Ёшларни ватанпарварлик руҳида тарбиялаш, деган гап қанчалик Исломга мос?!
Ёшларни ватанпарварлик руҳида тарбиялаш, деган гап қанчалик Исломга мос?!
بسم الله الرحمن الرحيم
Қуролдан маҳоратли отишни ёки рақибни яксон қилишни кўр-кўрона ўргатиш ярамайди. Балки ёшларга қурол-аслаҳаларни ватанпарварлик ва юрт шаъни учун ҳимоя воситаси сифатида тушунтириш керак, дейди Мудофаа вазирлиги ҳузуридаги “Ватан таянчи” ҳаракати раҳбари Баҳром Зулфиқоров. У яна шундай деди: “Бундан бир неча йил олдин мактабларда чақирувга қадар бошланғич тайёргарлик фани йўқ эди. Бир вақтлар бу фан мавжуд бўлган, лекин орада узилиш бўлиб қолганди. Мана, ҳозир мактабларга қайтганига ҳам қарийб уч йил бўлиб қолди. Бугунги кунда тизим учун алоҳида, ягона ўзининг дастурини мувофиқлаштириш эҳтиёжи сезилди. Бу фан бўйича вазифа қўйилди: ўқувчиларга ва ўсмирларга қандай ўқитиш керак, қайси мавзулар бўйича ўқитишимиз керак, деган масалалар ҳал қилинмоқда. Бугун давлатимиз ва ҳукуматимиз томонидан ҳар қанча замонавий қуроллар ва технологиялар билан қуроллантирилсак ҳам, агар унинг қалбида ватан ва миллий ғурур бўлмаса, бундай ёшлар топширилган вазифани тўлиқ ҳис қилмайди. Бугунги дунёдаги тезкор глобал шароитда, ҳар хил таҳдидлар ривожланганда ва чегарасиз таъсирлар дунёсида миллатни сақлаб қолиш ва халқларнинг ўзлигини сақлаш масалалари долзарблашди. Бу дунёда ўзини давлат сифатида сақлаб қолиш учун аввало ўзининг тарихини, анъаналари ва миллий қадриятларини сақлаш керак”.
Яқин даврларгача иқтисодий, сиёсий устунлик самараси ўлароқ ўзининг мафкураси ва маданияти билан оламни ўзига ром қилиб келган Ғарбнинг асл башараси бугун фош бўлди. У тарғиб қилаётган демократиянинг ёлғонлиги тобора аён бўлиб қолди. Америка ва Ғарб давлатлари ўз кучини ва мусулмонлар қудратини тўғри баҳолай олгани сабаб “Ақсо тўфони” юзага келган заҳотиёқ босқинчи (Исроил)ни ҳимоя қилиш учун атрофини ўраб олишди. Бунинг ортидан, яҳудийлар уюштирган тажовузлари ва Ғарбнинг ғаламисона найранглари мусулмонларда уйғониш тўлқинини пайдо қилди. Ислом Умматининг бир бўлаги бўлган Ўзбекистон мусулмонлари ҳам бу зўравонликларга қарши сукут қилмай ўзининг турли кўринишдаги норозиликларини изҳор қила бошлашди. Айниқса, ёшлар ҳақиқатни олиб чиқа бошлашди. Яъни Аллоҳ мазлумлар хусусида мусулмонлардан талаб қилган ишларни бажаришга тўла шай эканликларини намойиш қилишди. Бундай вазиятга гувоҳ бўлиб турган ҳукумат англаб етдики, халқимиз олам мусулмонлари дардига бефарқ эмас ва куфр олами юритаётган сиёсатлардан огоҳ бўлиб боришяпти. Халқимизда, хусусан, ёшларда ўткирлашаётган бундай сезги ҳамда шаклланаётган сиёсий онгни парчалаш учун ҳукумат учта йўналиш – мусиқа, жисмоний тарбия ва ҳарбий ватанпарварлик фанлари билан зарба беришни режалади. Аниқроғи, ёшларни ўз Исломидан, Умматнинг оғриқли масалалари ва манфаатларидан чалғитишни мақсад қилмоқда. Шу билан бирга, мактаб ўқувчилари ва уларга ҳарбий ватанпарварлик фанидан таълим берувчи ҳарбийлардан Ислом таъсирини кесиш учун Қуръон ва Ҳадис бўшлиғини ажнабий психология таълимотлари билан тўлдиришга уриниляпти. Шу мақсадда қуролли кучлар ва Ўзбекистон психологлар ассоциацияси ўртасида тиғиз алоқа йўлга қўйилган.
Менинг энг катта ташвишим, мақсадим – ёшлар тарбияси, деган президент Шавкат Мирзиёев бу режани, Педагогик маҳорат миллий институтида ўқитувчилар билан бўлган мулоқотда очиқ айтди. Давлат раҳбари ушбу уч йўналишнинг шахс “камолоти”даги ўрнига аҳамият қаратиб, уларни ўқитишни такомиллаштириш долзарблигини урғулади. Мактаб ўқувчиларини мазкур уч йўналишнинг чуқурлаштирилган дастурлари билан тарбиялашни фақат ўқитувчилар зиммасига юкламай, бутун идораларни мана шу ишга жалб қилиш кўзда тутилмоқда. Шунингдек, бу сиёсат мактаблардан ошиб бутун ёшлар қатламини қамраши режаланган.
