Матбуот баёноти

Ўз халқи манфаатига қайғурмаган, хавфсизлигини ҳимоя қилмаган ҳукумат албатта жарликка қулайди

Муборак Рамазон ойининг охирги ўн кунлигида, аниқроғи 27 кунидан 28 кунига ўтар кечада, одамлар қиём, руку, сажда билан Аллоҳ Азза ва Жаллага илтижо қилиб, бутун Ислом Умматидан, хусусан Ироқ халқидан азоб-уқубатларни фориғ этишини сўраётган бир паллада… Яна баъзи мусулмонлар оила ва бола-чақаси эҳтиёжини қондириш учун ҳаракат қилаётган бир пайтда… Мана шундай бир паллада ёвуз хоин қўллар томонидан пойтахт Бағдод марказидаги одамлар билан гавжум бўлган Каррода савдо минтақасида портлаш содир этилди. Жуда кучли портловчи модда жойлаштирилган рефрижераторли юк машинасининг портлаши оқибатида – Рейтер ахборот агентлиги хабарига кўра – икки юздан зиёд инсон ҳалок бўлди, яна шунча одам яраланди… бинолар, савдо расталари, мол-мулклар вайрон бўлиб, катта ёнғин исканжасида ёниб кул бўлди… Франс Пресс мухбирларига кўра, 14 нафар тезёрдам машинаси ҳодиса жойига эртаси куни туш пайтига қадар тинмай қатнаган, оловни ўчиришга ўнлаб ўт ўчириш машиналари жалб этилган…

Биз Ҳизб ут-Таҳрир аъзолари, мана шундай улуғ ойга ҳам, Аллоҳ унга тажовуз қилинишини, зарар етказилишини ҳаром қилган қонларга ва мол-мулкларга ҳам эътибор бермай, бегуноҳ инсонларни нобуд қилган бундай жинояткор қилмишни қаттиқ қоралаймиз. Аллоҳ Таоло айтади:

مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا

«Кимки бирон жонни ўлдирмаган ва ерда бузғунчилик қилиб юрмаган одамни ўлдирса, демак, гуё барча одамларни ўлдирибди»    [Моида 32]

Росулуллоҳ САВ бундай дедилар:

«كلُّ الْمُسْلِمِ عَلَى الْمُسْلِمِ حَرَامٌ دَمُهُ وَمَالُهُ وَعِرْضُهُ»

«Ҳар бир мусулмоннинг қони, моли ва номуси бошқа мусулмонга ҳаромдир».

Яна Росулуллоҳ САВ бундай дедилар:

«لاَ ضَرَرَ وَلاَ ضِرَارَ فِي الْإِسْلاَمِ»

«Исломда зарар кўриш ҳам, ўзгага зарар етказиш ҳам йўқ».

Биз, асл жиноятчи ким эканидан қатъий назар, дунёнинг ўткинчи ноз-неъматлари устида ўзаро курашаётган, етказаётган азияти оммалашган «Исломий Давлат» гумашталари ёки тоифачи жангарилар қилмишларини мутлақо рад этамиз.

Кофир Америкага тобе бўлган ҳукумат ва унинг хавфсизлик хизматининг эътиборсизлигию ожизлиги шармандали ва айбли ҳол албатта. Бу ҳукумат халқ нонини яримта қилиб, хавфсизликни таъминлаш учун улкан маблағ ажратганига қарамай, унинг омадсизлигини каттаю кичик тан оладиган бўлиб қолди. Зеро, мазкур ҳодиса жавобгарлиги хавфсизлик хизмати ходимлари зиммасига тушади. Чунки нафақат ҳозир, балки 2003 йилдан бери уларнинг хавфсизлик режалари жуда заиф, унумсиз ва муваффақиятсиз бўлиб келяпти. Ўз ожизликларини оқлаш учун келтираётган баҳоналари, бошқаларга тўнкашлари одамларнинг жонига тегди. Мана, ҳозир ҳам, муборак Рамазон ҳайити арафасида одамларни шунга ўхшаш жинояткорлик портлашларидан қўрқитиб, жамоат жойларга чиқишдан огоҳлантиришяпти. Бу қурбонларга қарши қотилга ёрдам бериш эмасми?!

Хуллас калом, Ироқ халқини бадбўй тоифачилик ва манфур миллатчилик билан бўлиб ташлашга уринишаётганига қарамай, бу мағрур халқ кофир Америка тайёрлаган барча режаларни улоқтириб ташлаш бўсағасида турибди. Уни ҳам, унинг ифлос лойиҳалари муваффақиятли амалга ошишига ҳисса қўшаётганларни ҳам, Аллоҳ Азза ва Жаллага, Росули каримга ва мўминларга хиёнат қилганларни ҳам қилмишларига яраша жазо сифатида улоқтириб ташлайди, бунга қош билан қовоқ ўртасича ёки унданда яқинроқ вақт қолди. Зикри улуғ Аллоҳ бундай деди:

فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ* فَقُطِعَ دَابِرُ الْقَوْمِ الَّذِينَ ظَلَمُوا ۚ وَالْحَمْدُ لِلَّـهِ رَبِّ الْعَالَمِينَ

«Энди – ўзлари учун эслатма қилиб берилган нарсани унутган вақтларида, уларга ҳамма нарсанинг эшикларини очиб қўйдик. Қачонки ўзларига берилган нарсалар билан шод турганларида, уларни тўсатдан ушладик. Бас, бутунлай номурод бўлдилар. Бас, бутун оламларнинг Парвардигори Аллоҳга ҳамд бўлсинки, золим қавмнинг думлари қирқилди (ҳалок қилиндилар)»    [Анъом 44-45]

Ҳизб ут-Таҳрирнинг Ироқдаги матбуот бўлими

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">huti53@yahoo.com