Франциянинг Ислом ва мусулмонлар тўғрисидаги навбатдаги қарорлари Ғарб ҳазоратининг «ақлдан озгани»ни очиқ кўрсатмоқда
بِسْمِ اللهِ الرَّحْمٰنِ الرَّحِيمِ
Матбуот баёноти
Франциянинг Ислом ва мусулмонлар тўғрисидаги навбатдаги қарорлари Ғарб ҳазоратининг «ақлдан озгани»ни очиқ кўрсатмоқда
2020 йил 2 октябр жума куни Франция президенти Эммануэл Макрон берган матбуот конференцияси тарқатилди. Унда Макрон қуйидагиларни таъкидлади:
«Бугунги учрашувимиздан икки мақсад кўзланган: Биринчи, муаммоларимизнинг асл моҳиятини, шунингдек, бугунги жамиятимизда республикамизга ва бирдамликда ҳаёт кечиришимизга нима таҳдид солаётганини ҳеч бир тақиқларсиз, бироқ енгил ҳам санамасдан аниқлаш. Иккинчи: Сизга ўтган уч йилча вақт мобайнида қабул қилганимиз ва яқин ҳафталар ичида уни ҳукумат билан бирга тамомлаганимиз қарорларнинг муваффақиятли самара берганини маълум қилмоқ».
Кейин Макрон Францияда яшовчи мусулмонларнинг хатти-ҳаракатлари ҳақида узоқ гапириб, мусулмонларнинг ейиш, ичиш, кийиниш ва фарзандларига таълим беришда содир этаётган ишлари «сепаратист ислом» ҳисобланади, бу француз халқига таҳдид туғдирмоқда, деди. Франция давлатининг мусулмонларнинг бундай хатти-ҳаракатлари билан алоҳида шуғулланиш мақсадида шу йил охирида қонун чиқаришни режалаштираётганини қўшимча қилди.
Ғарб онгида Франция замонавий ҳазоратнинг бошланиш маркази ҳисобланади. Франция давлатининг ушбу қарори Ғарб ҳазорати ақидасининг ўлганини ҳамда бу ҳазорат ақлдан озганлигини эълон қилиш кабидир. Дарҳақиқат, илмоний ақида ғарблик халқларни битта халққа айлантиришга ожизлик қилди. Мана, юртдаги ирқчиликка қарши намойишлар ва ўнг қанот партияларнинг репрессив сиёсий ҳаракатлари Ғарб пойтахтларини ўз домига тортмоқда, Ғарб жамиятлари синфлари ўртасида кескин бўлинишлар намоён қилиб, Ғарбнинг ўз жамиятларидаги қатламларга нисбатан қанчалар ирқчи муносабатда бўлишини фош этмоқда. Илмонийликнинг мусулмон юртларидаги аҳволи ҳам бундан яхши эмас. Чунки уни мана шу ҳалок бўлаётган ғарбча ҳазоратнинг омадсиз тарафдорлари идора қилишяпти.
Ғарб ақидасининг ўлиши орқали унинг ҳазорати ҳам ақлдан озганлигига далил талайгина. Улардан биргинаси, Франция давлатининг машҳур «1995 йилги қонун»ни қайта талқин қилишга уринаётгани ва ўтган ўнлаб йиллардан буён бунга ҳеч муваффақ бўлолмаганидир. Яъни, бу қонунни асосан мусулмонларни қатағон қилишга мослаштира олмаяпти… Ваҳоланки, илмонийликнинг Францияда энг муқаддас тимсоли мана шу қонун ҳисобланади. Бундай масхарабозликнинг жирканч кўринишларидан бири шуки, Ғарбдаги илмоний муфаккирларнинг ўзлари бўлиниб кетган, бирлашолмайди ва бу Франциянинг нақадар мунофиқлигини кўрсатмоқда. Қарангки, бугун улар янги қонун чиқариш кераклигини ўзлари тан олиб, ўз ишларига ўзлари тескари чиқиб, шу орқали «эркинлик, тенглик, қардошлик» каби иккиюзламачи шиорларини оқлашга уринишяпти. Бу билан Ғарб ҳазоратининг инсониятни битта дошқозонда тоблашга-бирлаштиришга муваффақ бўлолмаганини ўзлари очиб беришяпти.
