بسم الله الرحمن الرحيم

Ўзбек режими ёшларнинг Исломий сақофат асосида уйғонишидан қўрқмоқда

Хабар: “Озодлик” радиоси 2021 йил 9 ибнда “Ўзбекистон ҳукумати хориждаги диний таълим устидан назоратни кучайтирмоқда” сарлавҳаси остида қуйидаги хабарни тарқатди:

Жорий йил июнидан Қоҳирадаги Ал-Азҳар университети барча муассасаларига қабул фақатгина Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита йўлланмаси асосида амалга оширилиши белгиланди.

Бу ҳақдаги хабарни Озодликка 9 июнь куни Ўзбекистоннинг Миср Араб Республикасидаги элчихонаси вакили тасдиқлади.

Ўзбекистон ҳукуматига яқин таҳлилчининг Озодликка айтишича, вояга етмаган Ўзбекистон ватандошларининг диний таълим олишига йўл қўйилмайди ва чет элдаги диний таълим масканларига ўқиш учун бораëтганлар Диний қўмитадан суҳбатдан ўтиб¸ махсус йўлланма олишлари керак бўлади.

Изоҳ: Маълумки, бутун дунёдаги халқлар, жумладан Ўрта Осиёдаги халқлар, хусусан Ўзбекистон халқи ҳам капитализм зулмидан жуда тўйди. Бу халқларнинг норозилиги тобора кучайиб бормоқда. Америка бошчилигидаги кофир мустамлакачи ғарб мусулмонларнинг Ислом асосида уйғонишидан жуда қўрқади. Чунки Америка ва Ғарб фақат Ислом мафкурасигина нафақат мусулмонларни, балки бутун башариятни капитализмнинг бу зулматларидан Нурга олиб чиқишга қодир ягона мафкура эканини жуда яхши билади. Шунинг учун ҳам мустамлакачи кофирлар ва уларнинг малайлари бўлмиш қўғирчоқ ҳокимлар мусулмонларнинг, айниқса ёшларнинг Ислом асосида уйғонишига йўл қўймасликка жон-жаҳдлари билан уринишмоқда. Ўзбекистондаги тоғут ҳукумат бу қарорни Америка, Россия каби мустамлакачиларнинг кўрсатмаси билан қабул қилганлигида ҳеч шубҳа йўқ! Чунки ёшлар Ислом сақофатини ўрганишга ташналик билан интилмоқда. Буни озодлик тарқатган мана шу хабардаги: “Ўзбекистон ДХХсига аналитик ҳисоботлар ëзадиган таҳлилчининг Озодликка айтишича¸ жорий йил январидан май ойигача бўлган 5 ой ичида вояга етмаган 1800 нафар ўзбек бола Мисрдаги ҳужраларга ўқиш учун олиб кетилаëтган пайтда чегарада тўхтатиб қолинган” деган сўзлар ҳам тасдиқлаб турибди.

Мисрдаги Америкага малай тоғут Сисий режимининг ҳам Исломга душманлиги ҳеч кимга сир эмас. Шунинг учун Миср режими ва ўзбек режими хўжайинларининг буйруғи билан ёшлар Исломни ўрганишдан тўсиляпти. Кофир Ғарб мусулмон ёшларни ўзининг демократия деган заҳари билан суғормоқчи бўляпти. Американинг RAND (Изланишлар ва тадқиқотлар) муассасасининг 2004 йилдаги ҳисоботида қуйидагилар келган эди: “Агар аҳамиятга молик давлатлардаги таълим программалари ва оммавий ахборот воситаларида “демократик ислом” миссияси йўлга қўйиладиган бўлса, мусулмонларнинг келгуси авлоди атрофдагиларга таъсир ўтказа олади”. Уларнинг бу уринишлари ойни этак билан ёпмоқчи бўлаётган кимсанинг уринишига ўхшайди. Зеро, Ислом Уммати аллақачон уйғониб бўлди. Инсоннинг шайтонлари бўлмиш бу ҳокимлар умматни Исломга талпинишдан тўсишга қанчалик уринишмасин, қабиҳ мақсадлари албатта барбод бўлажак!

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ

– “Улар Аллоҳнинг нурини (яъни Исломни) оғизлари (яъни беҳуда гаплари) билан ўчирмоқчи бўладилар. Аллоҳ эса, гарчи (кофирлар) хоҳламаслар-да, фақат Ўз нурини тўла (яъни ҳар тарафга) ёйишни истайди”.             (Тавба:32)

Ҳизб ут-Таҳрир марказий медиа офиси радиосига Ислом Абу Халил ёзди – Ўзбекистон