Ҳарбий ватанпарварлик фани ёшларга оид давлат сиёсатининг катта йўналиши этиб тайинланган экан, бу хусусда икки оғиз сўз айтиш зарурати туғилади. Маълумки, ҳар қандай давлатни қудрат касб этишидаги асосий устунларидан бири унинг армиясидир. Армияни қудратли қилувчи энг муҳим омил эса, аскарларни бирлаштирувчи мафкура ва туйғудир. У шундай туйғу ва мафкура бўлиши керакки, нафақат уруш, балки тинчлик ҳолатида ҳам халқни барча алоқа ва муносабатларида ўзаро бирлаштириб туриши зарур. Ўзбекистон ҳукумати ёшларга сингдиришга уринаётган тор ватанпарварлик ва миллийлик таълимотлари эса, кўп миллатли халқимизни тинчлик ҳолатида муваффақиятли бирлаштириш имконига эга эмас. Мазкур мафкураларнинг абсурдлиги қўшни Афғонистон мисолида ҳам ўз исботини топди. Афғонистондаги миллионлаган ўзбеклар Америка етакчилигидаги Ғарб кучларининг ҳужумига учраган йилларда, минтақанинг энг кучли армияси ҳисобланган Ўзбекистонни душманга қарши бир дона ўқ узишига миллий ғурур туртки бўлмади. Агар миллий ғурур армия ичкарисида қўзғалди деб тасаввур қилинса ҳам, ватанпарварлик тушунчаси уларни Ўзбекистон ташқарисида амалий ҳаракат олиб боришига тўсиқ бўлади. Таъкидлаш керакки, миллийлик ва ватанпарварлик халқнинг салоҳияти ошишига ва давлатнинг қудратли бўлишига эмас, аксинча уларни ажралган заиф бир тўда бўлиб қолишига сабаб бўлади холос. Шунинг учун Росулуллоҳ ﷺ:
دعوها“ دعوها فإنها منتنة”
“Уни (яъни миллатчилик, қабилачиликни) улоқтириб ташланглар, чунки у бадбўй нарсадир” деганлар. (Саҳиҳ Бухорий).
Хулоса қилиб айтганда, тинчлик ҳолатида ҳам мусулмон халқимизни бирлаштириб турувчи ягона омил Ислом мафкурасидир. Қачонки, инсон оёқлари остидаги Ислом заминини қўриқлашни Аллоҳ амр этганини англаса ҳамда бу йўлда жонни фидо қилиш Аллоҳнинг розилиги ва абадий жаннатига эриштиришини тушуниб етсагина юртини турли хатарлардан ҳимоя қилади ва бутун дунёга эзгуликни ёяди. Ривоят қилинишича, Росулуллоҳ ﷺнинг Бадрга кетаётгани маълум бўлгач, Умайр ибн Абу Ваққос (р.а.) онасининг ёнига югуриб келиб, мана шу қилични орқамга осиб қўясизми, Росулуллоҳ ﷺ Бадрга кетяпти, мен ҳам жангга бормоқчиман, дейди. Воқеани унинг акаси Саъд ибн Абу Ваққос (р.а.)дан эшитайлик. У деди: “Биз Бадр жанггига кетаётганимизда укам яширинишга уринаётганини кўрдим. Мен унга: “Ука, нимага ундай қиляпсан?” дедим. “Расулуллоҳ ﷺ мени кўриб, ёшимни кичик ҳисоблаб, урушга олиб бормаслигидан қўрқаман, мен эса урушда қатнашишни жуда хоҳлайман. Эҳтимол, Аллоҳ менга шаҳидликни насиб қилар”, деди. Расулуллоҳ ﷺ ҳолатдан воқиф бўлгач, унинг урушга боришига рухсат бермадилар. Умайр йиғлай бошлади, шунда Расулуллоҳ ﷺ унга урушга боришга рухсат бердилар. Ёши кичиклиги учун қиличини елкасига ўзим боғлаб қўйдим, у ўша пайтда эндигина 16 ёшда эди”.
Ҳа, инсонга мустаҳкам ирода ва азму-шижоатни бахш этадиган куч – Халифалик давлати олиб борадиган Исломий тарбиядир. Бугун ҳам ана шу давлат тикланса, у жорий қиладиган соф Исломий тарбия ёшларимизни ҳақиқий маънода қатъиятли, жасур посбонлар қилиб тарбиялайди. Ва оламни зулму-зўравонликлардан халос этувчи ҳамда бутун дунёга ҳидоят ва яхшиликларни ёювчи мард, жасур ўғлонларни етиштириб беради.
Ҳизб ут-Таҳрир Ўзбекистон матбуот бўлими аъзоси Абдураҳмон
04.12.2024й
