بِسْمِ اللهِ الرَّحْمنِ الرَّحِيمِ 

Матбуот баёноти

Жинояткор Американинг регионал сувларимизга киришини ҳамда ўзининг Жанубий Осиёдаги хавфсизлиги ва ҳукмронлигини ҳимоя қилиш учун бизнинг ҳарбий кучларимиздан фойдаланишини рад этишимиз лозим

Яқинда АҚШ сенати қуролли кучлар қўмитаси Пентагондан ўз юртларининг учта давлатдаги ҳукмронлик доирасини кенгайтиришни талаб қилди. Бу уч давлатдан бири Бангладеш. Демак, шу ойнинг бошида Тинч океанидаги АҚШ ҳарбий денгиз флоти қўмондони адмирал Гарри Б. Харриснинг Бангладешга келиши ҳам мана шу жирканч режага қаратилгани аён бўлди. Шунга қарамай, ахборот воситаларига кўра, Шайха Ҳасина билан адмирал Гарри, тинчликни муҳофаза қилиш амалиётлари доирасида Бенгал ҳарбий тайёргарлик институтида байналмилал кучлар машқини ўтказишга 3.6 миллион атрофида маблағ ажратиш ҳақида суҳбатлашишган. Шунинг учун Гаррининг Бенгал сафаридан асосий мақсад, Шайха Ҳасинанинг Жанубий Осиё ва Жанубий-Шарқий Осиё минтақасидаги АҚШнинг стратегик режаларини амалга оширишга оид ўз ролини адо этаётганига ишонч ҳосил қилишдир.

Биз шайха Ҳасинадан бу масаладаги позициясини очиқ изоҳлашини ва инсонларни алдамаслигини талаб қиламиз. Хусусан, биз денгиздаги чегараларимизга нисбатан Америка тажовузи масаласида ахборот воситаларида хабарлар қасддан қирқиб, бутунлай кўзбўямачилик билан тарқатилаётганини кузатаётганимиз учун унга шундай талаб қўймоқдамиз. Бугун жуда кўп ахборот анентликларида Бангладеш билан Мьянма ва Ҳиндистон ўртасидаги сув низосини ҳал этиш мавзуси ёритилмоқда. Бироқ бу ҳаётий муҳим денгиз масаласидан чалғитишдан бошқа нарса эмас. Чунки Шайха Ҳасина роли исломий юртлардаги бошқа ҳамкасбларидан фарқсиз равишда, салибчи Американинг юртларимизга нуфузини киритишига очиқ рухсат беришдан иборат.

Бугунги янги мустамлакачилик даврида, биз ёвуз Америка кучларининг исломий юртларимиздан бирортасига кириши, Ироқ ва Афғонистонда қилгани каби бир дафъада эмас, босқичма-босқич бўлаётганини кўриб турибмиз. Америка ушбу икки исломий юртда талайгина ҳарбий қудрат ва потенциалларини йўқотгач, хорижий стратегик юкларини елкасидан бир оз енгиллатишни истади. Сўнг «терроризм»га қарши кураш, қўшма машқлар ўтказиш ва бошқа шу каби дастаклар остида олиб бораётган урушида Покистон армиясидан фойдаланишга ўтди. Аммо Покистон охир оқибат, беқарорлик ва тартибсизлик ботқоғига ботди ва бу ишларни бевосита Америка бошқариб турди. Афсуски, айни сценарий бизнинг юртимизда ҳам такрорланиши кутилмоқда.

Биз мард қўшинларимиздан хавфсизлигимизни муҳофаза қилиб, Уммат манфаатига риоя этмоқларини ҳамда қуруқлик ва мудофаа кучларимизнинг АҚШнинг геосиёсий манфаатларига хизмат қилишига йўл қўймасликларини сўраймиз. Биз бу улуғ қуролли кучларимизни, Американинг минтақадаги ҳукмронлиги ва манфаатларидан мудофаа қилувчи қалқон бўлишларини жуда истаймиз. Эй мусулмон армиямиз! Мужоҳид боболарингизни, уларнинг Халифалик соясида Ислом рисоласини етказишда ато этган ролларини эсланг, бугун сизга ҳам Уммати Муҳаммад САВ манфаатларига риоя қилиш фарзи юкланган, уни адо этинг. Карами кенг ва қудрати улуғ Аллоҳдан дуо қилиб сўраймизки, У Зот сизнинг қўлингиз билан Бангладешга нусрат-ёрдам бериб, сизни – Американинг Ироқ ва Афғонистонни истило қилиб, сўнг Покистондан фойдалангани каби – Америкага тайёр хизматкор бўлиб қолишдан сақласин.

وَقَدْ مَكَرُواْ مَكْرَهُمْ وَعِندَ اللّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ

«Дарҳақиқат, улар (кофирлар) ўзларининг макр-ҳийлаларини қилдилар. (Лекин) агар уларнинг макрлари сабабли тоғлар емирилиб кетадиган бўлса-да, уларнинг (бу) макр-ҳийлалари Аллоҳ ҳузурида (маълумдир)»                        [Иброҳим 46]

Ҳизб ут-Таҳрирнинг

Бангладешдаги матбуот бўлими

Телефон: +880 1713008822

Факс: +880 29558854

Электрон почта: Info@khilafat.org

Адрес: H. M. Siddque Mansion, 55/A Purana Paltan,

4th Floor (Next to Grand Azad Hotel), Dhaka 1000