Франциянинг Ислом ва унинг рамзларига нисбатан душманлик позициясини эгаллаётгани шубҳасиз, Ғарбнинг Ислом ва мусулмонларга қанчалар ҳасад ўтида ёнаётганини кўрсатмоқда. Чунки кўпгина ғарблик илмоний муфаккирлар мусулмонлардаги олий хислатларга менсимай-масхараомуз назарда қарашади, ваҳоланки, бундай қараш соғлом инсоний табиатга зиддир. Бу қарашларини фақат бир нарса билан изоҳлаш мумкин, у ҳам бўлса, ғарбликларнинг салибчи аждодлари қолдирган нафратни қайта кўр-кўрона қабул қилишаётганидир.
Ғарб давлатларини зиёрат қилган киши шуни англаб етадики, у ерда айниқса, муҳожирларнинг иккинчи ва учинчи авлоди чиққандан кейин, мусулмонлар сони борган сари кўпайиб бормоқда, бундан ташқари, ғарбликларнинг ўзлари ҳам Исломни қабул қилмоқдалар. Ғарб пойтахтларида, хусусан, йирик давлатлар пойтахтларидаги манзарада Ислом ва мусулмонларнинг ҳаё-иффатларига чулғанаётгани инкор этиб бўлмас даражада кўзга яққол ташланмоқда. Бугун Ғарб халқлари мусулмонлардаги улуғ хислатларни яқиндан кўриб, бевосита ҳис этишяпти. Масалан, улар мусулмонларнинг аёлларидаги ҳаёни, эркакларидаги ҳайбатни, ёшларидаги иффатни, номусларини нақадар қизғанишларини, оилалари жипслигини нақадар қаттиқ сақлашларини, олий қадриятлар нақадар пок бўлиб, ушбу қадриятларни ҳимоя қилиш йўлида молу жонларини қурбон этишга тайёрликларини кўришяпти. Маст қилувчи ичимлик ва бузуқликдан нақадар жирканишларини, Роббилари учун нақадар тақво билан намоз қилишларини, жамоат намозларида жипслашиш-бирлашишларини, ҳар йили улардан жуда кўпчилиги ҳаж қилишга шошилишларини, ёмон вазиятга қарамай Аллоҳ буюрган либосга риоя этишни нақадар улуғ санашларини, Пайғамбарлари ﷺни қанчалар севишларини ва ул зотнинг сирату шарафларини ҳимоя қилишда ўлимдан ҳам қўрқмасликларини… ҳамма-ҳамма улуғ сифатларга Ғарб халқи гувоҳ бўляпти.
Шунинг учун Ислом ва мусулмонларни кўр-кўрона ёмон кўрувчи ғарбликлар асаблари таранглашиб, тиришиб-буришяпти ва мусулмонларни динларидан фитналашга бор кучларини сарфлашяпти. Ҳатто бунинг учун ҳақиқатни бузиб кўрсатишга, покликни ҳақорат дейишга, ҳаёни ноқонуний, дейишга тўғри келса ҳам шундай қилишяпти, бундан бошқа чора топишолмаяпти!
