بِسْمِ اللهِ الرَّحْمنِ الرَّحِيمِ

Ағдариш лозим бўлган нарса жумҳурият гербларигина эмас, балки мана шу бузуқ тузумнинг ўзидир

Усмоний Халифалик давлати инглизларнинг ифлос «ўйинлари» орқали ҳамда уларнинг маҳаллий малайлари ёрдамида ағдарилгандан сўнг, 1923 йил 29 октябрдаёқ эълон қилинган турк жумҳурият (республика) бошқаруви тикланди, илмонийлик ва демократия ўрнатилди ва қабул қилинди. Шу тарзда барпо бўлган бир ифлос тузум мусулмонларнинг Аллоҳга қуллик қилинувчи тузумини қулларга қуллик қилинувчи тузумига ўзгартирди, ҳокимиятни Аллоҳдан узоқлаштирди, башарни ундан жудо қилди. Кейин минглаб мусулмонлар майдонга ўрнатилган дорга осиб ўлдирилдилар, сабаби, улар шаръий ҳукмни татбиқ қилишга ҳаракат қилгандилар, жумҳурият бошқаруви қонунларига ва уюштирилган «инқилоб»га қарши чиққандилар, кўплаб мусулмонлар қамоққа ташландилар. Кейин илмонийлар Исломдан йироқлаштириш, демократик тузумни муҳофаза қилиб, умрини узайтириш мақсадида мусулмонлар фарзандлари ақлларини заҳарлашди, бу ақллар ҳали-ҳамон пишиб етилгани йўқ.

Илмоний демократик турк жумҳурияти карами кенг, қудрати улуғ Аллоҳнинг бутун башарга ҳидоят ва ҳаёт қонуни сифатида нозил қилган Исломини реакцион дин деб санади, Унинг аҳкомларини асрга мос эмас, деб ҳисоблади. Шунинг учун бу жумҳурият ўзининг таъсис этилган илк кунидан бошлаб то шу кунгача Аллоҳнинг аҳкомларини қўйиб, Ғарбдан келтирилган қонунларни тўхтовсиз татбиқ қилиб келмоқда. Аллоҳнинг аҳкомлари ҳаётдан узоқлаштирилиши ва Исломга бегона қонунлар татбиқ этилиши сабабли жамиятда жонлару моллар хавфсизлиги издан чиқди, барқарорлик йўқолди, адолат ўрнатилмади, тинчлик ва фаровонлик рўёбга чиқмади.

Мусулмонларни жумҳурият бошқарувига рози қилишга қаратилган қаттиққўл золим илмонийлик тузуми сиёсатларини узоқ йиллар давомида татбиқ қилган англияпараст миллатчи камолчилар курсиларида бугун америкапараст консерватив демократлар ўтиришибди. Уларнинг ҳам мақсадлари янада мўътадил бўлган ўша илмонийлик сиёсатларини татбиқ қилиш. Шунинг учун улар – жумҳурият сўзи араб тилидаги жумҳур сўзидан кириб келган, дея мусулмонларни алдашга уринишди, шаръий нусусларни очиқдан-очиқ таъвил қила бошлашди, буларнинг ҳаммасидан мусулмонларни шу жумҳурият бошқарувига рози қилишни кўзлашди. Улар ўз гапларини ишонарли рост қилиб кўрсатиш учун миллатчи камолчилар ишлатган тузум гербларини ўзгартиришди. Ҳолбуки, ўзгартириш лозим бўлган нарса на шу герблар, на Чанкая минтақасидаги жумҳурият президенти саройи ва на жумҳуриятнинг мадрасаларга бўлган босимларини енгиллаштириш эди. Балки булар билан бирга, анави бузуқ тузумни тубдан қўпориб ташлаш ва ўрнига Пайғамбарлик минҳожи асосидаги тўғри йўлни тутувчи Халифалик тузумини барпо этиш лозим эди. Жумҳурият тузуми қаршисида эгалламоқ лозим бўлган позиция мана шу, бошқаси эмас.

Эй ҳукмдорлар!

Сиз ҳаётини сақлаб қолмоқчи бўлаётган бу жумҳурият аллақачон чириб бўлган яроқсиз бошқарув. Сизларнинг президентлик бошқарувини ўрнатиш, дастурий ислоҳотлар каби унинг умрини узайтириш мақсадида қилаётган ишларингиз ҳам, «янги Туркия», «2023 йил режаси» каби гапларингиз ҳам, ҳаммаси бу бошқарув танасида бошланган чиришни тўхтатолмайди. Бор-йўқ қилаётган ишларингиз бадбўй ярага тузни малҳам қилишдан бошқа нарса эмас ва буларнинг охири омадсизликка олиб боради. Сизларнинг бундай амалларингиздан на Аллоҳ рози бўлсин, на мусулмонлар! Бас, шундай экан, Аллоҳдан қўрқинг, сизга ва бутун инсониятга баракот ва раҳмат ёғдирувчи Ислом бошқарувини ҳаёт воқеига олиб келишга ҳаракат қилинг, бузуқ жумҳурият бошқаруви умрини узайтиришга уринманг. Шундай қилсангиз, нафақат Туркия мусулмонларининг, балки бутун башариятнинг озод бўлишига сабабчи бўласиз.

Эй мусулмонлар!

Жумҳурият бошқаруви фарзандларингизни гуноҳлар содир этувчи роботларга айлантирди. Бу бошқарув ушбу заминда минглаб йиллар давомида бир-бирлари билан биродар оға-ини бўлиб яшаб келган аҳлимизни татбиқ қилган миллатчилик сиёсатлари сабабли ўзаро қирпичоқ бўлувчи душманларга айлантирди. Бу бошқарув жиноятчилик, гиёҳвандлик, фоҳишаликни кенг авж олдирди, спиртли ичимликларга рухсат берди, судхўрликни қонунийлаштирди, зулмга ўчоқ бўлди, бойликларнинг тақсимотини ман қилиб, одамларни қашшоқ қилди. Шу боис сиз бундай бадбўй бошқарувни ҳам, унга қайта ямоқ солишга ва янгича башара беришга уринаётган раҳбарларни ҳам қўллаб-қувватламаслигингиз лозим. Аксинча, сиз Исломни татбиқ этадиган, сизга хавфсизлик, барқарорлик, хотиржамлик келтирадиган, тўғри йўлни тутувчи Халифалик давлатини барпо этишга ҳаракат қилинг, уни барпо этишга ҳаракат қилаётганларни қўллаб-қувватланг, шунда Аллоҳнинг ризосига ноил бўласиз.

Ғарбдан тиқиштирилаётган бошқарувдан юз ўгиринг ва қўлингиздаги исломий бошқарувга талпининг, Роббингизнинг ушбу каломига қулоқ тутинг:

أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْماً لِّقَوْمٍ يُوقِنُونَ

«Динсизлик ҳукмрон бўлишини истайдиларми?! Иймонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!»   [Моида 50]

Ҳизб ут-Таҳрир                                                                       3 муҳаррам 1436ҳ

Туркия вилояти                                                                      27 октябр 2014м