بسم الله الرحمن الرحيم

Матбуот баёноти

АҚШ ва Россиянинг серқатнов бўлиб қолгани курашнинг қизиб бораётганидан даракдир

23 август куни РФ Мудофаа вазири Сергей Шойгу амалий ташриф билан Ўзбекистонга келди. 24 август куни эса, Тошкентда Шанхай Ҳамкорлик Ташкилотига (ШҲТ) аъзо давлатлар Мудофаа вазирларининг йиғилишида қатнашди. Бу йиғилишда Шойгу Американи Украина урушида ва Жануби-Шарқий Осиёдаги мавжуд хавфсизлик архитектурасини бузишда айблаган. Бундан олдинроқ, яъни 22 августда Мирзиёев АҚШ Конгресси аъзолари Трент Келли ва Дэрин Лахуд иштирокидаги делегацияни қабул қилган. Сўнгги вақтларда Америка ва унинг таъсири остидаги давлатлар мулозимлари ҳамда Россия делегацияларининг Ўзбекистонга серқатнов бўлиб бораётгани Ўрта Осиё, хусусан Ўзбекистон учун курашнинг қизиб бораётганидан дарак беряпти. Америка Россиянинг Украина урушида бандлигидан фойдаланиб буни юртимизда ўз таъсир доирасини кучайтириш ва мустаҳкамлашни қулай фурсат деб билаётган бўлса, Россия Ўрта Осиё, хусусан Ўзбекистондаги манфаатларини ҳимоя қилишни назардан қочирмасликка ҳаракат қиляпти. Зеро, ушбу минтақа Россия учун Украина каби ўта муҳим буфер зона ҳисобланади. Шунинг учун Ўзбекистон ва Ўрта Осиёни Америкага бериб қўйиш нияти йўқ. Бошқа томондан эса Хитой ҳам ўз улушига эга бўлиш мақсадида юртимиз ва минтақадаги мавқеини мустаҳкамлаш учун асосан иқтисодий йўналишда ҳаракат қиляпти.

Бу мустамлакачилар бир неча ўн йиллардан бери юртимизга қонли қўлларини ботириб, ўз манфаатлари учунгина ўзларини бизга дўст қилиб кўрсатиб келишяпти. Аслида, уларнинг мақсади биз мусулмонларга бирор яхшилик қилиш эмас, балки ичимиздан чиққан ва Аллоҳдан қўрқмайдиган, балки ўз хўжайинларини рози қилиб, тахтларида узоқроқ ўтиришдан бошқа ниятлари бўлмаган кимсалардан иборат ўз малайлари воситасида мусулмон халқларни қул қилиш, бойликларини талон-тарож қилиш ҳамда уларни Исломдан йироқлаштириб, ўзларидан қўрқиб бош эгадиган хор ва қолоқ аҳволда ушлаб туришдир. Ҳар қандай ақли расо инсон озгина фикрласа, Америка, Россия, Хитой, Европа каби мусулмонлардан нафратланадиган мустамлакачи давлатларнинг ўнлаб йиллардан бери юртларимизга бирор яхшилик келтирмаганини, аксинча фақат уруш, очлик, камбағаллик, вайронагарчилик, бузуқлик, фасоддан бошқа ҳеч нарса бермаганиинг гувоҳи бўлади. Аллоҳ Таолонинг мана бу оятлари ҳақида тадаббур қилган инсон улар билан ҳаргиз дўст бўлмаслик кераклигини тушуниб олиши қийин эмас:

يَا أَيُّهَا الَّذِينَ آمَنُواْ لاَ تَتَّخِذُواْ الْكَافِرِينَ أَوْلِيَاء مِن دُونِ الْمُؤْمِنِينَ

– “Эй мўминлар, мўминларни қўйиб, кофирларни дўст тутманглар!”. (Нисо:144) 

لاَ تَتَّخِذُواْ الْيَهُودَ وَالنَّصَارَى أَوْلِيَاء   

– “Яҳудийлар ва насронийларни дўст тутмангиз!”.  (Моида:51) 

Устимиздаги хоин раҳбарлар эса, Аллоҳнинг қатъий тақиқлаганига қарамай, душманларимиз билан оғиз-бурун ўпишяпти, уларни рози қилиш учун ўлиб-тирилиб хизмат қилишдан асло уялмай қўйишди. Аксинча, буни ўзларига шараф деб билишяпти. Биз мусулмонлар уларнинг бундай оғир жиноятларидан покмиз. Биз ҳеч қачон Ислом ва мусулмонлар душманларига ялтоқланмаймиз ва улардан ёрдам ҳам кутмаймиз. Биз Ислом бошқарувинигина тан оламиз ва уни ҳаётга татбиқ қилиниши йўлида жонимизни ҳам беришга тайёрмиз!

Ҳизб ут-Таҳрирнинг Ўзбекистондаги матбуот бўлими