Аллоҳ Таоло бундай деган:
﴿فَمَا كَانَ جَوَابَ قَوْمِهِ إِلاَّ أَن قَالُوا أَخْرِجُوا آلَ لُوطٍ مِّن قَرْيَتِكُمْ إِنَّهُمْ أُنَاسٌ يَتَطَهَّرُونَ﴾
«Қавмнинг «Лутга эргашганларни шаҳар-қишлоғингиздан чиқариб юборларинг, чунки улар ҳаддан ортиқ покиза одамлар экан!», дейишдан бошқа жавоби бўлмади» [Анфол 82]
Макроннинг ҳозирда Ислом бутун дунёга муаммо бўляпти, деган гапига келсак, бу Ислом Умматини бадном қилиб кўрсатишга уринишдир. Чунки бугунги кунда Уммат тортиб олинган ўз ҳокимиятини қайта қўлга киритиш учун кучли тўлғанмоқда. Зотан, унинг ҳокимиятини тортиб олганлардан бири Франциядир, бунга у машъум Сайкс-Пико келишуви орқали муваффақ бўлган. Шу сабабдан Макрон матбуот конференцияси чоғида Франциянинг яқинда Шом юртлари ва Соҳил минтақаси (Африка)да Халифаликнинг қайта барпо бўлишини олдини олгани ҳақида гапирди ва бу билан ўз юртининг Халифалик давлатига бўлган гина-адоватини ифодалашни унутмади. Ҳолбуки, Макрон жуда яхши биладики, у ерларда француз армияси Халифаликни эълон қилган бир ташкилотни бостирган, холос, у ташкилот ҳақиқий Халифалик бўлмаган. Шунингдек, қачон ҳақиқий Халифалик барпо бўлса, унга бутун ер юзидаги Исломий Умматнинг қалби талпинади ва у бутун дунё халқлари бошдан кечираётган танг-бахтсиз аҳволга ҳазорий альтернатив бўлади.
Эй Ғарб юртларида кенг ёйилган мусулмонлар!
Буюк Исломингизда собит туринг ва «французча ислом», деган нарсага асло рози бўлманг, чунки Аллоҳ ҳаққи, унга рози бўлиш ҳалокатдир. Гап шундаки, бу илмонийларнинг сизни қаттиқ ёмон кўришаётганининг сабаби сизнинг Исломни маҳкам ушлаётганингиз ва уларнинг бузуқ ҳазоратига қоришиб кетмаганингиздир, уларни фақат шу сифатингиз қаттиқ ғазаблантирмоқда. Чунки Исломнинг куч-қудрати, Аллоҳ изни ила, албатта қайта тикланади, бас, шундай экан, фақат Аллоҳга тафаккур қилинг ва динингизда барқарор туринг. Аллоҳ Таоло бундай деди:
﴿وَمَا لَنَا أَلاَّ نَتَوَكَّلَ عَلَى اللَّهِ وَقَدْ هَدَانَا سُبُلَنَا وَلَنَصْبِرَنَّ عَلَى مَا آذَيْتُمُونَا وَعَلَى اللَّهِ فَلْيَتَوَكَّلِ الْمُتَوَكِّلُونَ﴾
«Бизни (тўғри) йўлимизга ҳидоят қилган Аллоҳга нечун таваккал қилмайлик, ахир, биз сизлар етказган озорларга албатта сабр қилурмиз. Таваккал қилгувчилар ёлғиз Аллоҳга таваккал қилсинлар» [Иброҳим 12]
Эй мусулмонлар!
Франция давлати француз халқи истагини юрти ичкарисига ҳам, ташқарисига ҳам зўрлаб ўтказа олаётганини кўрмаяпсизми?! Агар французларнинг давлати бўлмаганида шундай қила олишармиди?! Бас, шу боис биз сизни Халифалик давлатини қайта барпо этишга чақиряпмиз. Зотан, давлат Аллоҳ умматлар учун белгилаган бир қонун бўлиб, умматлар шу давлатлар орқали ўзларини сақлаб қолади ва ўз ҳазоратини оламга ёйишга муваффақ бўлади. Шунинг учун биз сизни Пайғамбарлик минҳожи асосидаги иккинчи рошид Халифалик давлатини барпо этиш учун биргаликда ҳаракат қилишга даъват қиламиз.
Убай ибн Каъб Росулуллоҳ ﷺнинг бундай деганларини ривоят қилади:
«بَشِّرْ أُمَّتِي بِالسَّنَاءِ وَالرِّفْعَةِ وَالتَّمْكِينِ فِي الْبِلَادِ…»
«Умматга ушбу хушхабарни етказинг: у албатта юксакликка, олийликка ва ер юзида ғолибликка етишажак».
Муҳандис Салоҳиддин Азоза
Ҳизб ут-Таҳрирнинг
марказий матбуот бўлими раиси
