بسم الله الرحمن الرحيم

Ўзингизда “Исломий иммунитет” ҳосил қилинг!

Аллоҳ инсонни яратиб, уни бу дунёда яшаши учун керакли ҳамма нарсани берди. Озиқ-овқат, сув, яшаш ва деҳқончилик қилиши учун ер ва ҳоказо. Шунингдек, инсонни турли хил касаллик ва уни қўзғатувчи вируслардан ҳимоя қиладиган иммунитетни ҳам инсон туғилиши биланоқ ишга тушадиган қилиб қўйдики, организм ташқи муҳитдан келадиган хавф-хатарлар, яъни касаллик ва уни қўзғатувчи вирусларга қарши кураша олсин. Тасаввур қилиб кўринг, бизда ана шу иммунитет бўлмаса, касалликлар қайнаб ётган бу дунёда қанча умр кўрар эдик? Иммунитет – инсон организмининг асосий қуроли ҳисобланади, агар у бўлмаганда, биз турли хил касалликларга чалинардик ва бунинг оқибати ўлим холатини келтириб чиқарган бўларди. Ҳеч кимга сир эмаски, ОИТС (Орттирилган иммунитет танқислиги синдроми) инсон организми ҳимоячиси бўлган иммунитетнинг асосий душманидир. ОИТС инсон организми ҳимоясини “ўчиради”, кейин нима бўлиши ўзингизга маълум. Лекин бугунги мақоламизда ОИТС ёки бошқа касалликлар ҳақида гапирмоқчи эмасмиз, шунчаки буларнинг ёритмоқчи бўлган мавзумизга бевосита алоқаси борлиги сабабли келтириб ўтдик холос.

Демак, инсон танасини ҳимоячиси бор, энди унинг ақлини, аниқроқ айтадиган бўлсак, тушунча ва фикрларини ҳимоя қиладиган, ҳайвон даражасига тушиб кетишдан сақлаб турадиган бирор нарса борми ёки йўқми? Наҳотки, Аллоҳ инсон танасини ўйлагану, унинг қандай қилиб соғлом фикр юритиши ҳақида ўйламаган бўлса? Йўқ албатта, юқорида айтганимиздек, Аллоҳ инсонга бу дунёда яшаши учун ҳамма нарсани берган. Шуниси борки, агар инсоннинг иммун системаси туғма бўлса, соғлом фикрни сақлайдиган “иммунитет” эса орттирилган бўлади. Яъни инсон ўз ихтиёрига кўра унга эришади ёки воз кечади. Шу сабабданки, танани ҳимоя қиладиган иммун системасини Аллоҳ инсонга бермаганда, инсон уни ўзи ҳосил қила олмасди, бу ҳудди инсонда юрак, ўпка, жигар, ошқозон, қон томирлар ва бошқа аъзоларнинг борлигидек гап. Бу Аллоҳнинг зиммасидаги ишдир, бандасининг эмас. Энди соғлом фикрни сақлайдиган “иммун системаси” га келсак, уни олишда Аллоҳ бандаларини мажбур қилмади, балки ўз ихтиёрларига ташлаб қўйди. Инсондаги фикр ва тушунчани соғлом ҳолатда сақлайдиган “иммун системаси” – Исломдир.

Инсон танаси соғлигини унинг иммунитети ҳимоя қилса, фикр ва тушунчаларининг соғлом бўлишини “Ислом иммунитети” сақлайди. Биринчиси инсонда туғма бўлса, иккинчиси ҳаёти давомида эришадиган, яъни унга иймон келтириш билан собит бўладиган нарсадир. Энди вазифа жиҳатидан иккаласи деярли битта ишни бажаради, биринчиси инсон танасини ҳимоя қилса, иккинчиси ақлини ҳимоя қилади. Шунинг учун ҳам, мақола бошида инсон иммунитети ҳақида қисқача тўхталиб ўтган эдик. Биринчиси танани ҳар хил касалликлар ва вируслардан ҳимоя қилса, иккинчиси ақлни турли хил бузғунчи ғоялардан, инсонни тубанлаштирадиган фикрлардан ва инсонийликдан йироқлаштирадиган мафкуралардан асраб туради. Биринчисининг асосий душмани ОИТС бўлса, иккинчисининг бугунги кундаги энг асосий душмани демократия, капитализмдир. ОИТС инсон танаси ҳимоясини “ўчирса”, демократия ҳам том маънода шу ОИТС га ўхшаб унинг ақлини ҳимоя қилувчи иммунитет, яъни Исломни “ўчиришга” ҳаракат қилади. Шу маънода демократия ҳам бир вирусдир, бўлиб ҳам ҳар қандай касалликдан ёки иллатдан ҳам хавфлироқдир. У инсонни ҳайвондан ҳам пастроқ даражага тушириб юборади, энг асосийси эса, Яратувчиси бўлмиш Аллоҳнинг тўғри йўлидан буриб юборади ва уни бахтсиз қилади.

Демократия ва капитализм мусулмонлар онгига ҳудди вирусдек ёпишиб олиб, унинг ҳимоячиси бўлган Исломни сиқиб чиқара бошлаганига анча бўлди. Ўшандан буён бу иккала мабда ўртасида инсон онги учун кураш қизигандан қизиб борди. Чунки ким инсон онгига эгалик қилса ўша дунёни бошқаради. Бу курашга чидай олмаган капитализм охир-оқибат ҳалол курашдан воз кечди ва ғирромликка ўтишга мажбур бўлди, у бугун куч ишлатиш билан ўзини ҳимоя қилишга ўтиб олди, унинг бошқа иложи ҳам қолмаганди. Ҳа, бугун Ислом ваниҳоят ҳимоядан ҳужумга ўтди, капитализм ҳимояга ўтишга мажбур бўлди, унинг бошқа иложи ҳам қолмаганди. Энди Ислом капитализмга сўнгги қатшатқич зарбани бериш учун пайт пойлаб турибди, капитализм эса шу охирги зарбани кўтариш учун тайёргарлик кўрмоқда, у бу зарбани иложи борича енгиллаштириш учун бор кучини сафарбар қилмоқда, унинг бошқа иложи ҳам йўқ.

Азиз мусулмон биродарлар, сиз ўзлигингизни сақлаб қолиш учун Исломни ўзингизга “иммунитет” қилиб олинг. У сизни ҳар қандай тубанликдан ва ҳайвонийликдан ишончли ҳимоя қилади. У сизнинг доимий соғлом фикр юритишингиз учун кафолатдир. Асосий масала шуки, сиз бу ишни ўз ихтиёрингиз билан амалга оширишингиздир, яъни ҳеч ким сизни Исломга амал қилишга мажбурламайди, инсон бирор ишни ўз ихтиёри билан қилар экан, ихтиёр қилган ишига амал қилиши ҳам мустаҳкам бўлади. Сиз бугун дунё бўйича кетаётган иймон ва куфр жангида иймон тарафида бўлинг, бу ишда бетараф бўлишнинг иложи йўқ, чунки сукут сақлаш ҳам куфрга ёрдам бериш ҳисобланади. Бунинг учун ҳали вақт ва имкониятингиз бор.

Ҳизб ут-Таҳрирнинг Ўзбекистондаги медиа офиси Фаррух

01.09.2015й.