Ўзбек ҳукумати Исломий тарбияга қаршими?

بسم الله الرحمن الرحيم

Шу кунларда ижтимоий тармоқларда тарқалаётган видеода Андижондаги боғчалардан бирида 14 январ куни уюштирилган тадбир ортидан боғча мудираси ва тадбирни уюштиришга мутасадди бўлган ходимлар ишдан бўшатилгани айтилмоқда. Ушбу видеода боғчадаги тадбирда “Сизни Каъбага олиб боролмасам ҳам, сизга дўзахдан парда бўламан, сизга жаннат совға қиламан” қўшиғи қўйилганини ва оқ ҳижобли жажжи қизалоқларни ўз оталарига тож кийдиришганини кўриш мумкин. Табиийки, ушбу тадбирни ташкил қилган боғча мудираси ва бошқа ходимларнинг мақсади яхшилик, яъни ота-она ва фарзандлар ўртасидаги муносабатлар Ислом асосида шаклланишига тарғиб қилиш бўлгани кўриниб турибди. Албатта, бу мақтовга лойиқ иш. Бунинг учун ана шу тадбир ташкилотчиларига ташаккур айтамиз ва Аллоҳ таоло ҳамиша эзгу ишларингизда сизларга мададкор бўлсин, деймиз. Ҳолбуки, ҳозир жамиятда бузуқчилик ва турли иллатлар тарқалиб ётган пайтда, бундай эзгу ишга ҳар ким ҳам журъат қилаётгани йўқ. Бироқ биз масаланинг бошқа томонига тўхталмоқчимиз. Ҳамма гувоҳи бўлганидек, ўзбек ҳукуматининг бу ишга муносабати бошқача бўлди. Бундай хайрли тадбирни уюштирганларга раҳмат айтиб, рағбатлантириш ўрнига, мудира ва бошқа ходимлар ишдан олинганлиги ҳақида хабар қилинди. Буни қарангки, боғчада ёки бошқа таълим даргоҳларида қанчадан-қанча Ғарб маданиятини тарғиб қиладиган, Исломга тамоман зид бўлган тадбирлар ташкиллаштирилмоқда, мамлакат бўйлаб эркак-аёл аралаш концертлар уюштирилмоқда… Ҳукумат эса буларга ҳеч ҳам эътибор бераётгани, қаршилик қилаётган кузатилмайди. Аксига олиб, бундай бузғунчи тадбирлар учун йилига бюджетдан миллионлаган маблағлар ажратиляпти. Ўзбек ҳукуматининг бундай иккиюзламачилик сиёсатининг замирида, албатта, кофир хўжайинларини рози қилиш ётади, десак адашмаймиз.

Нима учун?! Келинг, шу борада фикр юритиб кўрайлик. Ёшлар дискотекага боргани учун ҳукумат томонидан жазоланганини эшитганмисиз?! Йигит-қизлар никоҳсиз ишқий муносабатларда бўлгани, ёшларнинг ароқ ичгани, қизларни беҳаёларча ярим-яланғоч юргани учун жазоланганини эшитганмисиз?!… Албатта, йўқ. Энди бунинг акси ўлароқ ёшлар соқол қўйса жазолаяпти, мактаб ўқувчилари жума намозига қўйилмаяпти, ўқувчи қизлар авратларини ёпиш учун Аллоҳ фарз қилган ҳижобни кийишларига таъқиқ қўйиляпти, диний таълим олишга йўл берилмаяпти ва ҳ.з. Хўш, ҳукуматнинг бу аҳволига, бу ноҳақлигига гувоҳ бўла туриб, яна қандай қилиб у ҳақда яхши сўзларни айтиш мумкин?! Айтиш мумкинки, бир томондан, ўзбек режимии Ғарбнинг сарқит маданиятига кенг йўл очиб бераётган бўлса, бошқа томондан, ёшларнинг Исломга янада яқинлашишларига қарши кураш олиб бормоқда. Шунинг учун ҳам юқорида айтганимиздек, бу ҳукуматга Аллоҳни рози қилишдан кўра, кофир мустамлакачиларни рози қилиш устувор шекилли. Агар иш шу зайлда давом этадиган бўлса, келажак таянчи бўлган ёш авлоддан нималарни кутишимиз мумкин?! Бу ҳақда ўйлашдан ҳам чўчийди инсон. Масалан, Ғарб маданиятида ЛГБТ деган жирканч эркинлик борки, ҳеч бир мусулмон инсон буни фарзандларига раво кўрмаслиги муқаррар. Бироқ ҳукуматнинг динимиздан узоқлаштириш ҳаракатларига сукут қилаверсак, алал-оқибат юртимизда ҳатто ЛГБТ каби иллатлар ҳам оддий ҳолга айланиши ҳеч гап эмас. Бундан, албатта, Аллоҳ сақласин!

