Ўзбекистоннинг интернетдан қўрқувига қандай муолажа топса бўлади?
بِسْمِ اللهِ الرَّحْمنِ الرَّحِيمِ
Ўзбекистоннинг интернетдан қўрқувига қандай муолажа топса бўлади?
Мақола номини ўқиган одам, яна Ўзбекистоннинг сиёсатини танқиди эканда, деб ўйлаши мумкин, лекин ушбу мақоламиздан мақсад сал бошқача.
Ҳаммамизга маълумки, қўл остидаги халқини диктатура билан бошқарадиган ҳар қандай ҳукумат, ўзининг қилаётган жиноятларини очиб ташлаётган сайтлардан одамларни тўсиш учун, шундай сайтларга киришни беркитади ёки кириб – чиқувчиларнинг IP рақамларини кузатади ва ҳоказо.
Ўзбекистон ҳам худди шундай давлатлардан бири бўлиб, унинг бошқарувидаги жиноий қатлам ўзининг халқ устида олиб бораётган жиноятларини шафқатсиз очиб ташлаётган сиёсий муҳолифат сайтларини беркитиб ташлаган, яъни Ўзбекистон провайдерларидан интернетга чиқаётган одам, Ўзбекистон сиёсатини холис ёритувчи биронта сайтга кира олмайди. Бундай сайтларга, www.hizb-uzbekistan.info, www.turkiston.net , www.ozodlik.org каби сайтларни мисол қилиш мумкин. Биз ҳозир ушбу ва шунга ўхшаш, Ўзбекистон ҳукуматининг қўрқоқлиги сабабидан беркитилган сайтларга, фойдаланувчининг IP рақами билинмаган ҳолда, мазкур тўсиқни бузиб ўтишнинг энг содда, кибертехника илмига умуман хабардор бўлмаган оддий одам учун қулай кўринишларидан икки хил усулини кўрсатиб берамиз.
Биринчи усул. Прокси сайтлардан фойдаланиш
Ушбу усулда, Ўзбекистон провайдерларидан кириш беркитилган, очилган ҳолатида эса, кирган одамни IP рақамини аниқлаб, уни зиндонга солинадиган сайтлардан бири, www.hizb-uzbekistan.info сайтига ўз IP рақамимизни билдирмаган ҳолда, мазкур тўсиқни айланиб ўтиб киришни кўриб чиқамиз.
Бунинг учун биз иҳтиёрий прокси сайтлардан бирини танлашимиз керак. Бундай сайтларни мана бу ердан олишимиз мумкин: http://anonymousproxy1.org/ , ёки http://goldproxylist.com/ .
Биз мисол учун http://goldproxylist.com/ га кириб у ердаги иҳтиёрий бир сайтни танлаймиз, масалан, http://proxy-speed.com/ . Бу ерга кириб, “URL Address:” ёзуви олдидаги бўш майдонга “hizb-uzbekistan.info” деб ёзамиз ва ўнг томондаги “Browse” ни (баъзи сайтларда “Submit”, ёки “Ok” бўлиши мумкин) босамиз. Бўлди, энди биз бемалол hizb-uzbekistan.info сайтига кирдик ва бу ҳолатда бизнинг IP рақамимиз яширилганлиги билан бирга, Ўзбекистон ҳукумати қўйган тўсиқни бузиб ўтдик.
Иккинчи усул. Прокси дастурлардан фойдаланиш
Иккинчи усулда биз ишлатаётган компьютеримизнинг интернет каналини прокси программага тўғрилаб қўйишимиз мумкин. Бунинг учун TOP, Proxy Switcher ва Hide Guard каби программалардан фойдаланишимиз мумкин. Айни мисолимизда Hide Guard дастуридан фойдаланамиз.
Бунинг учун мазкур дастурни ушбу ссилкага кириб (http://download.hideguard.ru/HideguardVPNSetupRU.exe), компьютеримизга юклаб оламиз ва ўрнатамиз.
Программа ўрнаб бўлгандан сўнг, компьютернинг ўнг бурчаги пастки четида, ҳаворанг маёқча ичида “off” сўзи кўринади. Ушбу “off” нинг устига босганимизда, у “on” га ўзгаради. Шундан кейин, Ўзбекистондан кириш мумкин бўлмаган, яъни тўсиқ қўйилган сайтларнинг биронтасига кириб кўрамиз. Бўлди компьютеримизнинг ўзи прокси серверга созланди ва у энди ҳамма сайтга бизнинг IP рақамимизни кўрсатмаган ҳолда, тўсиқларни айланиб ўтади.
Эслатиб ўтамиз, ушбу иккинчи усулнинг ноқулайлик томони бор, у ҳам бўлса, ok.ru ва facebook.com каби ижтимоий тармоқларга киришда баъзи ноқулайликлар бўлиши мумкин.
Марҳамат, бемалол хавфсиз интернет – серфинг қилинг.
Ҳизб ут-Таҳрирнинг Ўзбекистондаги медиа офиси Муслим
25.08.2014й.
