Европанинг Украинага инсонпарварлик ёрдамлари ҳамда икки томонлама стандартлар
بِسْمِ اللهِ الرَّحْمٰنِ الرَّحِيمِ
Европанинг Украинага инсонпарварлик ёрдамлари ҳамда икки томонлама стандартлар
Ҳизб ут-Таҳрирнинг Голландиядаги вакили устоз Окай Пала бундай деди:
«Россиянинг Украинага бостириб кириши Европани украиналикларга хавфсиз бошпана билан таъминлашга ва уларга очиқ қўллик кўрсатишга мажбур қилди. Бироқ, Европанинг суриялик ва афғонистонлик қочқинларга нисбатан кўрсатган муносабатини, яъни Белорусия ва Польша чегаралари уларни ўтказмаётганини қандай тушуниш мумкин, нега сурияликлар билан украиналиклар ажратиляпти?!».
Бу сўзлар Окай Пала нашр қилган матбуот баёнотида келган. У яна қуйидагиларни таъкидлади:
«Бундай фикрлаш, аслида Ғарбнинг бировга бўлган қарашидан келиб чиққан услубдир. Зотан, Украинанинг ўзи ҳам худди шундай камситиш ва ирқчилик иллатига ботган давлат…
Дискриминация ва ирқчиликнинг Европада мавжудлиги тан олинган бўлиб, бу билан Европа сиёсатини аниқ белгилаб бўлмайди. Чунки Ғарб давлатлари ҳар доим фойда келадиган томонни ўйлашади, ҳатто бу фойда уларнинг сиёсий қадриятига зид келса ҳам. Шунинг учун Ғарбда икки томонлама стандартлар мавжуд. Барча масалаларда шахсий манфаат устун кўрилиши сабабли ҳам, ушбу стандартлар европалик расмийларда кенг тарқалган ва мунофиқлик билан иш тутиш уларнинг мабда-системаларининг бир бўлагидир».
Устоз баёнот сўнггида хулоса сифатида бундай деди:
«Украиналик қочқинларга тақдим этилаётган ёрдамлар инсонпарварлик саналмайди. Балки бу соф манфаатдан келиб чиқиб қилинмоқда. Чунки Ғарб билан Россия ўртасидаги урушдаги украинлар Европа чегаларини ҳимоя қилиб жанг қилишяпти. Эртага ушбу кризис барҳам топса ва европаликлар манфаати рўёбга чиқса, тамом, зум ўтмай қочқинларни обрўсизлантирув ишлар бошланиб кетади. Халқ орасида уларга яхши муомалада бўлиш тўғрисида қилинаётган тарғиботлар душманлик ва муросасизликка алмаштирилади. Шундай экан, «цвилизациялашган» ва «кенгбағир» Европага хуш келибсиз!».
Роя газетасининг 2022 йил 23 март чоршанба кунги 383-сонидан
