Ўзбекистон ҳукумати Ислом ва мусулмонларга қарши курашда ҳеч кимни аямаяпти

بِسْمِ اللهِ الرَّحْمٰنِ الرَّحِيم

10-11 сентябрь кунлари бир қатор интернет сайтларида Ҳизб ут-Таҳрирга аъзо бўлган 29 нафар аёл қўлга олингани ҳақида хабарлар тарқалди. Ички ишлар вазирлиги тарқатган хабарда жумладан шундай дейилади: “…Тошкент шаҳрининг Шайхонтоҳур, Учтепа, Олмазор, Сирғали ва Яккасарой туманлари, шунингдек, Тошкент вилоятининг Зангиота, Тошкент ва Қибрай туманларида яшовчи 29 нафар «Ҳизб-ут Таҳрир» экстремистик ташкилотининг «Аёллар қаноти» жамоаси аъзоларини жиноий фаолиятига чек қўйишга қаратилган тезкор тадбирлар ўтказилди. Мазкур аёлларнинг яшаш манзилларида ва уяли алоқа воситаларида экстремистик мазмундаги материаллар мавжудлиги аниқланиб, процессуал тартибда расмийлаштирилиб олинди. Ҳозирда ушбу аёлларнинг ноқонуний хатти-ҳаракатларига ҳуқуқий баҳо бериш ва уларни жавобгарликка тортиш мақсадида тергов-суриштирув ишлари давом эттирилмоқда”.

Бироқ ушбу ҳолат текшириб кўрилганда шу нарса аён бўлдики, бугунги ҳукумат ўзининг Ислом ва мусулмонларга оид сиёсатида ҳар қандай пасткашликдан тап тортмаяпти. Шунингдек, расмий ва норасмий ахборот воситалари кўп ҳолатларда масалани буткул нохолислик билан талқин қилишаётгани уларнинг Ислом ва мусулмонларга қарши курашда ҳукумат билан бир сафда эканлигини кўрсатади. Жамики инсоний ҳақ-ҳуқуқларни поймол қилиб, тонг саҳарда уйларига бостириб кириб, жиноятчилардек қўлга олинган ушбу аёлларнинг Ҳизб ут-Таҳрирга ҳеч қандай алоқаси йўқ. Уларни фақат эрлари ва фарзандларининг золим ҳукумат қамоғида эканлиги бирлаштирган. Ушбу аёлларнинг бор-йўқ талаблари эрлари ва фарзандлари билан кўришиш учун узоқ муддатли учрашув берилиши бўлган. Бу талаб билан ҳатто сенатгача чиқишган. Бундан олдин эса, Жазони ижро этиш бош бошқармасига норозилик билдириб чиқишган, бу ҳолатни ёритиш учун “Озодлик”, “ББС”, инсон ҳуқуқлари ташкилотларига ҳам мурожаат қилишган, бироқ улардан рад жавоби олишган. Аёлларни бир гала ИИВ ва миллий гвардия ходимлари ўраб олиб, автобусга олиб чиқишга уринган. Аёллар ўз талабларида қаттиқ туриб олишгач, учрашувга навбатдан ташқари бир кунга рухсат берилган ва 6 сентябрдан бошлаб хоҳлаган вақт учрашишларига ваъда берилган. Бир кунлик учрашувга бориб келганларидан сўнг берилган ваъдага кўра 9 сентябрь куни учрашувга рухсат берилишини сўрашган. Бироқ берилган ваъданинг ёлғонлиги фош бўлиб, энди учрашувга 2 ойдан сўнг боришларини айтишган. Сўнг эртасига тонг саҳарда кучишлатар органлар томонидан уларнинг уйларида рейд ўтказилиб, идорага олиб кетилган. Маълумотларга кўра, идорада уларга иккита нотаниш аёлнинг сурати кўрсатилиб таниш-танимасликлари сўралган. Кейин деярли барча аёллар қўйиб юборилган. Бу ишлар асносида муслималарга нисбатан қўпол муомала, дўқ-пўписалар қилинган.

Аввало, шуни таъкидлаш лозимки, “ББС”, “Озодлик” каби ғарб ахборот воситалари шу вақтгача Ислом ва мусулмонларга нисбатан нохолис ёндашиб келди. Юқоридаги ҳолатда ҳам қўлга олинган аёллар уларнинг радиоларига мурожаат қилганликларига қарамай, масалани холислик билан ўрганиб чиқиш ўрнига, ИИВ берган хабарни тарқатиб қўйишган холос. Мазкур Ғарб матбуотларининг ўзбек хизматлари бошқа мавзуларда, масалан, Мирзиёевнинг тоғлар орасидаги қасри ҳақида чуқур текширув ўтказганлиги ҳаммага маълум. Бироқ иш Ислом ва мусулмонларга келганда, улар ўз “холис”ликларини “йўқотиб” қўйишади.  Буларнинг барчаси уларнинг мустамлакачи давлатлар манфаатларига хизмат қилишларини яна бир бор исботлайди.

Ўзбек ҳукуматининг қилмишларига келсак, афтидан “Ҳизб ут-Таҳрирга аъзо бўлган 29 нафар аёлнинг ушланганлиги” тўғрисидаги хабардан Ислом ва мусулмонларга қарши кураш бўйича Россияга берадиган ҳисоботларини тўлдиришда фойдаланишган. Чунки фақат қамоқдаги ўз яқинлари билан кўришишни талаб қилган аёлларни ушлаб, худдики Ҳизб ут-Таҳрирнинг “Аёллар қаноти”ни қўлга олгандек қилиб кўрсатишган. Шунингдек, ўзларининг ҳақ-ҳуқуқларидан озгинасини талаб қилиб чиққан мазлума аёлларнинг овозини ўчириш учун куч ишлатишдан бошқа чора топа олмаган.

Бу ўзбек ҳукуматининг жуда ожиз ва нақадар пасткаш эканлигини, кучини ожизаларга кўрсатишга аллақачон уялмай қўйганини, бу ҳолат Каримов даврида бўлганидек Мирзиёев даврида ҳам ўзгармаганлигини, ўз халқига шер, кофир душманлар олдида қуёнюрак эканлигини кўрсатмоқда. Биз мусулмонлар учун бундай бошқарув остида яшаш шармандалик ва Аллоҳ Таоло қайтарган мункар ишдир. Шунинг учун биз Аллоҳнинг шариатини ҳаётга қайтармагунимизча қалбларимиз хотиржамлик топмайди, ҳаётимиз изига тушмайди.

Ҳизб ут-Таҳрирнинг Ўзбекистондаги матбуот бўлими аъзоси Фаррух

15.09.2021й