بِسْمِ اللهِ الرَّحْمنِ الرَّحِيمِ 

Роя газетаси:

Яҳудийлар давлати билан қўшма хавфсизлик ва ҳарбий машғулотларини ўтказиш буюк хиёнатдир

Ҳижрий 1439 йил 11 муҳаррам, милодий 2017 йил 1 октябр якшанба куни «Ал-Жазира нет» сайтида қуйидаги хабар тарқатилди:

«Греция мудофаа вазири Панос Камменос Грециянинг Миср, яҳудийлар давлати ва Кипр ҳаво кучлари билан қўшма машғулот ўтказишни режалаштираётганини маълум қилди.

Камменосга кўра, шу кунларда режалаштирилаётган тўрт томонлама қўшма машғулотга минтақада хавфсизлик ва барқарорликни муҳофаза этиш учун қўшма мудофаа режасининг бир бўлаги сифатида, бошқа давлатлар ҳам қўшилишлари мумкин.

Бу машғулотлар Миср билан яҳудийлар давлати ўртасидаги муносабатлар мустаҳкамланаётган бир пайтда ўтказилиши кутилмоқда. Айниқса, айни машғулотлар яқинда Миср режимининг Ғазодаги, хусусан, Фаластин манфаатига оид бажарган роли ҳамда Ҳамас исломий қаршилик ҳаракати билан яҳудийлар давлати ўртасида тутқунларни алмаштириш битими ортидан ўтказилади.

Роя газетаси шарҳи:

Яҳудийлар давлатининг машғулотда иштирок этувчи қуролли кучлари, Ғазо секторини тинимсиз бомбардимон қилиб, минглаб мусулмонларни қирғин қилган ўша кучлар эмасми?! Илгари бу кучлардан Ливан, Ироқ ва Судан омон қолмаган эди. Хўш, босқинчи жинояткор бу давлатнинг шу қонхўр кучлари қандай хавфсизлик ва барқарорликни таъминлаши мумкин. Қандай қилиб шундай кучлар билан Миср ва бошқа исломий юртларнинг ҳаво кучлари ўртасида машғулот ўтказилиши мумкин?!

Шу такаббур душманни, қайноқ дўст, жанговар иттифоқчига айлантириб олишимиз энг катта жиноят ва гуноҳи азим эмасми, ахир, у оқизган қонларимиз ҳали қуригани йўқ-ку, у ҳамон Росулимиз САВнинг Исро масканларини топтаб келмоқда-ку?!

Роя газетасининг 2017 йил 11 октябр чоршанба кунги 151-сонидан