Қашшоқлаштириш ва оч қолдириш сиёсати!
بِسْمِ اللَّهِ الرَّحْمَٰنِ الرَّحِيمِ
Қашшоқлаштириш ва оч қолдириш сиёсати!
Ўтган асрнинг бошларида, яъни 1924 йилда Ислом умматининг таянчи, ҳимоячиси бўлган буюк Исломий Халифалик давлати қулатилиб, Ислом ҳаёт майдонидан четлатилгач, бутун умматга, жумладан Ўрта Осиё мусулмонларига ҳам эътиқодимизга зид бўлган илмоний низомлар татбиқ этила бошланди. Ҳукуматларни бошқаришда, суд тизимларида, ташқи ва ички сиёсатларимиздан тортиб, то иқтисодий ва ижтимоий соҳаларимизга қадар куфрий низом қўлланила бошлади. Ўша даврдан бошлаб, то бугунга қадар, бу Уммат оғир касалга чалиниб, касали тобора авж олиб, ҳеч тузалмаётган бемор каби яримжон ҳолатда яшаб келмоқда.
Ушбу касаллигимизни даволаш, соғайиш, оёққа туриш учун Жаҳон банки, Халқаро валюта жамғармаси, Европа тараққиёт ва тикланиш банки, чет эл инвестицияси каби «дори»ларни бирма бир истеъмол қила бошладик. Мустамлакачилар томонидан тақдим этилган иқтисодий режалар, ислоҳот (тўғрироғи қашшоқлаштириш ва оч қолдириш) каби дастурлар истеъмолидан ҳам фойдаланиб кўрдик. Буларнинг барчаси муваффақиятсизлик, қолоқлик, қашшоқлик гирдобига шу даражада қулатдики, бу ҳолатимизни баён қилиш учун кунлаб, ойлаб вақт керак бўлади. Нега шундай аҳволга етиб келдик? Буларнинг асл сабаби қаерда? Нега ер ости, ер усти бойликларига эга бўлган диёримиз иқтисодий қулашда давом этмоқда?
Бир сўз билан айтсак, ушбу муолажалар Умматнинг мабдаига, ақидасига асосланмаган, балки таназзулга етакловчи режалар эди. Қолаверса, бизларга татбиқ этилаётган қашшоқлаштириш ва оч қолдириш сиёсати мустамлакачиларнинг режаси бўлиб, у қасддан киргизилмоқда.Ушбу режалардан бири, учинчи олам давлатларига катта миқдорда қарзлар беришдир. «Озодлик» сайтининг 20 январь куни тарқатган хабарларида жумладан шундай дейилади:
“Жаҳон банкининг Европа ва Марказий Осиё мамлакатлари бўйича вице-президенти Сирил Мюллер банк бундан буён ҳам Ўзбекистон иқтисодиётини ривожлантириш бўйича ҳамкорликка тайёр эканини шундай изоҳлайди: “Жаҳон банки гуруҳи бизнинг Ўзбекистон билан ҳамкорлигимизни юқори баҳолайди ва бундан буён ҳам мамлакат билан ҳамкорлик концепциясидан келиб чиққан ҳолда Ўзбекистон иқтисодий ривожланишига кўмаклашишда давом этади”.Ўзбекистон ва Жаҳон банки томонидан имзоланган 2016-2020 йилларга мўлжалланган ҳамкорлик стратегияси доирасида Жаҳон банки январь ойида Ўзбекистонга 3,5-4 миллиард долларлик кредит бериши кутилмоқда”, дейилади хабар сўнгида”.
Ушбу берилаётган қарзлар албатта маълум муддатга тайин қилинган бўлиб, мабодо сизу бизлар қайтара олмасак, фарзандларимиз бўйнига юкланиши аниқ хақиқатдир. Яъни, биз ўз қўлларимиз билан фарзандларимизни ҳам мустамлакачиларга қул қилиб, қўлларига кишан солиб бермоқдамиз. Янада соддароқ қилиб айтсак, авлодларимиз бир бурда нон топишдан бошқа нарсани ўйламасин. Асл буюклигига қайтиш учун фикр қилишга, тарихини варақлашга, ихтиролар кашф этишга вақт, фурсат топмасин. Токи, бизлар мустамлакачи давлатларнинг этагини тутишда, уларнинг манфаатларига хизмат қилишда ҳамда юртларимиз хом-ашё баъзаси диёри бўлишликда бардавом бўлсин, деган гапдан бошқа нарсани англатмайди. Қанчалар разил, бемеҳр, худбин, бешафқат ота-оналармиз а!?
Бугунги кунда юртимизда рўй бераётган камбағаллик, қашшоқликнинг авж олаётгани мамлакат бойлигининг етишмаслиги ёки табиий конларнинг озлигида эмас, балки бошқа сабабларга бориб тақалади. Масалан, иқтисодий соҳада бойлик адолат билан тақсимланмаяпти. Ғарбга, мустамлакачилик сиёсатларига кўр-кўрона тақлид қилиняпти. Ғарбнинг содиқ малайларига айланган ҳокимларимиз, ўзларининг шахсий манфаатидан бошқа нарсани ўйламайдилар. Халқнинг, одамларнинг дарди, арз додлари уларни мутлақо қизиқтирмайдиган манқуртларга айланиб улгурдилар. Мустамлакачи давлатлар бойликларимизни, имкониятларимизни мутлоқ эгаллаб, ўз оёқларимиз остидан чиқадиган газга ҳам эгалик қила олмайдиган инсонларга айландик. Мана шу ҳолат бардавом бўлиши учун қашшоқлаштириш ва оч қолдириш сиёсатларига асосланяптилар.
