Ҳизб ут-Таҳрирга қарши кураш Ислом ва мусулмонларга қарши кураш демакдир
بِسْمِ اللهِ الرَّحْمٰنِ الرَّحِيم
Матбуот баёноти
Ҳизб ут-Таҳрирга қарши кураш Ислом ва мусулмонларга қарши кураш демакдир
Шу йилнинг 10 сентябрь куни Ҳизб ут-Таҳрирга алоқадорликда гумонланиб 29 нафар аёл, 15 сентябрь куни 10 киши, 17 сентябрь куни эса 12 киши қўлга олинганлиги тўғрисида хабарлар тарқади. Бу хабарлар ИИВ ва ИИБнинг расмий сайтлари орқали эълон қилинди. Бу ишлар президентлик сайловларига бир ой вақт қолган ва Толибон Афғонистонда ҳокимият тепасига келган бир вақтда содир бўлмоқда. Шунга кўра айтиш мумкинки, ҳар қандай ҳолатда ҳам бу воқеалар Россия билан ёки Ўзбекистондаги россияпараст кучлар билан боғлиқдир. Россия билан боғлиқлиги шуки, Мирзиёев режими Москвани рози қилиш учун Ислом ва мусулмонларга қарши курашни сусайтирмаслиги лозим. Шунинг учун ҳам ўзбек ҳукумати Россияни рози қилиш ва унинг сайловлар арафасидаги босимини енгиллатиш йўлида мана шундай ваҳимали хабарларни тарқатаётган бўлиши мумкин. Ёки Ўзбекистондаги сиёсий элита ва куч органлари сафларидаги россияпараст кучларнинг Мирзиеёвни Россияга тўлиқ тобе бўлишини кўзлаб қилган босими бўлиши ҳам мумкин. Чунки Мирзиёев режими яҳудий Каримов режимидек кучли эмас, у ҳозиргача ўз ҳокимиятини лозим даражада мустаҳкамлай олмади. Бу унинг сиёсий доирасининг заифроқ эканлиги билан боғлиқдир. Бундан Америка ҳам, Россия ҳам ўз манфаати йўлида фойдаланишга, яъни Ўзбекистонни ўзининг тўлиқ таъсир доираси остига олишга уринмоқда.
Ҳар қандай ҳолатда ҳам кофир мустамлакачиларни рози қилишни кўзлаётган ўзбек ҳукумати ва малай сиёсий элита манфаатлари йўлида мусулмонлар азият чекишяпти, қурбон қилиняпти. Экстремизм ва терроризм ниқоби остида Ислом ва мусулмонлар нишонга олиниб, уларни Ислом асосида уйғонишдан тўсишга уринишмоқда. Чунки Ўзбекистон мусулмон аҳолисининг Исломий ҳаёт билан яшашга интилиши тобора кучаймоқда. Бунга Афғонистонда АҚШнинг мағлубиятга учраб чиқиб кетгани ҳам қўшимча омил бўлди, бу юртимиздаги мусулмонларнинг ўз кучига бўлган ишончини янада орттиряпти. Шунинг учун ҳам Ўзбекистонда мусулмонларни Ислом асосида уйғотиш учун қарийб 25 йилдан бери фаолият юритиб келаётган Ҳизб ут-Таҳрир Исломий-сиёсий партияси ўзбек ҳукуматининг асосий нишонига айланган. Ҳизб шу пайтгача ўзбек ҳукуматини ботил демократиядан воз кечиб, ҳар қандай кофир давлатлар билан алоқаларини узиб, Аллоҳнинг арқонини маҳкам ушлашга, Ундангина қўрқишга ва таваккул қилишга, Ислом қонунларини ҳаётга қайтаришда ёрдам беришга, умматга рост сўзлаб, уни алдамасликка, уни яхши кўришга даъват қилиб келади. Ҳизб шу вақтгача мамлакатнинг бирор ерида ҳокимиятни куч ишлатиб эгаллаб олишга ҳаракат ҳам қилмаган, одамларни бунга чақирмаган ҳам. Зеро, бу Пайғамбаримиз ﷺ нинг тариқатига зиддир. Шундай экан, Ҳизб қандай қилиб экстремистик ташкилот бўлиши мумкин?!!
Буларнинг барчаси ўзбек ҳукуматининг Ҳизб ут-Таҳрир ғояси, фикр ва тушунчалари қаршисида ожиз эканини кўрсатмоқда. Ҳизб Аллоҳнинг изни ила Исломий ҳаёт билан яшашни таъминлайдиган Халифалик давлатини барпо этиш йўлидаги фаолиятини давом эттираверади. Уни бундан на золимнинг қўрқитуви, на маломатчининг маломатлари, на молидан ва жонидан маҳрум бўлиш қайтара олади. Унга Аллоҳнинг мана бу сўзлари кифоя қилади:
فَانتَقَمْنَا مِنَ الَّذِينَ أَجْرَمُوا ۖ وَكَانَ حَقًّا عَلَيْنَا نَصْرُ الْمُؤْمِنِينَ
“Сўнг Биз жиноят қилган кимсалардан интиқом олганмиз ва иймон келтирган зотларни ғолиб қилиш Бизнинг зиммамиздаги ҳақ бўлган”. (Рум:47).
Ҳизб ут-Таҳрирнинг Ўзбекистондаги матбуот бўлими
