بِسْمِ اللهِ الرَّحْمٰنِ الرَّحِيم

Роя газетаси:

Эрон мудофаа вазири: Биз Россияга бирорта ҳам база берганимиз йўқ

Эрон мудофаа вазири Ҳусайн Деҳқон юртда рус бомбардимончи учоқларининг борлиги парламентга алоқаси йўқлигини, бу Эрон ҳукуматининг «Исломий Давлат» ва Суриядаги «террористлар»га, (яъни қуролли мухолафат кучларига) қарши курашиш учун қабул қилган қарори эканини таъкидлади.

Деҳқон матбуот конференциясида рус учоқларининг Эронда бўлиши икки давлат ўртасидаги ҳамкорликни мустаҳкамлаш доирасига киришини ҳамда Теҳрон Россияга Ҳамадон ҳаво базасини фойдаланишга  – модомики, бунга эҳтиёж бор экан –  беражагини билдирди.

У «Биз Россияга ҳеч қандай базамизни берганимиз йўқ, масалани бу тарзда ўртага ташлаш нотўғри, чунки дустур хорижийларга ҳаво базасини беришни тақиқлайди», дея қўшимча қилди. Эрон мудофаа вазирига кўра, бу масала Суриядаги «Исломий Давлат» ташкилотига қарши курашга оид икки давлат келишиб олган амалиётлар учун Эрон Россияга керакли имтиёзларни бериши билан боғлиқдир. (Ал-Жазира нет).

Роя газетаси шарҳи:

Эрон ўзининг Ҳамадон ҳаво базасини рус учоқларига очиб берди ва бу маълум даражада ички норозиликка сабаб бўлди. Айни қадамни Эрон парламентидаги миллий хавфсизлик ва ташқи сиёсатлар бўйича қўмита аъзоси Ҳишматуллоҳ Фалоҳат танқид қилди. У Эрон конституциясининг 146 моддасида ҳатто тинчликка хизмат қилса ҳам, ажнабий давлатга бирор ҳарбий база очиб беришнинг ножоизлиги айтилганини таъкидлади.

Мана шу ердан биз тушуна оламизки, демак, Эрон мудофаа вазири қарорни – биз русларга ҳаво базасини бериб-топшириб қўяётганимиз йўқ, балки уларга имтиёзлар яратиб беряпмиз ёки Ҳамадон ҳаво базасидан фойдаланишига рухсат беряпмиз, холос, деган маънода сифатлаш орқали ҳақиқатни бўяб кўрсатишга уринмоқда.

Ҳақиқатни шу тарзда бўяб талқин қилиш, минтақадаги Туркия, Саудия ва бошқа давлатлар ҳукмдорлари қатори Эрон ҳукмдорларининг ҳам одатидир. Аммо аслида, бу ҳукмдорлар Ислом ва мусулмонларга қарши Ғарб давлатлари сиёсатларини ижро қилишади, ўз халқларини эса шунга ўхшаш ёлғонлар билан алдашади.

Роя газетасининг 2016 йил 24 август чоршанба кунги 92-сонидан