Ватанни кимлар ҳимоя қилмоқда?

بسم الله الرحمن الرحيم

Ўзбекистон Қуролли Кучларининг 31 йиллиги ва 14-январь “Ватан ҳимоячилари” куни муносабати билан пойтахт ва вилоятларда турли тадбирлар ўтказилди. Мамлакатда энергетик инқироз кун сайин кучаяётганига қарамай, ҳарбийлар байрамини кўтаринки руҳда кенг нишонлашга бир ой давомида катта тайёргарлик кўрилди. Президент Шавкат Мирзиёевнинг 14 декабрда Қуролли Кучлар ташкил этилганлигининг 31 йиллиги ҳамда Ватан ҳимоячилари кунини нишонлашга тайёргарлик кўриш ва ўтказиш чора-тадбирлари тўғрисида фармойиши эълон қилинди. Президент топшириғида, ўқувчи-ёшларни ҳарбий касбларга йўналтириш, уларни ҳарбий-ватанпарварлик руҳида тарбиялаш мақсадида “Мард аскар – ёшларга намуна!” шиори остида ҳарбий-ватанпарварлик тадбирларини, ҳарбий қисм ва муассасаларда очиқ эшиклар кунини, умумтаълим мактабларида “Ватанпарварлик дарслари”ни ўтказиш, Тошкент шаҳри ва вилоятлардаги музейларга экскурсияларни ташкил қилиш, шунингдек, ўқувчи-ёшлар ўртасида “Посбониман муқаддас юртнинг” мавзусида иншо ва шеърий асарлар танлови ҳамда “Менинг армиям – менинг фахрим!” мавзусида “Энг яхши тасвирий санъат асари” танловларини ўтказиш вазифалари юклатилди. Буйруқ ортидан жойларда ҳарбий хизматчилар ва ёшлар ўртасида Ҳарбий-маъмурий сектор раҳбарининг соврини учун “Амир Темур ўғлонлари”, “Жалолиддин Мангуберди ворислари” ва “Тумарис издошлари” кўрик-танловлари, “Аскар оналарини шарафлаймиз” ва “Менинг акам – Ватан ҳимоячиси” мавзуларида маънавий-маърифий тадбирлар ўтказилди. Бундан ташқари, вилоятларда давра суҳбатлари, интеллектуал ўйинлар ва турли беллашувлар ўтказилди.

Махсус тарзда ўтказилган бу тадбирлар жамоатчиликда, айниқса ёшларда куч органларига нисбатан чуқур эҳтиром туйғусини шакллантиришни мақсад қилади. Золим Каримов ҳам “ватанга муҳаббат туйғуси, фарзандларимиз, бугунги ва келажак авлодларимиз учун чинакам эътиқодга, чинакам ақидага айлансин” деган эди. Каримов йўлидан боришни мустамлакачи давлатларга ва жаҳон ҳамжамиятига ваъда берган Шавкат Мирзиёев аввалги сиёсатни янада кенгайтирди. Аҳолида ватан туйғусини эътиқодга айлантириш ва у асосида халқни ҳокимиятга бўйсундириш сиёсати йил давомида тизимли олиб борилмоқда. Бироқ тубан ватанпарварлик туйғуси тинчлик ҳолатида халқни бирлаштирмаслиги ва ҳокимиятнинг ҳар қандай буйруқлари ўз ўрнида бажарилишини таъминламаслиги сабаб ҳукумат ўз атрофида куч тузилмаларини жипслаштириш ва ёшларда бу соҳаларга иштиёқ уйғотиш учун бюджетдан катта маблағлар ажратмоқда. Шу мақсадда биргина ўтган йилнинг ўзида 3 мингдан зиёд ҳарбий хизматчи уй-жой билан таъминланди, ватан ҳимоячилари оиласидаги қарийб 2 минг нафар ўғил-қиз олий ўқув юртларига кириш учун имтиёзлар олди, 4 мингдан ортиқ ҳарбий хизматчи хотин-қизлар ўқитилди ва иш билан таъминланди, 1250 нафар ҳарбий пинсионер иш билан таъминланди. Катта маошлардан ташқари, кўрсатилаётган бундай моддий рағбатлантириш ва имтиёзлар ёшларни қуролли кучлар, милиция ва хавфсизлик хизматига ишга жойлашишга қизиқишни кучайтирмоқда. Шу сабабдан бу соҳа вакиллари яхши ойлик ва лавозимдан ажраб қолмаслик учун ҳар қандай вазифани бажаришмоқда. Аҳоли орасида ва интернет тармоқларида Ислом даъватига қарши пасткашларча курашиш, мўмин-мусулмонларнинг соқол ва рўмолига осилиш, уларнинг компьютер ва мобил телефонларини махфий кузатиш, шахсий буюмларини тажовуз йўли билан тортиб олиш мазкур “ватан ҳимоячи”ларининг асосий вазифасига айланиб улгурди. Олий Бош қўмондон Шавкат Мирзиёев ўзининг бу йилги байрам табригида ҳам мана шу масалага алоҳида тўхталиб шундай деди: “Ёш авлодни ахборот маконидаги замонавий таҳдидлардан ҳимоя қилиш, турли бузғунчи мафкураларга қарши барқарор иммунитетни шакллантириш учун давлат ва жамоат ташкилотлари билан биргаликда ёшларни, айниқса, унинг уюшмаган қисмини ватанпарварлик руҳида тарбиялаш бўйича амалий ишлар самарадорлигини ошириш зарур”. Ҳукумат ёт ғоя ва бузғунчи мафкуралар деганда Исломий фикрларни назарда тутиши сир эмас. Шунинг учун Мирзиёев яҳудий Каримов изидан бориб, мусулмон халқ йигитларини Исломга қарши курашишга мажбурлаш учун ҳамда ўзининг бу улкан жиноятларига қарамай ҳокимиятини сақлаб қолиш учун Олий Бош қўмондон рутбасини эгаллаб олди. Бунинг ортидан куч тузилмалари ҳукумат қўлидаги репрессия қуроли бўлишда давом этяпти. Халқимиз йиллар давомида турли фожиаларни ва мисли кўрилмаган бўҳронларни бошидан кечирган ва кечираётганига қарамай, бу куч тузилмалари ҳукуматга бирор марта норозилик билдирмади! Аксинча, халқимизни ўз динига амал қилишига, ҳақ сўзни айтишига, ҳақларини талаб қилишига шу куч тизимлари тўсиқ бўлиб келяпти. Ваҳоланки, улар Ўзбекистон халқига бир умр содиқ бўлишга тантанали равишда қасамёд қилишган. Тирикларнинг дуо ва садақаларидан умидвор бўлган марҳумлар руҳи уриши билан қўрқитиладиган бундай қасамёдлар Ўзбекистон асосланган капиталистик тузум каби куфр ва жоҳилият сарқитидир. Бу тузум ўликларни илоҳийлаштириб, ҳокимларни улуғлаб, улар тузган қонунларни Аллоҳнинг Шаръий қонунларидан мутлақ устун кўради. Мана шу куфрий тузумни ва хоин ҳокимлар сиёсатини ҳимоя қилишни “ватанни ҳимоя қилиш” деб ҳисоблашади. Агар ватанни ҳимоя қилиш аждодларимиздан бизга мерос қолган моддий ва маънавий қийматларни асраш вазифаси бўлса, Исломий қадриятларимизни тирилтириш ва мусулмон ўлкаларни бирлаштириш бирдан-бир мақсад бўлиши лозим. Чунки аждодларимиз бизга миллий давлатчаларни эмас, бир бутун, улкан диёрни мерос қолдиришган. Ҳукуматдаги малай зеҳниятлар учун уларга миллий давлатчаларни тузиб берган рус босқинчилари ва уларнинг ўзимиздан чиққан содиқ малайлари аждод ва даҳолар ҳисобланади. Ҳозирда ҳам Америка, Европа ва Россия миллиардлаб маблағларини Ўзбекистон чегараларини мустаҳкамлашга сарфлашмоқда. Бироқ мусулмонлар Бухородан Бағдод, Истанбул ва Макка шаҳарларига ҳеч қандай чегара-тўсиқларига йўлиқмай сафар қилган улкан давлатни бунёд қилган шарафли зотларни аждодларимиз, деб биладилар. Ва улар қолдирган меросни эгаллаб турган Ғарб, Россия ва Хитой ҳукмронлигидан озод қилишни фарз, деб ҳисоблашади.

