Матбуот баёноти

Ўзбекистон муфтийси масжид имомлари билан бирга ҳукуматнинг галдаги ғайриисломий қонуни ҳимоясида

بسم الله الرحمن ألرحيم

5 сентябр куни Олий Мажлис Қонунчилик палатаси “Жиноят кодексига ва Маъмурий жавобгарлик тўғрисидаги кодексига ўзгартириш ва қўшимчалар киритиш ҳақида”ги қонун лойиҳасини кўриб чиқди. Бу қонун лойиҳасига кўра, миллий, ирқий, этник ёки диний мансублигига қараб бир тоифа фуқароларни бошқа тоифа фуқаролардан устунлигини ёки нуқсонли эканлигини тарғиб қилганлик, никоҳи қонунда белгиланган тартибда қайд этилмаган шахслар ўртасида никоҳ тузишга доир диний маросимни амалга оширганлик учун маъмурий ва жиноий жавобгарлик белгилаш назарда тутилмоқда. Лойиҳа билан икки ёки ундан ортиқ хотин билан эр-хотин бўлиб яшашни тарғиб қилганлик, хотин-қизлар ва эркаклар тенг ҳуқуқлилигини очиқдан очиқ инкор этганлик учун маъмурий жавобгарлик белгиланмоқда. Жамоат тартибини сақлаш бўйича кўрилаётган чоралар, хусусан “Хавфсиз шаҳар” концепцияси доирасида жорий этилган ахборот дастурларининг самарадорлигини янада ошириш мақсадида жамоат жойларида шахсини идентификация қилиш имконини бермайдиган даражада юзини тўсган ҳолда бўлганлик учун маъмурий жавобгарлик чораси киритилмоқда.

Қонун лойиҳаси эълон қилинганидан кўп ўтмай, муфтий бошчилигидаги масжид имомлари – албатта буйруқ асосида – қонунга киритилган ҳар бир ўзгаришни ҳимоя қилиб, Исломда ҳам шундай эканлиги ҳақида бонг ура бошлашди. Ҳукумат ҳар доим мусулмон аҳоли қарашларига мутлақо тескари бўлган бирор қонунни қабул қилгудек бўлса, уни халқимизга силлиқгина “ўтказиш” учун муфтий бошлиқ имом-домлалардан иборат армиясидан фойдаланиб келганидек, бу сафар ҳам ушбу қуролини ишга солди. Шу ўринда муфтий Холиқназаров ва унинг қўл остидаги барча имом-домлаларга баъзи саволларни бериш ўринли, деб ҳисоблаймиз. Ҳукумат-ку анави Америка, Россия каби кофир мустамлакачиларнинг ноғорасига ўйнаб, уларни рози қилиш учун жон-жаҳди билан ҳаракат қилиб ётибди, мамлакат ер ости ва ер усти бойликларини сув текинга талатяпти. Бу ҳам етмаганидек, халқни ва айниқса ёш авлод тарбиясини, келажагини издан чиқарадиган “гендер тенглиги”, “аёллар ва ёш болалар ҳуқуқлари” каби Ғарбона заҳриқотил тушунчаларни қонун билан мустаҳкамлаяпти… Лекин Росулуллоҳ ﷺнинг меросхўрлари, дея мақталган, Ислом Умматини тўғри йўлда юришида етакчилик қилиши керак бўлган сиз “уламолар”га нима бўлди?! Ҳукуматни ҳар дақиқада қилаётган мункар ишлари, хоинликларини кўриб-билиб туриб, худди соқов шайтондек оғзингизга толқон солиб олиб индамаётганингиз етмаганидек, мусулмон халқимизни ғайриисломий қонунларга бўйсунишга тарғиб қилишдек очиқ ҳаром ишга қўл уришга уялмайсизми?! Наҳот, Исломга зид қонунларни “булар Исломдан” деб оқлайдиган, ҳатто бунда оят ва ҳадислардан далиллар келтиришга уринишдан ҳам ҳаё қилмайдиган даражадаги шарманда кимсаларга айланиб қолган бўлсангиз?! Сиздаги тақво ва Аллоҳдан ҳаё қилиш қаёққа кетди?! Ёки сиз ҳукумат белгилаб берган “мўътадил ислом”нигина етказиб, халқни “юпатиш” билан Аллоҳнинг ҳузурида ўзингизни оқлайман, деб ўйлаяпсизми?! Қолаверса, ўша “мўътадил ислом”нинг чегараси борми ёки то диндан чиқиб кетмагунингизча бу чегара торайиб бораверадими?!

Аслида, устимизда куфр демократик қонунларнинг татбиқ бўлиб туришида ҳам – агар билсангиз – сизларнинг “хизмат”ингиз катта бўляпти. Сизлар ҳукуматнинг кофир мустамлакачиларга халқ устида қилаётган хизмат ва хиёнатларига бевосита шерик бўлмоқдасиз. Агар сизлар юртимиздаги мусулмонларга соф Исломни етказиб, унинг асосида яшашга ва бундан бошқа ғайриисломий тузумлардан юз ўгиришга даъват қилганингизда эди, ўзингизни ҳам, ортингизда намоз ўқиётган мусулмон халқни ҳам икки дунё бахтсизлигидан асраб қолишга хизмат қилган ва ўзингизнинг асл вазифангизни божарган бўлардингиз. Агар сизларнинг мана шу динфурушлигингиз бўлмаса эди, мусулмонларни Исломдан йироқлатиш ва уларнинг устида куфр қонунларини татбиқ қилиш ёлғиз ҳукуматнинг қўлидан келмаган бўларди. Аксинча, сизлар ҳукуматни кофир мустамлакачи давлатлар таъсиридан сақлаб, Ислом ва мусулмонлар тарафига ўтишига яхшигина ҳисса қўшган бўлар эдингиз. Бу билан албатта, ўзингиз ҳам, мусулмонлар ҳам нажот топган бўларди. Чунки сиз азизлигимиз ва куч-қудратимиз тимсоли бўлган Халифалик тикланишига ўз ҳиссангизни қўшган, ҳақли равишда Росулуллоҳ ﷺнинг меросхўрлари даражасига эришган бўлардингиз! Аллоҳ субҳанаҳу ва таоло дейди:

وَلَا تَشْتَرُوا بِآيَاتِي ثَمَنًا قَلِيلًا وَإِيَّايَ فَاتَّقُونِ ‎﴿٤١﴾‏ وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَقَّ وَأَنتُمْ تَعْلَمُونَ 

– “Ва оятларимни қиймати оз нарсаларга алмаштирманглар ва Мендангина эҳтиёт бўлинглар. Ҳақни ботилга аралаштирманглар ва билган ҳолингизда ҳақни беркитманглар”. (Бақара:41-42)

Ҳизб ут-Таҳрир Ўзбекистон матбуот бўлими