмаларини бажаришяпти».

Баёнот сўнггида хулоса сифатида бундай дейилди:

Булар уруш ва тинчликдан фойдаланаётган ва мусулмонларни ҳолдан тойдиришга бор кучларини сарфлаб, Аллоҳнинг ҳокимиятидан бошқа ҳукуматларга тиз чўкишда давом этаётган жирканч режимлардир. Мусулмонлар эса, ўз азизлик, ва куч-қудратларини фақат бир йўл билан топадилар, у ҳам бўлса, Роббилари шариатига астойдил риоя қилиб, Пайғамбарлик минҳожи асосидаги иккинчи рошид Халифалик давлатини барпо этиш йўлидир. Ана шунда уларнинг Аллоҳдан қўрқадиган ва Аллоҳнинг душманларини қўрқитадиган ҳукмдори бўлади. Ислом шахс эҳтиёжи, давлат эҳтиёжи ва жамоа эҳтиёжи ўртасини шундай равишда мувозанатлаштирганки, ҳар бир шахс эҳтиёжларининг қондирилиши, давлатнинг ўз вазифаларини адо этиши ва жамоанинг хавфсизлиги ва барқарорлиги барча соҳада кафолатланиши таъминлаган.

﴿وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾

«Имонлари комил бўлган қавм учун Аллоҳдан гўзалроқ ҳукм юритувчи ким бор»  [Моида 50]

Роя газетасининг 2022 йил 23 феврал чоршанба кунги 378-сонидан