بسم الله الرحمن الرحيم

Ҳаёт йўлида муваффақиятли манзилга элтувчи кафолатли восита

Биз бу ҳаёт йўлида ўткинчи йўловчилармиз. Ҳаёт шундай бир йўлки, бу йўл бизларга ҳар он яхши ёки аксинча, қалбни ғамга тўлдирувчи бирор янгилик тақдим этиши мумкин. Бу йўл яна шундай йўлки, бу йўлда бизнинг ҳар бир онимиз хатардан хотиржамликка ёки аксинча хотиржамликдан хатарга ўзгариши мумкин. Хуллас ҳаётимиз синовларга тўла. Ҳар бир ишда, у хоҳ қувончли бўлсин, хоҳ ғам-ташвишли бўлсин биз учун синов бор.

Шунинг учун биз бу йўлда фақатгина ишончли восита орқали ҳаракатланишни истаймиз. Бу оддий бир истак бўлиб қолиши керак эмас, аксинча биз бу ишончли воситага етишмоқ учун интилишимиз шарт. Токи, шу йўлимизда яхшиликлар билан бизларни чин маънода хотиржам қиладиган манзилга етиб олайлик. Шунинг учун бундай восита ҳақида изланиш керак. Албатта кимга керак эмас, бу ҳаётда ҳам, кейинги ҳаётда ҳам муваффақият бера оладиган восита.

Кераклигига келсак, ҳаммага ҳам керак, лекин инсонлар ишончли восита сифатида ҳар хил дин ёки дастур ва тузумларни танлаб олганлар. Буларнинг ичидан ҳақиқий ишончга лойиқ бўладиганини топиб танлаш керак. Бунинг учун эса, бу восита сифатида кўриладиганларни керак бўлса бирма бир синчиклаб, энг муҳими унинг асосидан бошлаб ўрганиш керак. Шундагина ҳаёт йўлимиз учун муваффақиятли бўлган воситани танлай олишимиз мумкин бўлади.

Ҳаёт йўлида танланган ва ҳатто синовдан ўтган ҳар бир воситани кўриб чиқсангиз, уларнинг ичида адолат булоғи сингари тасаввур уйғотадиган, ҳақиқий хотиржамликни, фаровонликни бера оладиган, шахсий тарзда ҳам, жамоавий тарзда ҳам ғолибликни кафолатлайдиган восита сифатида Исломни кўрасиз. Бу таърифларнинг тўғрилигини ўтмишга назар ташласангиз тарих ҳам тасдиқлайди. Лекин сиз Исломга кофирлар чизиб берган томондан туриб баҳо берманг. Ҳар бир жиҳатидан кўриб чиқишга ҳаракат қилинг. Шундагина Исломга тўла баҳо бера олиш имконига эга бўлишингиз мумкин.

Исломнинг ҳар бир вақтда ва ҳар бир маконда инсонларга адолат бера олишини эсдан чиқарманг. Яъни Ислом инсоннинг ҳаётидаги ҳар бир соҳада вужудга келадиган муаммоларнинг ечимини ўзида мужассам этган. Шунинг учун қайта таъкидлаш лозимки, Ҳаёт деган йўлда биздек йўловчиларни буюк манзилга энг ишончли тарзда етказувчи восита бу – Исломдир. Айтиб ўтилганидек, ҳаёт йўлимизда хатарлар бисёр ва шу билан бирга бизларни хотиржам қилувчи фаровонлик ҳам бордир. Агар сиз бу ҳаёт йўлида Ислом деган воситага чин маънода миниб олмас экансиз, демак, сизнинг ҳаётингиз хатардан ва қалбингиз изтиробдан яхши томонга ўзгармайди. Исломсиз ҳаёт инсонларни изтироб ва хатарга гирифтор этади. Ислом билан яшалсагина хатарли ҳаёт фаровонликка ҳамда изтиробли қалб хотиржам қалбга айланади. Чунки Ислом шу ҳаёт йўлимиз ва биз йўловчиларнинг Яратувчиси томонидан тақдим қилинган. Эътиборли жиҳати ҳам шунда. Айнан шунинг учун Ислом бизларга бу ҳаёт йўлида асл восита бўла олади.

Хизб ут-Таҳрирнинг Ўзбекистондаги медиа офиси. Абдуллоҳ

22.11.2018