Халифаликсиз уммат – қалқонсиз уммат

بِسْمِ اللهِ الرَّحْمٰنِ الرَّحِيم

Абу Ҳурайра р.а.дан ривоят қилинган ҳадисда Пайғамбар с.а.в. айтдилар:

«إِنَّمَا الْإِمَامُ (الَخَلِيفَةُ) جُنَّةٌ يُقاتَلُ مَنْ وَرَائَهُ وَيُتَّقَى بِهِ»

«Имом (халифа) қалқондир, унинг ортида туриб жанг қилинади ва у билан ҳимояланилади».

Ўтган аср бошларида Ислом олами ўз қалқони бўлган халифасидан айрилди. Биринчи жаҳон уруши иттифоқчиларнинг ғалабаси билан якунланиб, ҳужум бош қўмондони лорд Алленби Байтул-Мақдисни ишғол қилиб: “Мана энди салибчилар уриши ниҳоясига етди” деб эълон қилган лахзалардан бошлаб, ушбу қўлга киритган ғалабасини мангу зафарга айлантириш учун бор имкониятларини ишга сола бошлади.

Шу кундан мусулмонлар диёри балою офат, бўлинишу парчаланиш, қолоқлигу хорлик исканжасидан чиқа олмай қолди. Бор ҳақиқат шуки, бугунги мусибатлар, бало-ю офатларнинг замирида ҳам ушбу қалқоннинг йўқлиги ётади. Шунингдек, мусулмонларнинг тақдири мустамлакачилар қўлига тушиб қолишидан тортиб, то юқорида санаб ўтилган ишларнинг туб илдизи ҳам ўз давлатимизнинг йўқлигига бориб тақалади.

Халифалик иззат ва шараф, куч ва қудрат манбаидир, ҳал қилувчи масаладир. Халифаликни илк асрларидан бошлаб еру само аҳли бу умматга ҳавас билан боқди. Ҳаётнинг барча соҳаларида, жумладан таълим, ҳарбий, иқтисод, илм-саноат ҳамда ижтимоий алоқаларда инсониятга намуна бўлди. Ўзимизнинг диёрлардан чиққан имом Бухорий, Бурҳониддин Марғилоний, ал-Хоразмий, ат-Термизий каби буюк алломалар ушбу Халифалик давлати соясида камол топган эдилар. Уларнинг бугунги кунгача эъзозланишига сабаб бўлган омил на демократия ва на дахрийликдир, бу соф исломий ақидани тўғри тушуниб етишнинг натижаси эди.   

Шундай экан, сизу биз бугунги Ислом Уммати аждодларимизнинг ана шу мавқеларини тиклаш ҳам ўз ақидамизни тўғри англаб етиш ҳамда уни ҳаёт майдонига олиб келиш билан бўлади. Ана шу кунда бу дунёда иззату шарафга, улкан эзгуликка, охиратда эса, туганмас неъматга, Аллоҳнинг розилигига эга бўламиз. Аждодларимиз кўз ўнгида юз берган фожиа, яъни Халифалик давлати қулаган бўлса, ин ша Аллоҳ сизу-бизларнинг қўлларимиз билан яна қайта тикланажак!

Ислом Умматини бир байроқ остида бирлаштирувчи Халифалик давлатини тиклаш баъзи бир куфрга хизмат қилаётган малайлар ўйлаётганидек хаёлий орзу эмас, балки яқин кунда юз берадиган воқеий ҳақиқатдир. Аллоҳ Таоло Ўз каломида айтади:

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ

– “Аллоҳ сизлардан иймон келтирган ва яхши амаллар қилган зотларга худди илгари ўтган (иймон-эътиқодли) зотларни (ер юзига) халифа-ҳукмрон қилганидек, уларни ҳам ер юзида халифа қилишни… ваъда қилди”. (Нур:55)

Ҳизб ут–Таҳрирнинг Ўзбекистондаги медиа офиси. Зайниддин

23.03.2020й