Бугуннинг Соғунийлари Ўзбекистон ҳукумати учун ашаддий жиноятчидир

بِسْمِ اللهِ الرَّحْمٰنِ الرَّحِيم

Бундан роппа роса 8 ой олдин 26 ёшли йигитга ҳукм ўқилди. 17 ой давомида қийноққа солиш ва турли босимлардан сўнг С.Х.ни 4 йилга озодликдан маҳрум қилишди. Суд-тергов ишидаги кимсалар судланувчининг исм фамилиясини тўлиқ бермаслик билан шармандали жиноятларини яширишмоқчи бўлишди. Уларнинг зулмига Аллоҳ ва мўминлар гувоҳдир!

“2018 йилнинг охирларида фуқаро С.Х. уяли телефон аппарати сотиб олади. Унда “you tube”даги турли диний видеолавҳаларни ва “telegram”даги турли аудио-видео кўринишидаги материалларни кўриш, тинглашни бошлайди. Шу тариқа С.Х. 2019 йил тахминан июнига қадар баъзи шахсларнинг материалларини кўриш ва эшитиш орқали Ислом дини ақидаларини ўрганиб келган. Мусулмонларга ёрдам бериш ва кофирларга қарши курашиш Ислом динида фарз эканини тушиниб етиб, 2019 йил август-сентябрь ойларида ишлаб, 800 АҚШ доллари тўплашни ва террорчилик фаолиятида иштирок этиш учун Сурияга боришни мақсад қилиб, бу ҳақда жиноий режа тузади. Судда судланувчи ўз айбига тўлиқ иқрор бўлган. 

Дин ишлари бўйича Қўмитанинг хулосасига кўра, С.Х.дан олинган уяли телефон аппаратида турли кўринишдаги маълумотлар Ўзбекистоннинг амалдаги давлат тузумини конституцияга хилоф равишда ўзгартиришга хизмат қилади”. Тошкент шаҳар судининг Жамоатчилик ва ОАВ билан ҳамкорлик бўйича бош консультанти Садоқат Аллаберганова. (Даракчи, 22.03.2021й)

Инсон баъзан ўйлаб қолади, Суриядаги ёки Афғонистондаги мазлум мусулмонларнинг ночор аҳволини ҳис қилиш учун ва уларга қандайдир ёрдам беришга ният уйғониши учун албатта Ўзбекистонда таъқиқланган маърузачиларни эшитиш шартмикин? Россия Суриядаги тинч аҳолини, касалхона ва мактабларни қақшатқич ўққа тутаётганини ўз телеканаллари орқали фахр билан намойиш қилиб, матбуотида ўз қудратини ҳимоясиз мусулмонлар устида синаётганини очиқ айтаётганини кўриб туриб ҳам мусулмонларнинг иймони қўзғалмасмикин? Америка етакчилигидаги НАТО кучларининг Афғонистон ва Ироқдаги жиноятлари шу даражага етдики, ҳатто Американинг ташвиқот воситаси ҳисобланган Голливуднинг етакчи кино компаниялари мусулмонлар устидаги зулм-зўравонликларнинг энг даҳшатли, энг тубан кўринишларини тасвирлашда ўзаро мусобақа қилишгача боришди. Шуларни ўз кўзи билан кўриб турган, пешонаси саждага тегиб, Аллоҳ Таолонинг:

وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ

– “Агар сиздан дин йўлида ёрдам сўрасалар, ёрдам бериш зиммангиздадир” (Анфол:72) оятларини қулоқлари эшитаётган мусулмонларнинг наҳотки қалбидаги иймони қўзғалмаса?! Фикр-мулоҳаза юритишмаса?!

Инсон воқеликка ҳаққоний назар билан қарай олмаса ва ноҳақликларни илғай олмаса, демакки, уни фасод ва бузғунчи тузум бошқараётган бўлади. Чунки инсонлар ўз-ўзидан ақлий қотиб қолиш ва руҳан ўлиш даражасига тушиб кетмайди. Ҳозирги давлатлар бир ёқлама мафкуравий ва информацион сиёсатлари воситасида инсонларни холис фикр юритишдан, ҳақиқатларга етишдан тўсишмоқда. Керак бўлса, имомларни Уммат олдига олиб чиқиб, нотўғри талқин қилинган Қуръон ва Ҳадис билан алдамоқда. Ҳамма зиддиятлар мукаммал тузум ҳолида нозил бўлган Исломни тўлиқ қабул қилмасликдан келиб чиқмоқда. Аллоҳ Таоло айтади:

أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ

– “Ё Китобнинг бир қисмига ишониб, бир қисмини инкор қиласизми? Ораларингдан ким бу ишни қилса, унинг жазоси бу дунёда расво бўлиш, қиёмат кунидан эса қаттиқ азобга дучор қилинадилар. Аллоҳ қилаётган ишларингдан ғофил эмасдир”.                                                               (Бақара:85)

Ҳукумат мусулмон халқни ўз ҳақлари ва вазифаларини англаб етишига йўл қўймаслик учун Аллоҳнинг динини етказиб келаётган озчилик даъватчиларни эшитган мусулмонларга шафқатсиз, оғир жазолар бермоқда. Шу нарса кундек равшанки, ман қилинган нарса даъватчилар эмас, балки Ислом тузумидир. Ўша даъватчилар Аллоҳга эмас, ҳукуматга бўйсунишни қабул қилса дарҳол тақиқдан чиқариладилар. Толибон Америка билан музокара столига ўтиргач, Мирзиёев ҳукуматининг кеча террорист деган гуруҳга нисбатан қандай ўзгарганини изоҳлашга ҳожат бўлмаса керак. Шунинг учун Дин ишлари бўйича Қўмитадагилар айтаётган давлат тузумини ўзгартирадиган нарса С.Х.нинг телефонидаги файллар эмас, Ислом тузумидир. Аллоҳ Таоло бундай дейди:

الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِيناً

– “Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) Исломни дин қилиб танладим”. (Моида:3)

Ўрта Осиёдан Ислом ривожи ва Умматнинг бирлиги учун катта хизматлар қилган кўплаб мумтоз шахсиятлар етишиб чиққан. Ўзбекистон ҳукумати улардан йўлбошчи аждодларимиз, деб фахрлана олмайди. Уларнинг асл меросини халққа танитиш, ҳукумат танлаган йўлнинг ботиллигини фош қилиб ташлашини билгани учун у зотларнинг қуруқ номини тилга олиш билан чекланади. Тарихий шахсиятларнинг айримларининг ижод, фаолияти ўрганилса ҳам, уларга жуда юзаки ёндашилади. Масалан: Ислом тарғиботчиси, мутафаккир ва аллома Алихонтўра Соғуний билан фахрланишиб, у кишини генералликдан юқорироқ олий ҳарбий унвон – маршалл унвонига эга бўлган, деб мақташади. Бироқ у кишининг кимнинг сафида туриб, кимга қарши курашгани тўғрисида мулоҳаза юритишмайди.

“Куни кеча “Олий суд” матбуот хизмати бир хабар тарқатди. Ўзбекистонда 2016 йилдан 2021 йилнинг биринчи ярмигача бўлган вақт мобайнида террорчиликни молиялаштирганлик айби билан 62 нафар ўзбекистонлик судланган”. (иқтибос тугади)

Қоғозда бору амалда йўқ лойиҳалар учун халқнинг давлат хазинасидаги миллиардлаган пулларини кўкка совуриш жиноят эмас, бечораҳол мусулмонларга неча пуллиги номаълум бўлган молиявий ёрдам кўрсатиш жиноят эканмиш. Сабаби бу пуллар куфрга қарши курашаётган минтақаларга юборилган. Ҳукуматнинг эса, Ислом Уммати тарафида эмас, куфр тарафида экани ҳеч кимга сир бўлмаса керак.

Нега 2000 йилдан ёки 2010 йилдан эмас, айнан 2016 дан 2021 йилгача бўлган судловлар ҳисоботи эълон қилиняпти? Бу билан Мирзиёев: “эй Америка, эй Россия, эй Европа, мусулмонларнинг бирлашишига, Исломнинг ривожланишига қарши қандай курашаётганимни кўриб қўйинглар ва қилаётган ишларимдан мамнун бўлинглар” демоқчи бўляпти. Судланган 26 ёшли йигит, ночор мусулмонларга молиявий ёрдам кўрсатган 62 киши, булардан бошқа Умматга моддий, маънавий ёрдам кўрсатаёган ва бир байроқ остида бирлашишга чақираётганлар Алихонтўра Соғуний каби аждодларимизнинг издошларидир. Хитойликлар уйғурларнинг қизларини зўрлайдими, эркакларини қатл қиладими, гўдакларини қамоқда коммунист қилиб тарбиялайдими, буларни бизнинг катталарга сариқ чақалик аҳамияти йўқ. “Бу Хитойнинг ички масаласи, биз аралашмаймиз” дейишади. Алихонтўра Соғуний эса, уйғурлар муаммоси учун курашмади. Аксинча “Мусулмонлар муаммоси менинг муаммойим, менга ҳозир ҳаж қилиш эмас, босқинчи кофирга қарши курашиш фарз бўлди” деб бу ишга ўзини бағишлади.

Аллоҳ Таоло айтади:

وَاعْتَصِمُوا بِحَبْلِ اللهِ جَمِيعًا وَلَا تَفَرَّقُوا

– “Барчангиз Аллоҳнинг арқонига боғланингиз ва бўлинмангиз!”   (Оли Имрон:103)

Ислом Умматини ҳар тарафдан сиқувга олиб, ўзининг ғайриисломий, ғайриинсоний қонунлари билан мажбуран бошқараётган ғарб мустамлакачиларидан озод бўлиш йўли – Росулуллоҳ ﷺ суннатига мувофиқ жамоавий тарзда фикрий-сиёсий кураш олиб бориш орқали Рошид Халифалик давлатини тиклашдир. Зеро, Росулуллоҳ ﷺ Аллоҳга иймон келтиришга ва У нозил қилган қонунлар билангина яшашга даъват этдилар. Сўнг Мадинада Исломий давлатни тиклаш билан, Ислом ҳукмлари ҳаётда мавжуд бўлиши учун ва мусулмонларнинг хавфсизлиги таъминланиши учун Давлат бўлиши зарурлигини таълим бердилар. Шундай экан, ихтилофларни бир чеккага суриб, Исломни ҳаётга қайтаришдек улуғ мақсад йўлида қўлни қўлга берайлик. Ёлғиз Аллоҳнинг розилигини мақсад қилиб, Унинг динини устувор қилиш учун бирлашганларга Ўзи ёрдам беришини ва уларни юксак мартабаларга кўтаришини ваъда қилган. Ҳукм ва ҳикмат соҳиби бўлган Роббимиз айтади:

…وَيَوْمَئِذٍ يَفْرَحُ الْمُؤْمِنُونَ * بِنَصْرِ اللهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ

– “Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир”. (Рум:4-5)

Ҳизб ут-Таҳрирнинг Ўзбекистондаги матбуот бўлими аъзоси Абдуллоҳ

08.12.2021й