Ҳозирги асрда юртлар ҳарбий қуроллар билан эмас, Ғарбнинг сиёсий мафкуралари ва ғоялари билан ишғол қилинаётган экан, халқимизни бу хуружлардан “ватан ҳимоячилари” ҳимоя қилмаяпти. Халқимизнинг дунёқараши ва ҳаёт тарзини тубдан ўзгартираётган ғоявий ҳужумлар ва ахлоқий бузуқликлардан Ислом даъватчилари имконият даражасида ҳимоя қилмоқда. Бироқ давлат Ислом тузумини қабул қилмагани учун куфр мафкураларидан ва бузуқ маданиятлардан мусулмон халқни сақлаш имконсиз бўлиб қолмоқда. Ҳар қандай давлат ташкил топишда ва таъсир даражаси юқорилашида қувват аҳли бўлган куч тузилмаларига таянади. Куч тузилмаларидаги мард ва жасур кишиларнинг жасорати ҳаёт оқимини ўзгартириб юборишга қодир. Бу тизимдаги иймонли, иродали кишилар олдида икки йўл турибди: ё куфр тузуми ҳамда золим ҳокимият манфаати, яъни бировларнинг дунёси учун хизмат қилиб, унинг жиноятларига шерик бўлиш ёки Ислом даъватига кўмаклашиш орқали Рошид Халифалик давлатини тиклашга муносиб ҳисса қўшиш. Агар улар дунёдаги шарафли ҳаётни, Аллоҳнинг розилиги ва абадий жаннатни истасалар, Ислом даъватига кўмаклашишлари зарур. Шунда халқимизга ва келажак авлодларга яхшилик эшикларини очган бўлишади. Акс ҳолда, куфр тузуми ва хоин ҳукуматнинг посбони бўлиб қолаверишади ва охиратларини бой беришади.

يَا أَيُّهَا الَّذِينَ آمَنُوا لَا تَتَوَلَّوْا قَوْمًا غَضِبَ اللَّهُ عَلَيْهِمْ قَدْ يَئِسُوا مِنَ الْآخِرَةِ كَمَا يَئِسَ الْكُفَّارُ مِنْ أَصْحَابِ الْقُبُورِ

– “Эй мўминлар, Аллоҳнинг ғазабига дучор бўлган қавм билан дўст бўлманглар! Худди барча кофирлар қабр эгалари (яъни ўликларнинг қайта тирилишлари)дан ноумид бўлганларидек уларнинг ҳам охиратдан умидлари узилгандир”. (Мумтаҳана:13)

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

23.01.2023й