بِسْمِ اللهِ الرَّحْمٰنِ الرَّحِيمِ

Фаластин режими Исломга қарши курашиш ва Фаластин аҳлига душманлик қилишдан бошқа нарсани билмайди!

Режимнинг Тулкарм шаҳридаги репрессив хавфсизлик хизмати Чоршанба куни ярим тунда шаҳардаги нуфузли кишилардан бири атоқли мураббий шайх Муҳаммад Халилқосим (Абу Халил)нинг уйига боришди. Ҳовли деворидан ошиб тушиб, хижолатни ҳам, ҳаёни ҳам билмай, хонадон дахлсизлигига риоя ҳам этмаган ҳолда, ичкарига бостириб киришди. Ичкаридан улуғ шайхнинг набираси Ҳимомни қамоққа олиб, кўплаб китоблар ва журналларни мусодара қилишди.

Университет талабаси бўлган Ҳимомни сиёсий фаолият олиб боргани ҳамда «CEDAW» конвенциясига норозилик позициясини эгаллагани сабабли қамоққа олишди. Пайшанба куни прокуратура Ҳимомга «тарафкашлик низосини қўзғаш» айбловини қўйиб, ҳибсда улаб туриш муддатини 48 соатга белгилади. Зеро, Режим сиёсий фаолларни айблашга етарли далил тополмаганидан фақат мана шу «тарафкашлик низосини қўзғаш», айбловини қўллайди.

Фаластин аҳли бошига бало бўлаётган ҳамда шундоқ ҳам сиёсат, соғлиқни сақлаш ва иқтисод соҳасида омадсизликка юз тутаётган бу режим даъватни кўтариб чиқаётганларга ва Фаластин аҳлига қарши курашишни бир кун ҳам тўхтатмаяпти. Унинг бундай жирканчли ишлари ўзи билан инсонлар ўртасидаги жарликни янада катталаштирмоқда, унинг Ислом душмани эканини, қадрият ва ахлоқ, деган нарса унга мутлақо ёт эканини тобора тасдиқламоқда.

Буюк мураббий Абу Халил хонадонига қилинган бу душманлик, шаҳардаги уни яхши танувчи барча улуғ кишиларга қилинган душманлик саналади. Режимдагилар бундай ҳаракатлари билан шармандалик ва хорликдан бошқа самара олишолмайди. Кошки бунга ақллари етса.

Фаластин режими Исломга адоват қилишда давом этиш билан ўзининг қора саҳифаларини янада қорайтириб, Уммат билан бўлган алоқа ришталарини бутунлай узяпти, холос. Зотан, Уммат яқинда ўз салтанати ва ҳукмронлик тизгинини қайта қўлга киритган кунда бу каби режимлардан албатта ҳисоб сўрайди. У кунга жинояткорлар ўйлагандан кўра яқин вақт қолди.

Роя газетасининг 2020 йил 22 июл чоршанба кунги 295-сонидан

0

0

Related posts:

Фаластин режими устоз Ало Абу Солиҳни ўғирлаб кетди Фаластин режими Ҳизб ут-Таҳрир аъзоларидан бирини Рамазон ойини ҳам ҳурмат қилмасдан юзсизларча ўғирлаб кетди Фаластин режими Ҳизб ут-Таҳрир аъзоларига нисбатан кенгқамровли қамоққа олиш кампаниясини бошлади Фаластин режими Ислом душманлари программасини ижро қилиш билан аёлларни бузишга, «CEDAW» конвенциясини татбиқ қилиш билан эса, оилаларни вайрон қилишга зўр бериб ҳаракат қилмоқда