Биз, алҳамдулиллаҳ мусулмонмиз. Биз учун Аллоҳнинг шариати, Аллоҳнинг қонунларидан бошқа ҳар қандай тузумни татбиқ қилиш ҳаром ҳисобланади. Ҳаётимизнинг ҳар бир соҳасида шаръий ҳукмга эргашишимиз вожиб. Шунинг учун келажагимиз таянчлари бўлмиш фарзандларимиз тарбиясида ҳам Мирзиёев бошлиқ ўзбек режими татбиқ қилаётган капиталистик Ғарб тузумига эмас, балки Исломга мурожаат қилишимиз фарз. Аллоҳ таоло айтади:

يَٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ

– “Эй мўминлар, сизлар ўзларингизни ва аҳли оилаларингизни ўтини одамлар ва тошлар бўлган дўзахдан сақланг”.     (Таҳрим:6)

وَأۡمُرۡ أَهۡلَكَ بِٱلصَّلَوٰةِ وَٱصۡطَبِرۡ عَلَيۡهَاۖ

– “Аҳлингизни намоз ўқишга буюринг ва ўзингиз ҳам (намоз ўқишда) чидамли бўлинг”.                                                      (Тоҳа:132)

Абу Ҳурайра р.а.дан ривоят қилинади: “Набий ﷺ: “Ҳар бир туғилган бола фақат фитрат (соф табиат) ила туғилади. Бас, ота-онаси уни яҳудий ёки насроний ёки мажусий қилади. Бу худди ҳайвоннинг бус-бутун ҳайвон туғишига ўхшайди. Сиз унда қулоқ-бурни кесилганини ҳис қилганмисиз?” – дедилар. Бошқа бир ҳадисда Пайғамбаримиз ﷺ: “Ота фарзандига чиройли тарбиядан кўра, гўзал одоб беришдан кўра яхшироқ нарса мерос қолдирмади”, – деганлар. Амр ибн Шуъайб оталаридан, оталари боболаридан қилган ривоятда Расулуллоҳ ﷺ: “Болаларингиз етти ёшга кирганида намоз ўқишга буюринглар. Агар ўн ёшга кириб ҳам (намоз ўқишмаса), уларни уринглар. Ва ётоқда ораларини ажратиб, алоҳида қилиб қўйинглар”, – дедилар. Ушбу оят ва ҳадислардан фарзанд тарбиясига жиддий эътибор бериш зарурлиги кўриниб турибди. Бир сўз билан айтганда, тарбия биз учун ё ҳаёт, ё мамот, ё нажот, ё фалокат масаласидир.

Шу ерда яна бир асосий масала борки, бугунги ҳукумат, юқорида айтганимиздек, фарзандларимизга Исломий тарбия беришимизга тўсиқ қўяётган бўлса-да, бироқ энг асосий тўсиқ бу – устимизда  татбиқ қилинаётган демократик Ғарб қонунлари эканини тиниқ англашимиз зарур. Фаразан, ҳукумат қаршилик қилмаган тақдирда ҳам, демократик эркинликлар инсонлар, айниқса ёшларнинг ҳаётини заҳарлаши турган гап. Шунинг учун фарзандларимиз тўғри тарбия топиб комил инсонлар бўлсин десак, жамиятдаги мавжуд яроқсиз қонунларни тубдан ўзгартиришимиз зарур. Яъни Исломни ҳаётга тузум сифатида татбиқ қилиш учун олиб келишимиз зарур. Мана шундагина жамиятимиз ҳар қандай бузуқликлардан тозаланади ҳамда осуда, покиза ва фаровон ҳаёт юзага келади. Бундай жамият зино, ароқхўрлик, ўғрилик, босқинчилик, ғийбат ва туҳмат каби барча жиноятлардан холи покиза жамият бўлади. Мана шундай жамиятдагина биз фарзандларимизга тўлақонли Исломий тарбияни беришимиз ва уларнинг тарбиясидан хотиржам бўлишимиз мумкин. Энг муҳими, ана шунда бу дунёда ҳам, Охиратда – Аллоҳнинг олдида ҳам юзимиз ёруғ бўлади иншаАллоҳ.

جَنَّٰتُ عَدۡنٖ يَدۡخُلُونَهَا وَمَن صَلَحَ مِنۡ ءَابَآئِهِمۡ وَأَزۡوَٰجِهِمۡ وَذُرِّيَّٰتِهِمۡۖ

– “Адн жаннатларидир. Унга улар ва уларнинг оталари, жуфти ҳалоллари ва зурриётларидан солиҳ бўлганлари кирарлар”. (Раъд:23)

Ҳизб ут-Таҳрир Ўзбекистон матбуот бўлими аъзоси Салоҳиддин

31.01.2025й