Бу сиёсатлар жамиятимизга, хоссатан уммат вакилларига салбий таъсир кўрсатяпти. Қашшоқлик кофирликка, фосиқликка, малайликка, шубҳали ташкилотларга аъзо бўлиб олишга олиб боряпти. Жамиятнинг улкан потенциали беҳуда совуриляпти. Иқтисодий силжиш бўлмагани туфайли иқтисодий турғунлик, инфляция ва ишсизлик юзага келяпти. Қашшоқлаштириш сиёсати оилаларнинг бузилишига, тарқоқликка ва заифлашишга олиб боряпти. Айни пайтда ушбу йўқчилик жиноятларни, жиноий гуруҳларни, эътиқодимизнинг ҳар қандай қадриятларини писанд қилмайдиган авлодни келтириб чиқаряпти. Оқибатда жамият тинч-хотиржам яшашдан маҳрум бўляпти. Шунингдек одам савдоси ва қизларимизни ўзга юртларга бориб исловатхоналарда мижоз кутишлари мана шу сиёсатнинг касофатидан бошқа нарса эмас.
Ушбу муаммоларимизнинг ечими, энг тўғри муолажаси Исломдадир. Зеро, Ислом барча муаммоларимиз ҳукмини баён қилар экан, шариат доирасидан чиқмаган ҳолда, барча турдаги меҳнатни бойлик топишнинг бирламчи сабаби ва асл йўли қилиб белгилаган. Аллоҳ Таъоло ўз каломида айтади:
فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ
– „Бас, сизлар у (ер)нинг ҳар томонида (сайр-саёҳат қилиб ё тижорат билан ёки деҳқончиликни касб қилиб) юраверинглар ва (Оллоҳнинг берган) ризқ-рўзидан енглар. Ёлғиз Унинг ҳузурига тирилиб чиқиш-қайтиш бордир“. [67:15]
Агар давлат фуқароси иш тополмаса, давлат уни иш билан таъминлашга мажбур. Негаки давлат ўз фуқаросига масъул. Пайғамбаримиз Муҳаммад (с.а.в.):
وَالْإِمَامُ رَاعٍ وَهُوَ مَسْئُوْلٌ عَنْ رَعِيَّتِه
«Имом бошқарувчидир ва у ўз фуқаросига масъулдир», деганлар. Бухорий ва Муслим ривояти.
Агар шахс ўзини ва оиласини таъминлай олмаса, унинг таъминоти қариндошлари гарданига юклатилади. Аллоҳ Таъоло айтади:
وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ لاَ تُكَلَّفُ نَفْسٌ إِلاَّ وُسْعَهَا لاَ تُضَارَّ وَالِدَةٌ بِوَلَدِهَا وَلاَ مَوْلُودٌ لَهُ بِوَلَدِهِ وَعَلَى الْوَارِثِ مِثْلُ ذَلِكَ
– „Уларни (оналарни) меъёрида озиқлантириш ва кийинтириш отанинг (эрнинг) зиммасидадир. Ҳеч кимга тоқатидан ортиқ (масъулият) юкланмайди. Болалари туфайли ота ҳам, она ҳам зарар кўрмасин! Меросхўр-ворис зиммасида ҳам худди шундай (бурч) бор“. [2:233]
Қариндошлари бўлмаса ёки таъминлай олмасалар, бу мажбурият давлат зиммасига ўтади. Фақирлар ва мискинларга закот бўлимидан тўла қондирилишини давлат томонидан ижро қилинади.
Шулардан кўриниб турибдики, Исломимиз ўз давлатига эга бўлган кундан бошлаб, ҳар бир фуқаросининг ейиши, ичиши, кийиши, турар жойи каби кундалик асосий эҳтиёжларини тўла қондиради. Уйланиши, минадиган улови каби кейинги эҳтиёжларини ҳам тўла-тўкис бўлишига имконият қилиб беришга ҳаракат қилади. Бепул таълим ва даволанишни кафолатлайди. Оғир ва енгил саноатни, машинасозлик соҳаларига шундай эътибор қаратадики, бирор соҳада ажнабий давлатларга қарам бўлмайди. Ишсизлик батамом тугатилиб, Жаҳон банки каби Ғарб мустамлакачилиги режаларига ўрин қолмайди. Бойликларимизни талаб кетиш учун тузаётган барча режалари барбод бўлиб, халқларни оч қолдираётган бузғунчи кучлар тамомила тугатилади, ин ша Аллох!
Бас, шундай экан, эй Ўзбекистон мусулмонлари! Аждодларингиз каби азизликка қайтиш онларингиз яқин қолмоқда! Ушбу эзгулик йўлида фаолият олиб бораётган, Ислом Умматининг холис фарзандларига елкадош бўлиб, Буюк Исломий Халифалик Давлатини барпо қилишга, Аллоҳнинг розилигига эришишга шошилинг, ўзингизнинг ва бутун оламнинг халоскорига айланинг! Токи, бутун ер юзини Ислом аталмиш эзгулик эгаллаб, башариятни ҳалокат сари етаклаётган капиталистик ҳазорат буткул ер юзидан йўқ бўлсин!
Ҳизб ут-Таҳрирнинг Ўзбекистондаги медиа офиси Зайниддин
18.02.2016й.
